Matɨyo 10:18 - Gabri Maja

¹⁸ Kan kɨya tolgɨŋge orɨn̰ge danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Na hɨn̰ wo̰ ma, kɨŋ kɨya wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ bɨ, tumoy kalaŋ ga toyge na Jubɨn̰əŋ naŋ bɨ.

Matɨyo 10:18 ပူးပေါင်းရင်းမြစ်များ

Matɨyo 10:17

Ɗagɨŋ muɗɔlɛ cay gusɨgɨŋ kɨya cay kalaŋ, kɨya wa kan kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya somdɨgɨŋge duroy ƴaa-daye koge gɨŋ bɨ.

Matɨyo 10:19

Kɨɗɨn̰ ga kan kɨya ƴomgɨŋge orɨn̰ge danagɨŋ kɨɗɨn̰ bɔyɛ kɔl gaŋ na, ɗɔɔgɨŋ ɗugoygɨŋ algɨŋ kɛ na koldi wa ma magɨŋ kɨya yɔ ga, naŋ bɨ, cay jɨba di ni yon̰ naŋ bɨ, kɨya wa Kumu kɨya bɨgɨŋ kɔl gɨ ni yɔ a tɨwadi di nee dɨŋ le.

Matɨyo 8:4

Kardi nee Jesu yeyi hɨn̰: «Ja kuɗa: Yɔ koldi bɨn̰ ungo haw kɛ ɗe sol gɨ mada le na duroŋ gusɨn̰ naŋ. Ama ɨra gɨle gusɨn̰ a da ka-bɔgɛ kɨbar ɗe kan kobɨge sol kɛ mada le duroŋ gusɨn̰ leen̰ cɨndi haa bɨ ga. Ɨni na, mɨn̰ da orɨn̰ dan̰ hɨnga ga ni n̰ɨre bɨn̰ ka-bɔgɛ kɨbar, hɨn̰ gɨ gasɨn̰-kɔl gɨ da Moyis ba ye ojɨn̰ cay kalaŋ ga mada toge ba duroŋ gusɨge coŋ le, bɨ ba-bɔgɛ kɨbar le kɨya bɔgɛ kɨbar bɨn̰ Kumu. Hɨn̰ wo̰ na, kalaŋ nɔm kɨya sɔlɛge hɨn̰ gɨ mada le na duroŋ gusɨn̰ coŋ bɨ, kan kɨya ɓalege bugoŋ pɨna danan̰ bɨ.»

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 11:7

Ama kɨɗɨn̰ ga ka-lɔɔ tɨmon̰ ga sɔɔ le, na laage tɨmon̰ kage coŋ ɨni na, kɨmana gɨ sayga te umboŋ gɨ ɗɨgi mɨrɨg gɨ kagadi unɔ gɨŋ le, kɨya dɨbe kɨmbɨl danage bɨ, kɨya aye banga cayge bɨ, kɨya dɨɗɨge bɨ.

Wasɨn̰a 6:9

Kɨɗɨn̰ ga Kurɨn̰-dɨmangɨ le haŋgɨ tambo di ni baydo na, a te kɨɗɨn̰ ga kan gaɗɨge kɨya bogɨn̰ kɨbar nee le ɨŋ sol turnoy kalaŋ ga kan wadɨlde tumoyge kol cay Kɔl gɨ da Kumu bɨ kol cay tɨmon̰ di kan lee a cay Kumu bɨ.