Matɨyo 1:20 - Gabri Maja

²⁰ Kɨɗɨn̰ ga ban woy te ɨrɨme ƴee bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cayi duroy sɔndɛ gɨŋ, yeyi hɨn̰: «Jɨsɛb, kungay Dabid, ji ɗɔɔ ba hundɔrɔ gɨ ni kan̰e ƴɔɔ Mari coŋ naŋ. Kɨya wa kur gɨ hɨndi ƴee le, na dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 1:20 ပူးပေါင်းရင်းမြစ်များ

Matɨyo 1:18

Wɔɔ gɨ da Jesu-Kɨris le woy na hɨn̰ wo̰: Ƴoyi di ni Mari le, na ɗe kujɔ da Jɨsɛb. Ama kɨɗɨn̰ ga kan ƴage gusɨge naŋ ƴee bɨ ga ma, hɨndi ƴee kur dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 2:12

Ɨni na, Kumu andaŋ cayge duroy sɔndɛ gɨŋ gɨ kan na gɨ jɔgɛ ɔrɛ gusi Ɛrɔd naŋ. Lee gɨ kan jogɨge ɨndi tage dan̰ te gɨyəŋ gɨ doŋ.

Matɨyo 2:13

Kɨɗɨn̰ ga ka-sɔlɛ hɨnga duroy dɛsɨɗɛŋ dɨŋ say orge coŋ bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cay Jɨsɛb duroy sɔndɛ gɨŋ bɨ yey hɨn̰: «Sa daa, aya kɨye bɨ, ƴoyi bɨ, gɨrɨn̰ ɨran̰ danage a cay gɨsəŋ ga Ejɨpt gaŋ. Bɨ sɨman̰ nee bɨrɨŋ gɨsɨn̰ gɨ ɨŋ na yan̰ pa dɨm ma man̰ jɨgan̰ danage ƴee. Kɨya gɨ Ɛrɔd mal gɨ ni dɨɗe kɨye le coŋ.»

Matɨyo 2:19

Kɨɗɨn̰ ga Ɛrɔd ma bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cay Jɨsɛb duroy sɔndɛ gɨŋ a cay gɨsəŋ ga Ejɨpt gaŋ bɨ yey hɨn̰:

Matɨyo 2:22

Ama kɨɗɨn̰ ga ban je gɨ Argelawɨs naa ba-dɔɔ cay gɨsəŋ ga Jude ban̰di bay Ɛrɔd na, ban hɨndar ɔrɛ a cay gɨsəŋ ga Jude gaŋ. Kumu yeyi duroy sɔndɛ gɨŋ gɨ ban na ɨra a cay gɨsəŋ ga Galile gaŋ.

Matɨyo 27:19

Kɨɗɨn̰ ga Piladɨ som a kɨɗɨn̰ bɔyɛ kɔl gɨŋ na, tamdi gɨygɨ yeyi hɨn̰: «Ɗɔɔ ba dɔbɛ gusɨn̰ a duroy kɔl gɨ da ungo gɨ dan̰ durɔ ɗɨngar gɨ nee gɨŋ le naŋ. Kɨya wa labɨde mɨrɨn̰tɨn̰i ləŋ duroy sɔndɛ gɨŋ tɔgɨ kol cayi.»

Matɨyo 28:5

Ama ba-ƴɔbɛ gɨ daa nii le yen̰ kandɨ le yege hɨn̰: «Hundɔrɔgɨŋ naŋ, ɨŋ sol gɨ kɨŋ mal na Jesu gɨ kan gagɨliige a cay sɨya-gɨ-dagɨli gɨŋ le.

Kɔl-gɨ-Ɗari gɨ Lug wal 1:19

Bɨ ba-ƴɔbɛ gɨ daa nii le dɨbi cay nee yey hɨn̰: «Ɨŋ na Gabɨriyɛl, ba ɨre tumoy Kumu kɨya lɔɔ kuduroy geye koyi. Kumu gɨygəŋ gɨ ɨŋ na ɨre yan̰ bɨ, gɨ ɨŋ na ɨren̰ dan̰ Kɔl-gɨ-Ɗari gɨ kɛ le, bɨn̰ bɨ.

Kɔl-gɨ-Ɗari gɨ Lug wal 2:4

Jɨsɛb kalɨn̰ ma sayga a cay karɨn̰ ƴaa ga Najarɛt, ga woy a cay gɨsəŋ ga Galile gaŋ. Kɨya ɔrɛ jɨn̰ Bɛdɨlɛhɛm cay ƴaa di da Dabid di woy a cay gɨsəŋ ga Jude gaŋ, kɨya gɨ ban kalɨn̰ ma na a te wɨn̰je gɨ da Kɨlma Dabid bɨ.

Gɨye-lɔɔ 5:19

Ama dan̰ duroy son̰dodo dɨŋ na, ba-ƴɔbɛ gɨ daa nii gɨ da Ba-gulɔŋ gɨ pɨna wo̰ ɨrga haŋgɨ kɨbɨ ƴaa dangayn̰əŋ bɨ, dorge orɨn̰ danage doŋ bɨ, yege hɨn̰:

Wasɨn̰a 19:7

Kuɗa gɨ na leegɨŋ gusi-mɔwa bɨ, Tɨganagɨŋ pɨre bɨ, dɨbɨnagɨŋ gusoŋ-tɔgɛ cayi bɨ. Sɨlagɨŋ, wɔlɛ gɨ da gɔrɛ ƴaa, Gɨ da Kurɨn̰-dɨmangɨ le ɓal ɨni bɨ, Tamdi ƴom cay tɨbaa ɨni bɨ.