Marg 13:9 - Gabri Maja

⁹ Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Marg 13:9 ပူးပေါင်းရင်းမြစ်များ

Matɨyo 5:22

«Ama ɨŋ-bandi na ɨŋ yəgɨŋ hɨn̰: Waŋ waŋ gɨ na laa kuduroy-hɔmɛ dan̰ kurɨndi na, kɨya orɨn̰ge danayi tumoy ka-bɔyɛ kɔl gaŋ. Waŋ waŋ gɨ na yan̰ kurɨndi ji naa ba-matɨr na, kɨya orɨn̰ge danayi tumoy ka-bɔyɛ kɔl cay Jubɨn̰əŋ. Waŋ waŋ gɨ na yan̰ kurɨndi ji na ba-dɨngale na, ojɨ gɨ ni orɨn̰ge danayi duroy tɨwa di ƴee dan̰ tumɔɔ di ni gehɛn dɨŋ.

Marg 1:44

«Ja kuɗa! Yɔ koldi daa bɨn̰ ungo jɔɔ naŋ. Ama ɨra gɨle gusɨn̰ a da ka-bɔgɛ kɨbar ɗe kan kobɨge sol gɨ mada le kɛ duroŋ gusɨn̰ haa ga? Bɨ ɨran̰ dan̰ hɨnga ga Moyis ba ye koldɨge gɨ ni bee dorɨn̰ gusɨn̰ mɨra le. Hɨn̰ wo̰ na, kɨya lɔɔ tɨmon̰ tumoyi kalaŋ.»

Marg 13:5

Ɨni na, Jesu ay te yoge hɨn̰: «Ɗagɨŋ muɗɔlɛ cay gusɨgɨŋ gɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni.

Marg 13:8

Te wɔɔ gɨ da kalaŋ ga pɨna kɨya dɨbe kɨmbɨl dan̰ te kalaŋ ga ɗaŋ bɨ, dɔɔ-ƴaa di pɨna kɨya sɔ dɨbe kɨmbɨl dan̰ dɔɔ-ƴaa di ɗaŋ bɨ. Cay gɨsəŋ kɨya yɨbagde den̰ den̰ dan̰ kɨɗɨn̰ kɨɗɨn̰ bɨ, badɨra gɨ gumu kɨya bɔɔ dan̰ kɨɗɨn̰ kɨɗɨn̰ bɨ. Hɨnga ga nee le nɔm kɨya wɔyɛ na hɨn̰ wɔɔ gɨ ay te lɔɔ tama wo̰.

Marg 6:11

Ma hɨn̰ boy kɨɗɨn̰ ga pɨna kalaŋ na ƴɨmagɨŋge gusɨge naŋ bɨ, jage kɔl kogɨŋ naŋ bɨ na, kɨŋ andaŋ a kɨɗɨn̰ ga nee gaŋ le coŋ bɨ, ɗagɨdagɨŋ bundu di cay tɨbayigɨŋ dɨŋ ɗɨga ɗɨga dɨran̰ naji togɨŋ bɨgagɨŋ cayge ɗe gɨl gɨ kan na lee ɨsɨna tumoy Kumu.

Kɔl-gɨ-Ɗari gɨ Lug wal 9:5

Kɨɗɨn̰ ga ka-ƴaa na ƴɨmagɨŋ gusɨge naŋ na, andaŋgɨŋ ɗagɨŋ cay ƴaa toge di gumu le coŋ ɨragɨŋ bɨ, ɗagɨdagɨŋ bundu di cay tɨbaygɨŋ dɨŋ ɗɨga ɗɨga dɨran̰gɨŋ naji togɨŋ bɨga cayge, ɗe gɨl gɨ kan leege ɨsɨna tumoy Kumu.»

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Kɔl-gɨ-Ɗari gɨ Ja̰ wal 16:2

Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

Gɨye-lɔɔ 21:11

Ban ɨrga wayni bɨ, ay sɔndurɔŋ gɨ da Pol saɗɨn̰ tɨbayi toyi bɨ, kobi koyi bɨ ye hɨn̰: «Kɔl gɨ Turnɔ ɗe-kuduroy-bɛrɛ ba ye ba kɛ: Ba-gulɔŋ sɔndurɔŋ gɨ ba kɛ le, Jubɨn̰əŋ kɨya saɗɨdiige hɨn̰ wo̰, a cay ƴaa-di-gumu di Jerusalɛm dɨŋ bɨ, kɨya dobiige kobɨ kalaŋ ga toyge na Jubɨ naŋ bɨ.»

Gɨye-lɔɔ 7:54

Kɔl gɨ ban yege le bɨge kuduroy-hɔmɛ tɔgɨ bɨ, gɨdɨdege gasɨndɨge cay Etɛn.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

2 Tesalonigɨ 1:5

Hɨnga ga ni gɨle-cɨn̰ ga nee le nɔm, na hɨnga ga gɨl gɨ Kumu na boy kɔl naa dan̰ durɔ ɗɨngar. Kɨya hɨn̰ gɨ kɨŋ ba solɨn̰ cɨn̰-gɨle-cɨn̰ hɨn̰ wo̰ ɨni na, Kumu kɨya bɨlgɨŋ leen̰ kalaŋ ga ɓalge andaŋ a boy dɔɔ-ƴaa toy dɨŋ di kɨŋ ba way cɨn̰-gɨle-cɨn̰ kɔldɔ le.

2 Ja̰ 1:8

Ɗagɨŋ muɗɔlɛ a cay gusɨgɨŋ gɨŋ ɗe agɨŋ kayɨn̰ cay kɔbɔ gɨ da gɨye-lɔɔdɨgɨŋ naŋ, ama ɗe agɨŋ wan̰ cay kobɨgɨŋ ɗəndəŋ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.