Marg 7:19 - Gabri Maja

¹⁹ kɨya wa hɨnga ga nee le andaŋ ɗugoy naŋ, ama andaŋ na kuduroy bɨ, kardi nee andaŋ gusi coŋ le kɛ kɨŋ sɨla wo̰ naŋ ga?» Dan̰ gɨyəŋ gɨ da kɔl gɨ nee le Jesu gɨl gɨ hɨnga ga ni dɔɔ nɔm naa hɨnga ga ojɨ ga ni dɔɔ.

Marg 7:19 ပူးပေါင်းရင်းမြစ်များ

Matɨyo 15:17

Kɨŋ sol gɨ hɨnga nɔm ga ungo di a kɨbi le, or na a kuduroy pa dɨm ma andaŋ gusi coŋ le kɛ, kɨŋ sɨla wo̰ naŋ ga?

Marg 7:18

Ɨni na, ban yege hɨn̰: «Hɨnga le kɨŋ-gandi kalɨn̰ ma kɨŋ sɨla duroy kɔl le naŋ bɨ ga? Kɨŋ sol gɨ hɨnga nɔm ga ungo di a kɨbi le kɨya ɓale bɨlii leen̰ ungo gɨ mɨdagi naŋ,

Kɔl-gɨ-Ɗari gɨ Lug wal 11:41

Bɨn̰gɨŋ Kumu ɗugoygɨŋ hɨn̰ hɨnga ga ni loon̰ wandɨ wo̰ na, hɨnga nɔm kɨya bɨle arɨn̰a cərərə bɨgɨŋ.

Gɨye-lɔɔ 10:15

Ɨni na, noy ungo gɨ ba yeyi kɔl tumɔ le, jɨga yeyi gɨ ni cay sɔɔdi coŋ hɨn̰: «Hɨnga ga Kumu ba ye gɨ naa hɨnga ga duroŋ mɨra le, sɔlɛ leen̰ hɨnga ga lee kɨni naŋ.»

Gɨye-lɔɔ 11:9

Bɨ noy ungo le ye gɨɗɨgɨ-Kumu gɨŋ ɗaŋ coŋ hɨn̰: «Hɨnga ga Kumu ba ye gɨ na hɨnga ga duroŋ mɨra le, ji ɗɔɔ ba sɔlɛ leen̰ hɨnga ga ni kɨni naŋ.»

1 Korɛ̰t 6:13

«Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

Kɔlɔs 2:16

Kɨya cay kɔl nɔm gɨ nee le na, kɨŋ ɗɔɔ ungo wo̰ dɨbe kɔl caygɨŋ naŋ, ojɨn̰ cay hɨnga ga ni dɔɔ naŋ le, hɨnga ga ni sɔɔ naŋ le, cay lɔɔ kɨdɨrɛ gɨ da kɨdɨrɛn̰əŋ naŋ le, ojɨn̰ cay lɔɔ kɨdɨrɛ gɨ da kɨdɨrɛn̰əŋ ga andaŋ hɨrɨwa naŋ le, ojɨn̰ cay wɔlɛ gɨ ni dorɨn̰ gɨlale gɨ da Jubɨn̰əŋ bɨ.