Matɨyo 1:21 - Gabri Maja

²¹ Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»

Matɨyo 1:21 ပူးပေါင်းရင်းမြစ်များ

Matɨyo 1:25

Ama ban wɨyan̰ danaa naŋ bɨrɨŋ gɨsɨn̰ gɨ hɨndi woon̰ kɨye gɨ nee le. Mari wɔɔ kɨye gɨ bara bɨ Jɨsɛb si gusondi naa Jesu.

Kɔl-gɨ-Ɗari gɨ Lug wal 1:13

Ama ba-ƴɔbɛ gɨ daa nii le, yeyi hɨn̰: «Hundɔrɔ naŋ! Jagari kɨya wa Kumu je ɔlɛ kon̰. Tamdɨn̰ Elijabɛd kɨya wɔɔn̰ kɨye gɨ bara, ma man̰ kɨya se gusondi na Ja̰.

Kɔl-gɨ-Ɗari gɨ Lug wal 1:31

Sɨla! Me kɨya ƴɔɔ kur bɨ, me kɨya wɔɔ kɨye gɨ bara bɨ, me kɨya ɗɔɔ gusondi na Jesu.

Kɔl-gɨ-Ɗari gɨ Lug wal 2:11

Labɨde kan wɔɔge Ba-pɔɗɛ kalaŋ a cay ƴaa di da Dabid, ban na Kɨris ban gɨ Kumu dorii le bɨ, ban na Ba-gulɔŋ nee bɨ.

Kɔl-gɨ-Ɗari gɨ Lug wal 2:21

Kɨɗɨn̰ ga kɨye le, lee wɔlɛ margɨm ɨni na, kan waliige ban̰a bɨ, kan sige gusondi na Jesu hɨn̰ gɨ ba-ƴɔbɛ gɨ daa nii ba yege kɨɗɨn̰ ga ƴoyi ba baa ƴɔɔ dan̰ kurdi ƴee le.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 4:42

Bɨ kan yen̰ge tama le hɨn̰: «Haw kɛ na, ni-gandi ni bee kuduroyni cayi na kɨya cay kɔl kɛɛ gɨ me ye ƴɔbɨ naŋ. Ama na kɨya gɨ ni-gandi gusɨni, ni je kɔl koyi dan̰ sɨmayni bɨ, ni sol leen̰ cɨndi gɨ ban na ba-pɔɗɛ-kalaŋ nɔm ga cay gɨsəŋ gaŋ bɨ.»

Gɨye-lɔɔ 13:23

«Kumu andɨn̰ dan̰ ba-pɔɗɛ a te wɨn̰je gɨ da Ɨsɨrayɛl na a te wɨn̰je gɨ da Dabid gɨŋ hɨn̰ gɨ ban ba ye gɨ ɗi na kɨya lɔɔ bɨge le, ban na Jesu.

Gɨye-lɔɔ 3:26

Na kɨya caygɨŋ ma Kumu dor marɨna ba-gɨye koyi gɨygi kɨya caygɨŋ pa dɨm ma kɨya torɨn̰-kɨbi caygɨŋ bɨ, kɨya bɨlɨn̰ waŋ waŋ kalɨn̰ ma a kɨbɨ gɨye-lɔɔdi gɨ ɨsɨni gɨŋ coŋ bɨ.»

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.