Marg 4:17 - Gabri Maja

¹⁷ Ama kɔl gɨ da Kumu le bɨga sarnayi kuduroyge naŋ, kɔl gɨ kan ƴeege le kan ɨrge jaŋ cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge naŋ le, kan na gɨlge-cɨn̰ kɨya kɔl gɨ da Kumu na, kan dɨbɨge aye kudurɔ koge coŋ.

Marg 4:17 ပူးပေါင်းရင်းမြစ်များ

Matɨyo 11:6

Tumoy wolwa woy kol cay ungo gɨ ɨŋ bɨl gundo gɨ ba dɔgɛ tɨbayi nayi naŋ.»

Matɨyo 12:31

Na toy di hɨn̰ wo̰ ma aŋ yəgɨŋ daa waŋ: Kumu kɨya ɓale ɗɔɔ kuduroy jalɨwa cay ɨsɨna nɔm gɨ kalaŋ leege, ko kan na yagɨdayige. Ama waŋ waŋ gɨ na yagɨda Turnɔ di da Kumu na, Kumu kɨya ɗɔɔ kuduroy jalɨwa a cayi naŋ bɨrɨŋ.

Matɨyo 13:21

Ama kɔl gɨ da Kumu le bɨga sarnay kuduroyge naŋ, kɔl gɨ kan ƴeege le kan ɨrge cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge, naŋ le, kan na gɨlge-cɨn̰ kɨya cay kɔl gɨ da Kumu na, kan dɨbɨge aye kudurɔ koge coŋ.

Marg 4:16

Ɗaŋ coŋ, kalaŋ ga pɨna gɨlɨn̰ge na hɨn̰ gasi gɨse ga bugoŋ a cay gɨsəŋ ga wan̰ dan̰ oru. Kɨɗɨn̰ ga kan na ja kɔl gɨ da Kumu na, kɔl gɨ kɨbɨna kɛ bɨ kan ƴeege dan̰ gusi-mɔwa.

Marg 4:18

Gasi-gɨse ga bugoŋ duroy gɨsɨm gɨŋ le, na kalaŋ ga jege kɔl gɨ da Kumu,

Kɔl-gɨ-Ɗari gɨ Lug wal 12:10

«Waŋ waŋ gɨ na ya kolnɨ ɨŋ-bandi Kurɨn̰-ungo ɨsɨn na, Kumu kɨya ɗɔɔ kuduroy jalɨwa a cayi, ama waŋ waŋ gɨ na yagɨda Turnɔ ɗe-kuduroy-bɛrɛ na, Kumu kɨya ɗɔɔ kuduroyi jalɨwa a cayi naŋ bɨrɨŋ.

Kɔl-gɨ-Ɗari gɨ Ja̰ wal 8:31

Jesu yen̰ Jubɨn̰əŋ ga ba beege kuduroyge cayi le, yege hɨn̰: «Hɨn̰ gɨ kɨŋ na ɨr cay kɔl hɨnge na, kɨŋ na ka-aye-cay-tɨbanɨ ga cɨndi.

Galad 6:12

Aŋ yəgɨŋ, kalaŋ ga malge gɨ kɨŋ na wala ban̰a dan̰ osɨwa le, na kalaŋ ga geyge gɨle gusɨge cɨn̰ kalaŋ. Leen̰ cɨndi na, kan leege hɨn̰ wo̰ ɗe gɨ kalaŋ na gɨ gɨlge cɨn̰ kɨya cay Kɨris naŋ bɨ, cay tɔgɛ bɛrnɛ tɨmay Kɨris cay sɨya-gɨ-dagɨli gɨŋ naŋ bɨ.

2 Timote 1:15

Hɨn̰ gɨ ji ba sol le, kalaŋ ga a cay gɨsəŋ ga Aji nɔm ɗəŋge coŋ. Pijɛl dan̰ Ɛrmojɛn na danage bɨ.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

2 Timote 4:16

Wɔlɛ bɔyɛ kɔl hɨnge gɨŋ gɨ cay wase gɨ ɨŋ dorɨn̰ kɔl ƴen̰ canɨ le, ungo pɨna wo̰ ɨra karɨnɨ naŋ, ama kan nɔm ɗəŋge coŋ. Kuɗa gɨ Kumu ɗɔɔ kɔl gɨ nee le ƴɔmɛ cayge naŋ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.