Matɨyo 10:1 - Gabri Maja

¹ Jesu te ka-aye-cay-tɨbayi ga mɔjɨ-cayge-sɔɔ bɨ, bɨge dɔnɔ di ni tan̰ turnɔn̰əŋ ga ɨsɨndəŋ bɨ, poɗɨn̰ hɔmɨn̰ɛ ga toyge kan̰dɨge kan̰dɨge bɨ, torɨn̰ modo ga toyge kan̰dɨge kan̰dɨge bɨ.

Matɨyo 10:1 ပူးပေါင်းရင်းမြစ်များ

Matɨyo 19:28

Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Kɨɗɨn̰ ga hɨnga nɔm kɨya bɨləŋ ga hɨrɨwa na, Kurɨn̰-ungo kɨya sɔmɛ cay kali-tɨrɨmbala toyi di ni gusoŋ-tɔgɛ dɨŋ ɨni na, kɨŋ ga kɨŋ kobɨ karɨnɨ le, kɨŋ kɨya sɔmɛ a cay kali-tɨrɨmbala ga mɔjɨ-cayge-sɔɔ gaŋ, kɨya bon̰ kɔl a cay te wɨn̰je ga mɔjɨ-cayge-sɔɔ gɨ da karɨn̰ Ɨsɨrayɛl.

Matɨyo 26:20

Kɨɗɨn̰ ga tɨwa lee borundo ɨni na, Jesu ɨrga som kɨbɨ dɔɔ gɨŋ dan̰ ka-aye-cay-tɨbayi ga mɔjɨ-cayge-sɔɔ.

Matɨyo 26:47

Judasɨ le na gɨ pɨna duroy ka-aye-cay-tɨbay Jesu ga mɔjɨ-cayge-sɔɔ. Kɨɗɨn̰ ga Jesu ye kɔl baa kɨbi ƴee bɨ ga ma, Judasɨ andaŋ cayi. Ban ɨrga bugoŋ dan̰ dɨmdɨrdi kalaŋ, dan̰ ka-cay ka-bɔgɛ kɨbar bɨ, ga ka-muɗɔlɛ ga da Jubɨn̰əŋ ba gɨygɨge. Kan ɨrgan̰ge dan̰ pəlɨm bɨ, cɨlɛŋ bɨ.

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Matɨyo 9:35

Jesu gor a cay ƴaa ga gɨmdəŋ gɨmdəŋ gaŋ bɨ, cay karɨn̰ ƴaa ƴaa gaŋ bɨ. Ban gɨlɨn̰ kalaŋ hɨnga duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ da dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, ka-modoŋ nɔm bɨ.

Matɨyo 9:38

Na toy di hɨn̰ wo̰ ma, ulagɨŋ Kumu ba-gulɔŋ di yage ɗe gɨyɨn̰ dan̰ ka-lɔɔ gɨye daye cɨn̰ gasa daa le, jɨn̰ nee nee.»

Kɔl-gɨ-Ɗari gɨ Lug wal 10:19

Sɨlagɨŋ! Ɨŋ bɨgɨŋ dan̰ dɔnɔ di ni ɗɔdɨrɨn̰ cay kari dan̰ ɗɨsɨni dugo bɨ, ɨŋ bɨgɨŋ dan̰ dɔnɔ di ni ɗorin̰ cay ɗe-baadɨgɨŋ Sidan dugo bɨ. Hɨnga pɨna ga ɨsɨni ga kɨya loogɨŋ unɔ bɨ.

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Kɔl-gɨ-Ɗari gɨ Lug wal 24:49

Sɨlagɨŋ! Ɨŋ-bandi, ɨŋ kɨya gɨygɨn̰ dan̰ hɨnga ga Banɨ ba ye gɨ ɗi na kɨya lɔɔ bɨgɨŋ le. Ama kɨŋ-gandi na, kɨŋ sɨma cay ƴaa-di-gumu dɨŋ kɛ, bɨrɨŋ gɨ ɗe dɔnɔ di da Kumu gɨsɨn caygɨŋ.»

Kɔl-gɨ-Ɗari gɨ Lug wal 6:13

Kɨɗɨn̰ ga kɨɗɨn̰ wol yarara, ɨni na ban tee ka-aye-cay-tɨbayi gusi bɨ, ban tor kan ga won̰ mɔjɨ-cayge-sɔɔ duroyge ɗege dan̰ cɨndɨge teege ka-gɨre-gɨye kayi.

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:27

Ɨni na, Ja̰ jɨga dɨbɨge cay nee yege hɨn̰: «Hɨnga ga Kumu ay bɨn̰ ungo dɨm ma ban kɨya wɔɔ ƴee. Ama ungo kɨya ɓale wɔɔ dan̰ cay gusi naŋ.

Kɔl-gɨ-Ɗari gɨ Ja̰ wal 3:35

Kɨye Bayi gey kurondi, lee gɨ ban ɗe hɨnga nɔm a duroy kobi gɨŋ.

Kɔl-gɨ-Ɗari gɨ Ja̰ wal 6:70

Jesu dɨbɨge cay nee yege hɨn̰: «Kɨŋ ga mɔjɨ-caygɨŋ-sɔɔ le, kɛ na ɨŋ ba torgɨŋ naŋ ga? Ama ungo pɨna duroygɨŋ na ba-lɔɔ gɨye gɨ da Haban̰.»

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 19:15

Turnɔ di ɨsɨni di kan geyge tayoo le dɨbɨge cay nee yege hɨn̰: «Ɨŋ sol Jesu bɨ, ɨŋ sol kɛ Pol na waŋ ga bɨ, ama kɨŋ-gandi na, kɨŋ na kalaŋ ga ani ga?»

Wasɨn̰a 12:1

Kardi nee na, hɨnga ga ɗɨn̰ cɨn̰-kɨɗɨn̰ ga gumu ga pɨna wo̰ andɨgaŋ a gɨɗɨgɨ-Kumu gɨŋ: Na tama di pɨna wo̰ di dobɨ tɨwa di daa guso hɨn̰ badɨge wo̰ bɨ, kɨdɨrɛ woy a te tɨbaa dɨŋ dugo bɨ, jagɨwa-tɨrɨmbala di caa na dɛsɨɗɛŋn̰əŋ mɔjɨ-cayge-sɔɔ bɨ.