Marg 5:23 - Gabri Maja

²³ Bɨ ban ol Jesu mɨjag yen̰ hɨn̰: «Turmonɨ di n̰əŋ woy kɨbɨ tɨma dɨŋ. Ɨre dɨbɨ kobɨn̰ caa ɗe hɨndi wan̰ pɔɗɛ bɨ sɔmɛ-bɨra bɨ.»

Marg 5:23 ပူးပေါင်းရင်းမြစ်များ

Matɨyo 8:3

Jesu ay kobi ɨsɨbɨn̰ ungo le bɨ yeyi hɨn̰: «Ho’o, ɨŋ gey gɨ mada le duroŋ gusɨn̰ coŋ! Ɗe gusɨn̰ leen̰ mɨra.» Kɨɗɨn̰di ga nee gaŋ le bɨ, mada le duroŋ gusi coŋ.

Marg 16:18

Kɨɗɨn̰ ga kan na ƴɨma kumbulo dan̰ kobɨge bɨ, sage hɨnga ga kɨya dɨɗe kalaŋ bɨ kalɨn̰ ma, kɨya looge hɨnga pɨna naŋ. Kan kɨya dɨbege kobɨge cay ka-hɔmɨn̰ɛn̰əŋ bɨ, kan kɨya pɔɗɛge bɨ.”»

Marg 5:24

Ɨni na, Jesu say or danayi. Dɨmdɨrdi kalaŋ dan̰ kondiige kobɨge kardi bɨ jəngɨdiige te gɨyəŋ gɨŋ bɨ.

Marg 6:13

Kan tayge turnɔ ga ɨsɨndəŋ dan̰ kondiige bɨ, yoɗɨn̰ge ka-hɔmɨn̰ɛ sɔŋ dan̰ kondiige bɨ, kan poɗɨgege bɨ.

Marg 7:32

Ɨni na, kalaŋ ga pɨna wo̰ ɨrgan̰ge dan̰ gɨlmi ba-məŋ gusi Jesu, gɨlmi gɨ nee le kɔl gagɨde kɨbi. Kan olge Jesu ɗe na dɨbɨ kobi cayi.

Marg 8:23

Ban ƴom kobɨ ba-bɨbe le dorɨn̰ tumoyi, orɨn̰ danayi kardi gulɔŋ gɨŋ doŋ. Ban lee kale a tɨdi bɨ, dɨbɨ kobi a cayi bɨ, ɨngɨrii ye hɨn̰: «Ji sol hɨnga ga?»

Kɔl-gɨ-Ɗari gɨ Lug wal 13:13

Jesu dɨbɨ kobi caa bɨ, kɔl gɨ kɨbɨna kɛ bɨ, hɨndi dor caa daa bɨ, ay te hɨrame Kumu.

Kɔl-gɨ-Ɗari gɨ Lug wal 4:38

Jesu de kɨɗɨn̰ andaŋ doŋ duroy ƴaa-daye-di-da-Jubɨn̰əŋ dɨŋ, or a duroy ƴaa di da Simo. Simo malgi guso ɨl cəŋ hɨn̰ tɨwa wo̰. Kalaŋ nɔm ga ba ɨrege caa le, olge Jesu ɗe na pɔɗɔɔ.

Kɔl-gɨ-Ɗari gɨ Lug wal 4:40

Kɨɗɨn̰ ga tɨwa ɗobɨ bɔb na, kalaŋ nɔm ga ba orɨn̰ge dan̰ hɔmɨn̰ɛ gɨ toyi kan̰di kan̰di a tage le, ɨrgan̰ge danage gusi. Bɨ ban dɨbɨ kobi cayge pɨna pɨna nɔm, dorɨn̰ dan̰ hɔmɨn̰ɛ le gusɨge coŋ nɔm.

Kɔl-gɨ-Ɗari gɨ Lug wal 7:12

Kɨɗɨn̰ ga Jesu baa mɨnde dan̰ babɨ gɨ a kɨbɨ cay ƴaa-di-gumu le na, ban sol tɨmay ungo gɨ kan orɨn̰ danayi kɨya ɨmgii. Ban gɨ ma le, na kuroŋ gɨ pɨna hayi kəɗ kəɗ kobɨ ƴoyi. Ƴoyi le na tama di kudurɔ ma. Dɨmdɨrdi kalaŋ ga a cay ƴaa-di-gumu di nee le booge.

Kɔl-gɨ-Ɗari gɨ Ja̰ wal 11:3

Na toy di hɨn̰ wo̰ ma, karmii ga kandɨ le, gɨyge gusi Jesu yeyige hɨn̰: «Ba-gulɔŋ, ban gɨ ji geyi le, gusi leeyi.»

Gɨye-lɔɔ 28:8

Pubəlɨyus bay woy a cay gasɨlaŋ hɔmɨn̰ɛ gaŋ, gusi ɨl cəŋ bɨ, bee gasɨn̰ kɨbar bɨ. Ɨni na, Pol or solii. Bɨ dan̰ gɨyəŋ gɨ da dɨbe kɔbɔ bɨ, ɔlɛ Kumu bɨ na, ban poɗɨn̰ bara gɨ nee le.

Gɨye-lɔɔ 6:6

Kan ɨrgan̰ danage tumoy ka-gɨre-gɨye. Kan olge Kumu bɨ, dɨbɨge kobɨge cayge kɨya dorge sige dan̰ cɨndɨge ojɨn̰ cay gɨye gɨ nee le bɨ.

Gɨye-lɔɔ 8:17

Lee gɨ Pɨyɛr dan̰ Ja̰ dɨbɨge kobɨge cayge ɨni na, kan wan̰ge Turnɔ ɗe-kuduroy-bɛrɛ.

Gɨye-lɔɔ 9:12

Ungo le hɨnga buyoŋ cɨndi hɨn̰ dḛ wo̰ ɗey sol ungo gɨ pɨna wo̰ gɨ teeyige na Ananɨyas andaŋ kardi ƴen̰ bɨ, dɨbɨ kobi cayi, ɗe gɨ cɨndi na jɨga sɨla kɨɗɨn̰ ban̰di nee.»

Gɨye-lɔɔ 9:17

Ananɨyas andaŋ or ƴen̰ or dɨbe kobi cayi bɨ yey hɨn̰: «Kurnɨ Sol, Ba-gulɔŋ Jesu gɨ andaŋ can̰ a te gɨyəŋ gɨŋ gɨ ji ba ɨrgan̰ le, ban ba gɨyigəŋ ɗe gɨ cɨndɨn̰ na jɨga sɨla kɨɗɨn̰ bɨ, ɗe Turnɔ ɗe-kuduroy-bɛrɛ na ƴa kuduron̰ pɨl pɨl bɨ.»