Matɨyo 1:1 - Gabri Maja

¹ Magtubu da te mon̰ gɨ da Jesu-Kɨris ba kɛ: Ban na kungan̰ Dabid dan̰ kungan̰ Abɨraham.

Matɨyo 1:1 ပူးပေါင်းရင်းမြစ်များ

Matɨyo 1:18

Wɔɔ gɨ da Jesu-Kɨris le woy na hɨn̰ wo̰: Ƴoyi di ni Mari le, na ɗe kujɔ da Jɨsɛb. Ama kɨɗɨn̰ ga kan ƴage gusɨge naŋ ƴee bɨ ga ma, hɨndi ƴee kur dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 1:2

Abɨraham wɔɔ Isag, Isag wɔɔ Jagob, Jagob wɔɔ Juda dan̰ karmii.

Matɨyo 15:22

Bɨ ga ma, tama di pɨna wo̰ di a cay gɨsəŋ ga ɗaŋ gaŋ ga Kana ɨrga gusii, ɨle guso gan̰ gɔsɛ ye hɨn̰: «Ba-gulɔŋ, Kungay Dabid, sɨla cɨn̰-n̰age tɨnge! Turnɔ di ɨsɨni di pɨna wo̰, leen̰ tɨrɨmonɨ mɨrɨn̰tɨn̰i gɨɗaŋ.»

Matɨyo 3:16

Kɨɗɨn̰ ga ban leen̰ Jesu batɛm coŋ ɨni na, ban andaŋ duroy kaŋ gaŋ doŋ. Kɨɗɨn̰di ga nee gaŋ le bɨ ga ma, gɨɗɨgɨ-Kumu hangaŋ wɨn̰ bɨ, Jesu sol Turnɔ di da Kumu sayga daa gɨlɨn̰ hɨn̰ guu di bɛrɛ kən̰jəŋ wo̰, ɨrga gɨsɨn cayi.

Matɨyo 9:27

Jesu say ɗe kɨɗɨn̰ ga nee le ɨni na, ka-bɨbe won̰ge sɔɔ kobɨge kardi wɨlalge yen̰ge hɨn̰: «Ay! Kungay Dabid, sɨla cɨn̰-n̰age toni!»

Kɔl-gɨ-Ɗari gɨ Lug wal 1:33

Ban kɨya dɔɔ-ƴaa a cay te kalaŋ ga Ɨsɨrayɛl ga na te wɨn̰je gɨ da Jagob dan̰ tumoyi yɔd bɨ, dɔɔ-ƴaa toyi le tɔɔ kɨya ayaŋ naŋ bɨrɨŋ bɨ.»

Kɔl-gɨ-Ɗari gɨ Ja̰ wal 7:42

Kɛ Magtubu di da Kumu di kan walge le, ya hɨn̰: «Ban na kɨya andaŋ na a te wɨn̰je gɨ da Dabid bɨ, ban na kɨya sɔɔ naa Bɛdɨlɛhɛm cay gulɔŋ gɨ Dabid malgɨn̰ nee gɨŋ bɨ naŋ ga?»

Gɨye-lɔɔ 2:30

Ama ban na ba-yɔɔ-kɔl-gɨ-Kumu-ba-yɔɔ bɨ, ban sol gɨ Kumu ay noyi dorɨn̰ gusi bii gɨ ɗi na kɨya dɔrɛ ungo pɨna duroy kongɨn̰ii gaŋ ɗoyi a cay kali-tɨrɨmbala toyi dɨŋ bɨ.

Magtubu di Pol wal bɨn̰ kalaŋ ga Rɔm 1:3

Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 4:13

Kumu ye gɨ ɗi na kɨya bɨn̰ Abɨraham bɨ, kongɨn̰ii bɨ, cay gɨsəŋ nɔm hɨn̰ hɨnga ga ni ban̰di-gulɔŋ kage wo̰. Hɨnga ga Kumu ye gɨ ɗi na kɨya bii le, na kɨya bɨle gɨ Abɨraham bɨle gusi a kardi gasɨn̰-kɔl gaŋ naŋ. Ama na kɨya bɨle gɨ Kumu bɨlii leen̰ ungo gɨ dan̰ durɔ ɗɨngar a cɨndi, dan̰ gɨyəŋ gɨ da aye kudurɔ koyi.

Magtubu di Pol wal bɨn̰ kalaŋ ga Rɔm 9:5

Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

Galad 3:16

Woy na hɨn̰ wo̰ bɨ, kɨya Abɨraham bɨ, kungayi bɨ, gɨ Kumu ye gɨ ɗi na kɨya bɨge hɨnga. Na gɨ ni yɔɔ gɨ na kongɨn̰ii hɨn̰ gɨ kan na kondɨ wo̰ naŋ. Ama kungay le, na ungo gɨ pɨna hayi kəɗ kəɗ, ungo gɨ nee le na Kɨris.

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

2 Timote 2:8

Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

Wasɨn̰a 22:16

Ɨŋ-bandi Jesu, ɨŋ gɨy dan̰ ba-ƴɔbɛ hɨnge gɨ daa nii kol caygɨŋ kɨŋ-gandi Ka-Daye ɗe agɨŋ na jen̰ tɨmon̰ di da hɨnga nɔm ga woy a duroy magtubu di kɛ dɨŋ le. Ɨŋ na kungay Dabid bɨ kɨlma gɨ a te wɨn̰je koyi gɨŋ bɨ. Ɨŋ na turɨmbɔlɔ di asɨn̰ dan̰ tɔgɔɔ bɨ.