Marg 2:17 - Gabri Maja

¹⁷ Kɨɗɨn̰ ga Jesu je kɔl gɨ kalaŋ ga nee ba yege le na, ban yege hɨn̰: «Na kalaŋ ga gusɨge woyge kalɨn̰ caŋ caŋ ba geyege dan̰ ka-gasɨɗe naŋ. Ama na ka-hɔmɨn̰ɛ ba ɔrɛ n̰agedɨge. Ɨŋ ɨrga na kɨya tɔgɛ kalaŋ ga ɨrɨm kuduroyge gɨ ke naa kalaŋ ga dan̰ durɔ ɗɨngar naŋ. Ama ɨŋ ɨrga na kɨya tɔgɛ kalaŋ ga ɨrɨm gɨ ke naa ka-lɔɔ ɨsɨna.»

Marg 2:17 ပူးပေါင်းရင်းမြစ်များ

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 15:29

Ama ban jɨga dɨbɨn̰ bayi cay nee ye hɨn̰: “Sɨla, ɨŋ lee gɨye danan̰ ɓal ɨlge kondɨ dɨle nɔɔ cay gasɨndɨn̰. Ama cay pɨna kalɨn̰ ma mɨn̰ dɨɗɨ karɨn̰ tuu ga dḛ wo̰ bəŋ, ni dan̰ ka-pogɨn̰ɨnɨ ni laan̰ gusi-mɔwa naŋ.

Kɔl-gɨ-Ɗari gɨ Lug wal 15:7

Aŋ yəgɨŋ da waŋ, kɨya wɔyɛ na hɨn̰ wo̰ kɨya ba-lɔɔ ɨsɨna pɨna nɛŋ gɨ bɨle gɨye-lɔɔdi ɗɨn̰ kan ga toyge-dɨngɛsɨ-cayge-dɨngɛsɨ ga ɨrɨm gɨ ke na ɨran̰ dan̰ n̰age di bɨle gɨye-lɔɔdɨge naŋ.»

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Lug wal 19:10

Kɨya wa ɨŋ-bandi Kurɨn̰-ungo le, ɨŋ ɨrga na kɨya male bɨ, ɨrgan̰ dan̰ kan ga kayaŋ bɨ, a boy pɔɗɛ gɨŋ.»

Kɔl-gɨ-Ɗari gɨ Ja̰ wal 9:34

Kan dege kɔl kɨbi coŋ, yeyige hɨn̰: «Woon̰ge na boy ɨsɨna gɨŋ cɨrɔb, ma man̰ ba gɨ gɨlni hɨnga ga!» Ɨni na, kan tayige doŋ coŋ.

Kɔl-gɨ-Ɗari gɨ Ja̰ wal 9:40

Parɨsɨn̰an̰əŋ ga ba jege kɔl gɨ nee le, yeyige hɨn̰: «Kɛ, ni-gandi kalɨn̰ ma ji leeni leen̰ ka-bɨbe bɨ ga?»

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.