Marg 8:34 - Gabri Maja

³⁴ Kardi nee na, ban tee dɨmdɨrdi kalaŋ dan̰ ka-aye-cay-tɨbayi bɨ yege hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ, ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cayi nee, yanan̰ gusi kɨya dogɨn̰ nerɨn̰ bɨ, kɨya kobɨn̰ karɨnɨ bɨ.

Marg 8:34 ပူးပေါင်းရင်းမြစ်များ

Matɨyo 10:38

Waŋ waŋ gɨ na kuja sɨya-gɨ-dagɨli koyi dɨgan̰ nərɨn̰ ɨran̰ karɨnɨ naŋ na, kɨya ɓale bɨle ba-aye-cay-tɨbanɨ naŋ.

Matɨyo 16:24

Kardi nee na, Jesu yen̰ ka-aye-cay-tɨbayi hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ, ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cayi nee yanan̰ gusi kɨya dogɨn̰ nerɨn̰ bɨ, marɨn̰ bɨ.

Matɨyo 27:32

Kan andaŋge orɨn̰ge danayi a kardi cay ƴaa-di-gumu dɨŋ ɨni na, kan wayge ungo gɨ pɨna wo̰ gɨ teeyige Simo, ban na ungo gɨ kan wooyge a cay ƴaa-di-gumu di Sirɛn dɨŋ. Kan usboŋge danayi bɨ ƴomiige dan̰ dɔnɔ gɨ ban na aya sɨya-gɨ-dagɨli gɨ da Jesu.

Marg 10:21

Jesu ay cɨndi solii dan̰ geye bɨ yeyi hɨn̰: «Ji baa lɔɔ hɨnga pɨna ƴee. Sa ɨra kɨle hɨnga nɔm ga ji orɨn̰ coŋ bɨ aya gursudɨge bɨn̰ kalaŋ ga wɔɔdɨge unɔ ɨni na, ji kɨya wɔɔ hɨnga ga ni wɔɔ a gɨɗɨgɨ-Kumu gɨŋ. Kardi nee ɨni na, mɨn̰ ɨre kɨba karɨnɨ.»

Marg 7:14

Kardi nee Jesu te dɨmdɨrdi kalaŋ ɗaŋ coŋ gusii bɨ yege hɨn̰: «Kɨŋ-gandi nɔm jagɨŋ kɔl hɨnge bɨ sɨlagɨŋ duroyi bɨ.

Kɔl-gɨ-Ɗari gɨ Lug wal 13:24

«Ko na wa wa kalɨn̰ ma laagɨŋ agɨŋ andɨn̰ dan̰ kɨbɨ gɨyəŋ gɨ sɛlgɛgɛ. Aŋ yəgɨŋ daa waŋ, kondɨwadi kalaŋ kɨya malege gɨyəŋ age na andɨn̰ nee ama kɨya ɓalege naŋ.

Kɔl-gɨ-Ɗari gɨ Lug wal 14:33

Woy na hɨn̰ wo̰ kol caygɨŋ bɨ, ungo gɨ na sɨma cay tɨbayi dɨŋ kɨya ɗon̰ hɨnga wɔɔdi nɔm coŋ naŋ na, kɨya ɓale bɨle ba-aye-cay-tɨbanɨ naŋ.»

Kɔl-gɨ-Ɗari gɨ Lug wal 18:22

Kɨɗɨn̰ ga Jesu ba je kɔl gɨ da ungo le hɨn̰ wo̰ na, ban yeyi hɨn̰: «Ji baa lɔɔ hɨnga pɨna ƴee. Saa ɨra kɨle hɨnga kan̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ, ɨni na ji kɨya wɔɔ hɨnga wɔɔ a daa nii. Kardi nee ɨni na mɨn̰ ɨre kɨba karɨnɨ.»

Kɔl-gɨ-Ɗari gɨ Lug wal 20:45

Kɨɗɨn̰ ga dɨmdɨrdi kalaŋ ɨrege jege kɔl gɨ da Jesu na, ban yen̰ ka-aye-cay-tɨbayi hɨn̰:

Kɔl-gɨ-Ɗari gɨ Lug wal 9:23

Ɨni na, ban yen̰ kalaŋ nɔm ga ba tɔgɨyige le hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cay nee n̰anan̰ gusi, dan̰ wɔlɛ pɨna pɨna kɨya dogɨn̰ nerɨn̰ bɨ, kɨya marɨn̰ bɨ.

Kɔl-gɨ-Ɗari gɨ Ja̰ wal 10:27

Gamge kange jege nonɨ bɨ, ɨŋ solge bɨ, kan kobɨge karɨnɨ bɨ.

Kɔl-gɨ-Ɗari gɨ Ja̰ wal 19:17

Jesu gusi ba-aye sɨya koyi gɨ dagɨli, den̰ kɨɗɨn̰ andɨn̰ a cay ƴaa-di-gumu di Jerusalɛm dɨŋ doŋ bɨ, orɨn̰ andɨn̰ kɨɗɨn̰ ga teegege Isi-ca, gɨ kan teege dan̰ kɨbɨ əbɨro naa Golgota le.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Magtubu di Pol wal bɨn̰ kalaŋ ga Rɔm 6:6

Na sol gɨ haldɨna gɨ ɨlgi le ma dan̰ Kɨris pɨna a cay sɨya-gɨ-dagɨli gɨŋ ɨni, ɗe hal gɨ da ɨsɨna gɨ nee le mundoŋ coŋ, ɗe ana na won̰ gɔyɔŋ ga da ɨsɨna coŋ naŋ ɨni.

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

1 Korɛ̰t 15:31

Ay, karmɨnɨ ga ban̰aŋ dan̰ ga kandɨ, dan̰ wɔlɛ pɨna pɨna ɨŋ ɨre kɨbɨ tɨma dɨŋ: Na cɨndi gɨ kol caygɨŋ le canɨ ayaŋ daa kol bugoŋ gɨ kɨŋ bugoŋ pɨna dan̰ Ba-gulɔŋ Jesu-Kɨris.

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

1 Korɛ̰t 9:19

Na cɨndi ɨŋ na ungo gɨ ɨŋ som canɨ kalɨn̰, lee gɨ ɨŋ na guyɔŋ da ungo pɨna naŋ. Ama ɨŋ bɨləŋ guyɔŋ gɨ da kalaŋ nɔm ɗe aŋ na wan̰ dɨmdɨrdi kalaŋ hal a te gɨyəŋ gɨ da Kɨris gɨŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Pilib 3:10

Ɨŋ wɨraŋde na ɗe gɨ aŋ na solɨn̰ Kɨris bɨ, dɔnɔ di da bɔyɛ lɨbe koyi bɨ. Ɨŋ wɨraŋde na ɗe gɨ aŋ na bugoŋ pɨna danayi boy cɨn̰-gɨle-cɨn̰ toyi dɨŋ bɨ, ɗe aŋ na gɨlɨn̰ hɨn̰ ban wo̰ boy tɨmaydi dɨŋ bɨ.

Pilib 3:7

Ama hɨnga ga tumɔ ɨŋ ba bee kuduronɨ cay nee kɨya won̰ hɨnga le, ɨŋ say ɗege coŋ bɨ ɨŋ solge hɨn̰ hɨnga ga kalɨn̰ wo̰ dugo kɨya cay Kɨris.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

2 Tesalonigɨ 3:11

Kɨya wa ni je hɨn̰ gɨ kalaŋ ga pɨna duroygɨŋ naa ka-wɔyɛ kuŋ cay gusɨge gɨŋ. Gɨye-lɔɔdɨge gɨ ɗaŋ unɔ, ama kan som na kɨya tɔbɛ kɨbɨge a boy kɔl gɨ dɨlage naŋ gɨŋ.

Titɨ 2:12

Ɗarwa di nee le gɨlnagɨŋ gɨ na na ɗa gɨye-lɔɔ gɨ bugoŋ pɨna dan̰ Kumu naŋ coŋ bɨ, tabɨlaŋdi hɨnga ga cay gɨsəŋ gaŋ kɛ coŋ bɨ. Ɗarwa di nee le gɨlnagɨŋ ana na somɨn̰ a tɨwa di haw dɨŋ kɛ kɨya solɨn̰ hɨnga ga ɗari dɨm mana kɨya lɔɔ ƴee bɨ, loon̰ gɨye gɨ dan̰ durɔ ɗɨngar bɨ, loon̰ gɨye gɨ bugoŋ pɨna dan̰ Kumu bɨ.

Əbɨro 13:13

Na toy di hɨn̰ wo̰ ma, ɗe gɨ ana andaŋgɨŋ orgɨŋ a kardi gulɔŋ gɨŋ doŋ, ɗe kan dɨbɨn̰ge dasi cay nagɨŋ hɨn̰ koyi wo̰ bɨ.

1 Pɨyɛr 4:1

Cɨn̰-n̰age di Kɨris way a kuyoŋdi-gusi gɨŋ le kɨŋ sol kuɗa. Na toy di hɨn̰ wo̰ ma kɨŋ-gandi kalɨn̰ ma, kɨŋ ɗa gɨ ɨrɨme gɨ hɨn̰ wo̰ woy caygɨŋ bɨ. Kɨya wa ungo gɨ way cɨn̰-gɨle-cɨn̰ a kuyoŋdi-gusi gɨŋ le, kan puyonge coŋ dan̰ ɨsɨna.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

2 Pɨyɛr 1:14

Kɨya wa ɨŋ sol gɨ ɨŋ kɨya ɗɔɔ kuyoŋdi-gusɨnɨ gɨ ba kɨya mare gɨ ba woy kɛ le coŋ mɨnde, hɨn̰ gɨ Ba-gulondɨna Jesu-Kɨris ba yəŋ koldi tumɔ le.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.