Marg 13:13 - Gabri Maja

¹³ Kalaŋ nɔm kɨya ƴomgɨŋge dan̰ kuduroyge kɨya cay gusonɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.»

Marg 13:13 ပူးပေါင်းရင်းမြစ်များ

Matɨyo 10:22

Kalaŋ nɔm kɨya ƴomgɨŋge dan̰ kuduroyge kɨya cay gusoŋnɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 24:9

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ.

Marg 13:12

A boy wɔlɛ gɨ ba kɨya ɨrga gɨŋ le, kalaŋ kɨya ayege cay karmiige bɨn̰ ka-dɔɔ cay ƴaa ɗe kan na dɨɗɨge bɨ, karɨn̰aŋ ban̰ige kalɨn̰ ma kɨya lɔɔge hɨn̰ wo̰ dan̰ karɨndɨge bɨ. Karɨn̰aŋ kɨya bɨləŋ ka-baa ga da ban̰ige dan̰ ƴon̰ige bɨ, ayege cayge bɨn̰ kalaŋ ɗe na dɨɗɨgege coŋ bɨ.

Kɔl-gɨ-Ɗari gɨ Lug wal 21:17

Kalaŋ nɔm kɨya ƴomgɨŋge dan̰ kuduroyge kɨya cay gusonɨ.

Kɔl-gɨ-Ɗari gɨ Lug wal 6:22

Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Ja̰ wal 15:21

Ama hɨnga ga nee le nɔm, kan kɨya ləgɨŋge na kɨya cay gusoŋnɨ. Kɨya wa kan sɨlage ban gɨ ba gɨyigəŋ le naŋ.

Kɔl-gɨ-Ɗari gɨ Ja̰ wal 17:14

Ɨŋ bɨge kɔl kon̰, ama kalaŋ ga cay gɨsəŋ gaŋ ƴomgege dan̰ kuduroyge. Kɨya wa kan na kalaŋ kage naŋ, hɨn̰ gɨ ɨŋ-bandi kalɨn̰ ma ɨŋ na koge naŋ bɨ.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

Əbɨro 10:39

Ama na-gandi na, na na kalaŋ ga kɨya dɔrɛ toynagɨŋ karu ɗe ana na orɨn̰gɨŋ mundoŋ gɨŋ naŋ. Na na kalaŋ ga ka-aye kudurɔ bɨ, na orgɨŋ na te gɨyəŋ gɨ ni pɔɗɛ gɨŋ bɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Ja̰ 3:13

Ay, karmɨnɨ ga ban̰aŋ dan̰ ga kandɨ, hɨn̰ gɨ kalaŋ ga cay gɨsəŋ gaŋ na ƴɨmagɨŋge dan̰ kuduroyge na, ɗɔɔgɨŋ gɨ kɔl kaygɨŋ naŋ.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.