Marg 16:16 - Gabri Maja

¹⁶ Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Marg 16:16 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 8:24

Na toy di hɨn̰ wo̰ ma ɨŋ naa yəgɨŋ hɨn̰: «Kɨŋ kɨya mare boy ɨsɨna kogɨŋ gɨŋ nɔm. Hɨn̰ gɨ kɨŋ na bɨga kuduroyigɨŋ canɨ, gɨ “Ɨŋ-bandi, Ɨŋ woy nee” naŋ na, əw kɨŋ kɨya mare boy ɨsɨna kogɨŋ gɨŋ nɔm.»

Kɔl-gɨ-Ɗari gɨ Ja̰ wal 6:29

Jesu dɨbɨge cay nee yege hɨn̰: «Gɨye gɨ da Kumu na, na gɨ kɨŋ na bɨga kuduroygɨŋ cay ban gɨ Kumu gɨygi le.»

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Wasɨn̰a 20:15

Waŋ waŋ gɨ gusondi na unɔ a boy magtubu sɔmɛ-bɨra gɨŋ le, kan kɨya ƴomii dibii duroy kuraydi tɨwa dɨŋ coŋ.

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

Gɨye-lɔɔ 22:16

Haw kɛ na, ji gam na wa coŋ ga? Saa daa ɨra ɗa ɗe kan leen̰ge batɛm. Bɨ dan̰ gɨyəŋ gɨ da dɔnɔ di da guson̰ Jesu na ɨsɨna kon̰ kɨya duroŋ can̰ coŋ.”»

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

Gɨye-lɔɔ 2:41

Kalaŋ ga ba ƴeege kɔl kɨbɨ Pɨyɛr le, kan leegege batɛm. Wɔlɛdi gɨ nee le, kalaŋ ɓal dubu-sɨbɨ ga bugoŋge cay kamdɨge ga ka-aye kudurɔ.

Kɔl-gɨ-Ɗari gɨ Lug wal 8:12

Gasi gɨse ga bugoŋ bongi gɨyəŋ le, gɨlɨn̰ na dan̰ kalaŋ ga je kɔl gɨ da Kumu dan̰ sɨmayge. Ama kɨɗɨn̰di ga nee gaŋ le bɨ haban̰ ɨrga dor kɔl gɨ da Kumu le cɔd kuduroyge coŋ, naŋ na kan na gɨ da bɔgɛ kuduroyge cay nee wan̰ pɔɗɛ.

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Gɨye-lɔɔ 13:39

Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Magtubu di Pol wal bɨn̰ kalaŋ ga Rɔm 4:24

Ama walge ojɨn̰ na cayna na-gandi bɨ. Hɨn̰ gɨ na na bɨga kuduroyna a cay Kumu gɨ ba bɔyɛ Ba-gulondɨna Jesu lɨbii duroy kalaŋ ga madɨrdaŋ gaŋ na, ban kɨya bɨlna leen̰ kalaŋ ga dan̰ durɔ ɗɨngar a cɨndi bɨ.

2 Tesalonigɨ 2:12

Ɗe kan na bɨyan̰ge kɔl a cay kalaŋ nɔm ga bɨgage kuduroyge a cay kɔl gɨ cɨndi gɨŋ naŋ, ama ga hɨnga ga dan̰ durɔ ɗɨngar naŋ ba mooge.

2 Tesalonigɨ 1:8

Ban kɨya ɨrga na duroy tɨwa di ƴee dɨŋ, kɨya gɔjɛ-baa cay kalaŋ ga sɨlage Kumu naŋ gaŋ bɨ, dan̰ kan ga ka-kan̰e bɔgɛ kɔl a cay Kɔl-gɨ-Ɗari gɨ da Ba-gulondɨna Jesu bɨ.

Gɨye-lɔɔ 13:46

Kɨɗɨn̰ ga nee le, Pol dan̰ Barnabas yege kɔl dan̰ cɨn̰-bandɨ yen̰ge hɨn̰: «Kumu ojɨ gɨ kɨŋ na ba ja kɔl koyi cay wase pa dɨm. Ama hɨn̰ gɨ kɨŋ ba jɨbɨ sɛdɨ coŋ bɨ, kɨŋ sol sɔmɛ-bɨra gɨ dan̰ cɨndɨgɨŋ hɨn̰ hɨnga ga uja caygɨŋ naŋ wo̰ bɨ le, na toy di hɨn̰ wo̰ ma haw kɛ na, ni kɨya bɨle gusɨni gusi kalaŋ ga toyge na Jubɨ naŋ le.

Magtubu di Pol wal bɨn̰ kalaŋ ga Rɔm 3:6

Cə, na hɨn̰ wo̰ naŋ bɨrɨŋ! Hɨn̰ gɨ Kumu naa ungo gɨ dan̰ durɔ ɗɨngar naŋ na, kɛ ban kɨya ɓale bɔyɛ kɔl a cay kalaŋ ga a cay gɨsəŋ gaŋ nɔm na mɨna ga?