Matɨyo 10:2 - Gabri Maja

² Guson̰ ka-gɨre-gɨye ga mɔjɨ-cayge-sɔɔ le ba kɛ: Ban gɨ cay wase cɨg cɨg na Simo, gɨ kan teeyige Pɨyɛr, dan̰ kurɨndi Andɨre bɨ, Jag kurɨn̰ Jebede dan̰ kurɨndi Ja̰ bɨ,

Matɨyo 10:2 ပူးပေါင်းရင်းမြစ်များ

Matɨyo 17:1

Wɔlɛ jii kardi nee na, Jesu dor Pɨyɛr bɨ Ja̰ dan̰ kurɨndi Jag bɨ, orɨn̰ danage a cay garma gɨ sɨngɨɗɨ gɨ pɨna wo̰ kan̰dɨge hage.

Matɨyo 20:20

Kardi nee ɨni na, karɨn̰ Jebede ƴoyge ɨrga gusi Jesu dan̰ karɨndo bɨ, ɨrga poy gɨbaa dugo tumoyi dan̰ hurɔmɔ kɨya ɨngɨri hɨnga.

Matɨyo 26:37

Ban orɨn̰ dan̰ Pɨyɛr bɨ, karɨn̰ Jebede ga sɔɔ bɨ, danayi. Kɨɗɨn̰ ga nee le gusi ay te moyi naŋ bɨ, ɗugoyi adɨldii bɨ.

Matɨyo 4:18

Wɔlɛ gɨ pɨna wo̰, Jesu gor a kɨbɨ kuray gɨ Galile gɨ gumu taa taa. Ban sol kalaŋ won̰ge sɔɔ ga na ka-karme ga ka-ure gusa. Simo gɨ tɨrɨmbalayi na Pɨyɛr bɨ, kurɨndi Andɨre bɨ. Somge dɨbge bura duroy kuray gɨ gumu taa taa gɨŋ, kɨya gɨ kan na ka-ure gusa.

Matɨyo 4:21

Ban or tumɔ ɗaŋ dḛ nee ɨni na, ban sol kalaŋ ga ɗaŋ sɔɔ na ka-karme: Jag kurɨn̰ Jebede dan̰ kurɨndi Ja̰. Somge duroy koburo gɨ gumu gɨŋ pɨna dan̰ bayge Jebede, ɨre n̰ange bura toge. Ban teege.

Marg 1:29

Jesu andaŋ doŋ duroy ƴaa-daye-di-da-Jubɨn̰əŋ dɨŋ bɨ, kɔl gɨ kɨbɨna kɛ bɨ, orge andaŋ a duroy ƴaa di da Simo dan̰ Andɨre. Jag dan̰ Ja̰ kalɨn̰ ma na danage bɨ.

Marg 13:3

Jesu or sɔmɛ a cay garma gɨ Olibɨye gɨŋ gɨ bɨle cɨndi bɨn̰ ƴaa-di-da-Kumu. Ɨni na, Pɨyɛr bɨ, Jag bɨ, Ja̰ bɨ, Andɨre bɨ, somge danayi kan̰dɨge hage bɨ ɨngɨriige yege hɨn̰:

Marg 6:30

Ka-gɨre-gɨye dayaŋge gusi Jesu bɨ doriige kardi hɨnga nɔm ga kan leege bɨ, kardi hɨnga nɔm ga kan gɨlɨn̰ kalaŋ bɨ.

Kɔl-gɨ-Ɗari gɨ Lug wal 11:49

Na toy di hɨn̰ wo̰ ma, cɨn̰-muɗɔlɛ gɨ da Kumu koyi ye hɨn̰: “Ɨŋ kɨya gɨyɨn̰ dan̰ ka-yɔɔ-kɔl-gɨ-Kumu-ba-yɔɔ bɨ, dan̰ ka-gɨre-gɨye gusɨge na, kan kɨya dɨɗe ga pɨna bɨ, kan kɨya gɨlɨn̰ ga pɨna cɨn̰-n̰age bɨ.”

Kɔl-gɨ-Ɗari gɨ Lug wal 22:14

Kɨɗɨn̰ ga tɨwa di ɓal ɨni na, Jesu say som kɨbɨ dɔɔ gɨŋ dan̰ ka-gɨre-gɨye kayi ga danayi.

Kɔl-gɨ-Ɗari gɨ Lug wal 22:8

Jesu say gɨy Pɨyɛr dan̰ Ja̰ tumɔ yege hɨn̰: «Ɨragɨŋ ƴɔmɛgɨŋ cay hɨnga ga ni dɔɔ gɨ da kɨdɨrɛ gɨ ni Pakɨ.»

Kɔl-gɨ-Ɗari gɨ Lug wal 5:10

Jag dan̰ Ja̰ kurɨn̰ Jebede dan̰ ka-pogɨn̰ɨge ka-ure gusa le kalɨn̰ ma, turnoyge gɨre kayaŋ nee bɨ. Ama Jesu yen̰ Simo hɨn̰: «Hundɔrɔ naŋ! Ay toy haw kɛ na, ji kɨya ure gusa gɨ ji udɨrde naŋ ɨni, ama na kalaŋ mɨn̰ kɨya dayge ɗe kan ayge cay tɨbanɨ.»

Kɔl-gɨ-Ɗari gɨ Lug wal 9:10

Ka-gɨre-gɨye ga da Jesu jɨgage gusi yeyige kol hɨnga nɔm ga kan ba lee le. Ɨni na, ban tolge beege kardi ƴomɨn̰ge gusɨge kan̰dɨge orɨn̰ge jɨn̰ cay ƴaa-di-gumu di kan tooge Bɛtsayda.

Kɔl-gɨ-Ɗari gɨ Ja̰ wal 12:22

Pilib or yen̰ Andɨre bɨ, kardi nee na, Andɨre dan̰ Pilib yen̰ge Jesu.

Kɔl-gɨ-Ɗari gɨ Ja̰ wal 13:23

Ba-aye-cay-tɨbayi Jesu gɨ pɨna wo̰, gɨ Jesu geyi-tɔgɨ som kɨbɨ dɔɔ gɨŋ kɨwayi.

Kɔl-gɨ-Ɗari gɨ Ja̰ wal 20:2

Hɨndi gɨre or wan̰ Simo Pɨyɛr dan̰ ba-aye-cay-tɨbayi gɨ ɗaŋ, gɨ Jesu geyi tɔgɨ le bɨ, yege hɨn̰: «Dorge gundi Ba-gulɔŋ boy umboŋ kamɨn̰aŋ gaŋ coŋ. Ama ni sɨla kɨɗɨn̰ ga kan dɨbiige boy nee naŋ.»

Kɔl-gɨ-Ɗari gɨ Ja̰ wal 21:2

Simo Pɨyɛr bɨ, Tomas gɨ tɨrɨmbalayi na Mɨgɨna bɨ, Natanɨyɛl gɨ a cay ƴaa di Kana di woy a cay gɨsəŋ ga Galile gaŋ bɨ, karɨn̰ Jebede bɨ, ka-aye-cay-tɨbayi ga ɗaŋ won̰ge sɔɔ bɨ, kan nɔm somge kɨɗɨn̰ pɨna.

Kɔl-gɨ-Ɗari gɨ Ja̰ wal 21:20

Pɨyɛr pɨlɨn̰ jɨn̰ kardi bɨ, kɨɗɨn̰ ga ban sol ba-aye-cay-tɨbay Jesu gɨ Jesu geyi tɔgɨ le, ɨrga kardɨge. Na ban gɨ nee le ba naa kɨɗɨn̰ ga somge kɨbɨ dɔɔ gɨŋ lɨnge jɨn̰ kardi bɨrɨŋ ɨsɨbɨ gasɨbi Jesu bɨ, ɨngɨri ye hɨn̰: «Ba-gulɔŋ, ungo gɨ ba kɨya aye can̰ le na waŋ ga le?»

Kɔl-gɨ-Ɗari gɨ Ja̰ wal 21:24

Na ba-aye-cay-tɨbayi gɨ nee le ba lɔɔ tɨmon̰ di da hɨnga ga nee le bɨ, wale dugo duroy magtubu dɨŋ bɨ, ni sol gɨ tɨmon̰ di ban lee le, or pɨna dan̰ kɔl gɨ cɨndi.

Kɔl-gɨ-Ɗari gɨ Ja̰ wal 6:67

Ɨni na, Jesu yen̰ ka-aye-cay-tɨbayi ga mɔjɨ-cayge-sɔɔ le hɨn̰: «Ma kɛ kɨŋ-gandi, kɨŋ gey ɔrɛ naŋ ga?»

Kɔl-gɨ-Ɗari gɨ Ja̰ wal 6:70

Jesu dɨbɨge cay nee yege hɨn̰: «Kɨŋ ga mɔjɨ-caygɨŋ-sɔɔ le, kɛ na ɨŋ ba torgɨŋ naŋ ga? Ama ungo pɨna duroygɨŋ na ba-lɔɔ gɨye gɨ da Haban̰.»

Kɔl-gɨ-Ɗari gɨ Ja̰ wal 6:71

Kɔl gɨ nee le, ban ye ojɨn̰ na cay Judasɨ kurɨn̰ Simo Isikarɨyɔt. Judasɨ le, na ban gɨ pɨna duroy ka-aye-cay-tɨbayi ga mɔjɨ-cayge-sɔɔ gaŋ, naa hɨn̰ wo̰ kalɨn̰ ma, na ban ba kɨya aye cayi.

Kɔl-gɨ-Ɗari gɨ Ja̰ wal 6:8

Ɨni na, ba-aye-cay-tɨbay Jesu gɨ pɨna wo̰, ban na Andɨre, Simo Pɨyɛr kurɨndi yeyi hɨn̰:

Gɨye-lɔɔ 1:13

Kɨɗɨn̰ ga kan bugoŋge a cay ƴaa-di-gumu di nee dɨŋ le ɨni na, kan nayge orge duroy kulu gɨ woy a cay mɨgay gɨŋ daa gɨ kan daydɨn̰ge nee daa daa le. Ka-gɨre-gɨye ga dayge cayge a duroy kulu gɨ nee gɨŋ le, na: Pɨyɛr bɨ, Ja̰ bɨ, Jag bɨ, Andɨre bɨ, Pilib bɨ, Tomas bɨ, Bartelemi bɨ, Matɨyo bɨ, Jag kurɨn̰ Alpe bɨ, Simo kɨye ba-ƴaa gɨ gey dɔrɛ kalaŋ kayi kobɨ ka-dɔɔ cayge bɨ, Jud kurɨn̰ Jag bɨ.

Gɨye-lɔɔ 1:26

Kan jɨbɨge ɓɛlɛ kɨya dorɨn̰ ungo pɨna duroy ban̰aŋ ga sɔɔ le. Ɨni na ɓɛlɛ le dor na Matɨyas, na ban ma kan dɨbiige a cay ka-gɨre-gɨye ga da Jesu ga mɔjɨ-cayge-pɨna gaŋ le.

Gɨye-lɔɔ 12:2

Dan̰ te tumɔ toyi, kan dɨɗɨge Jag, gɨ na Ja̰ kurɨndi dan̰ pəlɨm.

Gɨye-lɔɔ 3:1

Wɔlɛ gɨ pɨna wo̰, Pɨyɛr dan̰ Ja̰ ɨre nayge kɨya ɔrɛ boy duroy gulɔŋ ƴaa-di-da-Kumu dɨŋ, kɨya olɨn̰ Kumu dan̰ tɨwa sɨbɨ di ni borundo.

1 Korɛ̰t 15:7

Kardi nee ban andaŋ dus gusi Jag bɨ, gusi ka-gɨre-gɨye nɔm bɨ.

Epɛs 4:11

Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Ja̰ 1:1

Na ɨŋ-bandi gɨ muɗoli ba wale magtubu di kɛ le gɨyɨn̰ bɨn̰ tama di Kumu dɔrɔɔ, dan̰ karɨndo. Ɨŋ geyge leen̰ cɨndi. Na ɨŋ-bandi ƴɔbɨ ba geyge naŋ, ama kalaŋ nɔm ga solge kɔl gɨ cɨndi le, geygege bɨ.

3 Ja̰ 1:1

Na ɨŋ-bandi gɨ muɗoli ba wale magtubu di kɛ le, gɨyɨn̰ bɨn̰ ji-bandi Gayus gɨ ɨŋ geyɨn̰ dan̰ kuduronɨ ga pɨna le.

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 18:20

Gɨɗɨgɨ-Kumu, laagɨŋ gusi-mɔwa kol mundoŋ gɨ hɨndi mundoŋ kurɔm kurɔm coŋ le! Kɨŋ kalaŋ ga woy dan̰ cɨndɨgɨŋ bɨ, ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ kalɨn̰ ma, laagɨŋ gusi-mɔwa bɨ. Kɨya wa Kumu boy kɔl caa na kol hɨnga ga ɨsɨni ga hɨndi lee danagɨŋ.

Wasɨn̰a 22:8

Ungo gɨ je kɔl gɨ nee le bɨ, sol hɨnga ga nee le bɨ le, na ɨŋ-bandi Ja̰. Kɨɗɨn̰ ga ɨŋ je bɨ, sol bɨ ɨni na, ɨŋ poy gɨbanɨ dugo tumoy ba-ƴɔbɛ gɨ daa nii gɨ ba gɨləŋ hɨnga ga nee le kɨya n̰ɨrii.