Marg 13:23 - Gabri Maja

²³ Kuɗa, kɨŋ-gandi na ɗagɨŋ muɗɔlɛ cay gusɨgɨŋ gɨŋ, kɨya wa ɨŋ yəgɨŋ daa jugu ɨni.

Marg 13:23 ပူးပေါင်းရင်းမြစ်များ

Matɨyo 24:25

Jagɨŋ, ɨŋ yəgɨŋ kɔl gɨ nee le jugu ɨni.

Matɨyo 7:15

«Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰.

Marg 13:22

Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.

Marg 13:24

«Ama boy wɔlɛdi gɨ nee le kardi hɨnga ga ni dɔsɛ-ɗugɔ ga nee le na, tɨwa kɨya dɔbɛ ɨndɨwa tɨlɨm bɨ, kɨdɨrɛ kɨya asɨn̰a naŋ bɨ,

Marg 13:33

Ɗagɨŋ muɗɔlɛ cay gusɨgɨŋ gɨŋ bɨ, sɨmagɨŋ-bɨra bɨ, kɨya wa kɨŋ sɨla cay tɨwa di hɨnga ga nee le kɨya cagan̰ naŋ.

Marg 13:5

Ɨni na, Jesu ay te yoge hɨn̰: «Ɗagɨŋ muɗɔlɛ cay gusɨgɨŋ gɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni.

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

Kɔl-gɨ-Ɗari gɨ Lug wal 21:8

Jesu say dɨbɨge cay nee yege hɨn̰: «Ɗagɨŋ muɗɔlɛ a cay gusɨgɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni. Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ, yɔɔge hɨn̰: “Kɨris ban gɨ Kumu dorii le, na ɨŋ-bandi.” Bɨ kan kɨya sɔ yɔ hɨn̰: “Wɔlɛdi ɓal ɨni.” Ama kɨŋ na, kɔbɛgɨŋ kardɨge naŋ ɨni.

Kɔl-gɨ-Ɗari gɨ Ja̰ wal 14:29

Ɨŋ yəgɨŋ hɨnga ga nee le haw kɛ tumoy hɨnga ga kɨya lɔɔ gusɨge, ɗe kɨɗɨn̰ ga na bugoŋ na, kɨŋ na bɨgan̰ kuduroygɨŋ cay nee.

2 Pɨyɛr 3:17

Kɨŋ karmɨnɨ ga ɨŋ lee-toygɨŋ, kɨŋ sol kɔl gɨ nee le tumɔ hagɨŋ ɨni. Na toy di hɨn̰ ma ɗagɨŋ muɗɔlɛ cay gusɨgɨŋ gɨŋ bɨ, ɗɔɔgɨŋ poy di da kalaŋ ga gɨye-lɔɔ ga ɨsɨni dɨlage hɨnga naŋ orɨn̰ danagɨŋ a te gɨyəŋ koge gɨŋ naŋ bɨ, mɔndɛgɨŋ osɨwa gɨ da aye kudurɔ kogɨŋ naŋ bɨ.