Marg 16:1 - Gabri Maja

¹ Wɔlɛ gɨ ni dorɨn̰ gɨlale gɨ da Jubɨn̰əŋ kaga dan̰ borundo. Ɨni na, Mari di cay gulondo na Magɨdala bɨ, Salomɛ bɨ, Mari di ni Jag ƴoyi bɨ, kɨlge sɔŋ ɨdɨr kɨya orɨn̰ tɨdɨrdege a cay gundi Jesu.

Marg 16:1 ပူးပေါင်းရင်းမြစ်များ

Marg 14:3

Jesu som a da Simo gɨ naa na ba-mada a cay gulɔŋ gɨ Betani gɨŋ, kɨɗɨn̰ ga kan somge kɨbɨ hɨnga ga ni dɔɔ gaŋ na, tama di pɨna wo̰ andaŋ toyge dan̰ karɨn̰ kumbulu ga kan leege dan̰ garma gɨ teege albatɨr, gɨ ɨdɨr gɨ kɨledi osu tɔgɨ wanɨn̰ nee. Hɨndi ɓol kɨbɨ kumbulu le bɨ, tɨdɨrde ɨdɨr le a cay Jesu.

Marg 14:8

Hɨndi lee na hɨnga ga hɨndi ɓal lɔɔ: Hɨndi tɨdɨrde ɨdɨr gusɨnɨ jugu hɨn̰ wo̰ ɨrɨmɨn̰ na wɔlɛ dɨbenɨ boy umboŋ garma gɨŋ, kardi tɨmaynɨ.

Marg 15:40

Kandɨ ga pɨna wo̰ kalɨn̰ ma ɨrege nee, ɨrɨn̰ge sɛdɨ solɨn̰ge hɨnga ga ba lee gusɨge le. Mari di cay gulondo na Magɨdala bɨ, Salomɛ bɨ, Mari di ni Jag gɨ dḛ dan̰ Josɨ ƴoyge bɨ, woyge duroy kandɨ ga nee le bɨ.

Marg 15:42

Tɨwa le borundo ɨni, na wɔlɛ gɨ ni ƴomɨn̰ cay-tɨba, duroy na wɔlɛ gɨ ni dorɨn̰ gɨlale gɨ ƴomɨn̰ge cay tɨbay hɨnga ga ni wɔlɛ gɨ ni dɔrɛ gɨlale gɨ da Jubɨn̰əŋ.

Marg 15:47

Mari di cay gulondo na Magɨdala bɨ, Mari di ni Josɨ ƴoyi bɨ, solge kɨɗɨn̰ ga kan dɨbɨn̰ge gundi Jesu nee.

Marg 16:2

Dan̰ wɔlɛ gɨ ni dɨmasɨ dan̰ te jogɗu cururu kɨɗɨn̰ ga tɨwa ay te andaŋ na, kan orge a cay kamɨn̰aŋ gaŋ.

Marg 16:8

Kan andaŋge doŋ duroy kamɨn̰aŋ gaŋ coŋ bɨ, beege toyge daa dan̰ gɨre dorɨn̰ge toyge sɛdɨ dan̰ kamɨn̰aŋ, kɨya wa kan saydege jag jag bɨ turnoyge gɨre kayaŋ bɨ ama yan̰ge ungo kɔl gɨ nee le naŋ, kɨya wa hundɔrɔ leege.

Kɔl-gɨ-Ɗari gɨ Lug wal 23:54

Na wɔlɛ gɨ kan ƴomɨn̰ge cay tɨbayge, kɨya wa wɔlɛ gɨ ni dorɨn̰ gɨlale kɨya aye toy.

Kɔl-gɨ-Ɗari gɨ Lug wal 23:56

Kandɨ ga nee le, kardi nee na bɨlege cayge jogɨge ɨndi, kɨya ƴomɨn̰ cay tɨbay hɛɗɨmɛ ga ɗo̰ tɨna dan̰ ɨdɨr gɨ ni bɔgɛ cay gun gɨŋ. Ɨni na kan ƴomge gusɨge dan̰ wɔlɛ gɨ ni dɔrɛ gɨlale hɨn̰ gɨ gasɨn̰-kɔl gɨ da Moyis ba ojɨ le.

Kɔl-gɨ-Ɗari gɨ Lug wal 24:1

Dan̰ wɔlɛ gɨ ni dɨmasɨ, dan̰ jogɨɗu cururu na, kandɨ le sayge gɨrege orge cay kamɨn̰aŋ gaŋ, dan̰ sɔŋ gɨ ɗo̰ tɨna gɨ kan ƴomge cay tɨbayi le.

Kɔl-gɨ-Ɗari gɨ Ja̰ wal 19:25

Jesu ƴoyi bɨ, tɨm ƴoyi bɨ, Mari di ni tam Kɨlopas bɨ, Mari di cay gulɔŋdo na Magɨdala bɨ, ɨrege mɨnde dan̰ sɨya-gɨ-dagɨli le.

Kɔl-gɨ-Ɗari gɨ Ja̰ wal 19:31

Na wɔlɛ gɨ kan ƴomɨn̰ge cay tɨbay wɔlɛ gɨ ni dɔrɛ gɨlale gɨ da Jubɨn̰əŋ. Jubɨn̰əŋ geyge gɨ gundi kalaŋ na gɨ wɔyɛ daa a cay sɨya-gɨ-dagɨli gɨŋ dan̰ wɔlɛ gɨ ni dorɨn̰ gɨlale naŋ. Bɨ wɔlɛ gɨ ni dɔrɛ gɨlale le na wɔlɛ gɨ gumu. Lee gɨ kan ɨngɨrɨn̰ge Piladɨ gɨ ban na pɨya tɨbayge bɨ, kan na gɨsɨngege coŋ a cay sɨya-gɨ-dagɨli gɨŋ.