Marg 4:11 - Gabri Maja

¹¹ Ɨni na, ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ, ga ojɨ cay dɔɔ-ƴaa di da Kumu, ama kalaŋ ga doŋ na, kan kɨya yoge hɨnga nɔm na dan̰ kɨradɨge.

Marg 4:11 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 13:16

«Ama kɨŋ-gandi na tumoy wolwa woy kol caygɨŋ, kɨya gɨ cɨndɨgɨŋ sol kɨɗɨn̰ bɨ, sɨmayi gɨŋ je kɔl bɨ.

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Marg 3:23

Jesu teege mɨnde gusii bɨ, yege kɔl dan̰ kɨradi hɨn̰: «Sidan gɨ ɓale taye Sidan na mɨna ga?»

Marg 4:10

Dɨmdɨrdi kalaŋ le dorge gusɨge coŋ. Bɨ kɨɗɨn̰ ga Jesu dan̰ kan ga danayi ɨrege kan̰dɨge na, ka-aye-cay-tɨbayi ga mɔjɨ-cayge-sɔɔ bɨ, kan ga nɨwriige daa bɨ le, ɨngɨriige kɔl ojɨn̰ cay kɨradi-kɔl le bɨ, duroyi bɨ.

Marg 4:2

Ban yege kɔl dan̰ kɨradi bɨ, gɨlge hɨnga kondɨ bɨ. Kɨradi-kɔl pɨna gɨ ban ay gɨlɨn̰ kɔl ba kɛ. Ban yege hɨn̰:

Kɔl-gɨ-Ɗari gɨ Lug wal 8:10

Ban jɨga dɨbɨge cay nee hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga ojɨ cay dɔɔ-ƴaa di da Kumu. Ama kan ga doŋ na kan yege kɔl na dan̰ kɨradi kɨya hɨn̰ wo̰ na: “Kan kɨya sɔlɛ-hɨnga ga ɨŋ lee dan̰ cɨndɨge, ama kan kɨya sɔlɛ duroy naŋ, kan kɨya jɔɔ kɔl gɨ ɨŋ ye dan̰ sɨmayge ama kan kɨya sɔlɛ kɨradi naŋ.”

1 Korɛ̰t 4:7

Kɛ, na waŋ ba-dɔrɛ cɨndɨn̰ duroy kamdɨn̰ ga? Kɛ, na wa ma mɨn̰ way dan̰ cay gusɨn̰ dɨle gɨ Kumu gusi na ba bɨn̰ ga? Ma hɨn̰ gɨ hɨnga nɔm ga ji ba way le Kumu naa ba bɨn̰ na, kɛ na kɨya wa ma mɨn̰ de jorgɨn̰ hɨn̰ gɨ naa ji-bandi gusɨn̰ naa ba wɔɔ dan̰ cay gusɨn̰ wo̰ ga?

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Kɔlɔs 4:5

Sɨmagɨŋ dan̰ cɨn̰-muɗɔlɛ a duroy kalaŋ ga na ka-aye kudurɔ naŋ. Kɨɗɨn̰ ga kɨŋ na waa gɨyəŋ gɨ ni loon̰ hɨnga ga ɗari na laagɨŋ daa bɨrɨŋ bɨrɨŋ.

1 Tesalonigɨ 4:12

Hɨn̰ gɨ kɨŋ na laa hɨn̰ wo̰ na, kalaŋ ga doŋ kɨya dɨbege hurɔmɔ cay gɨye-lɔɔdɨgɨŋ bɨ, kɨŋ kɨya nɨn̰in̰ ungo pɨna naŋ bɨ.

1 Timote 3:7

Ɗaŋ coŋ, naa wa wa kalɨn̰ ma, kuɗa gɨ kalaŋ ga doŋ yage koldi kuɗa, naŋ na dasi kɨya bɔɔ cayi bɨ, ban kɨya bɔɔ boy boy da Haban̰ dɨŋ bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.