Marg 12:6 - Gabri Maja

⁶ Bayi na ungo pɨna ƴɔbɨ gusi, na kurondi gɨ ban lee-toyi tɔgɨ. Lee gɨ kɨɗɨn̰ ga kan kagage nɔm coŋ ɨni na, na ban ma ban gɨygii gusɨge. Kɨya wa ban ye hɨn̰: “Kan kɨya bogɨn̰ kuronɨ kɔl nee.”

Marg 12:6 ပူးပေါင်းရင်းမြစ်များ

Matɨyo 1:23

«Sɨlagɨŋ, tɨmbali di cɨl kɨya ƴɔɔ kur bɨ, Kɨya wɔɔ kɨye gɨ bara, Kan kɨya se gusondi na Emanɨwɛl.» Duroy na Kumu dananagɨŋ.

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 26:63

Ama Jesu som kɨbi munduŋ. Ɨni na, mangɨl gɨ da ka-cay ka-bɔgɛ kɨbar yeyi hɨn̰: «Ɨŋ olɨn̰, dɨra gusɨn̰ dan̰ guson̰ Kumu gɨ som-bɨra, yani kɛ ji na Kɨris ban gɨ Kumu dorii, Kurɨn̰-Kumu le ga?»

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Marg 1:11

Kɨɗɨn̰di ga nee gaŋ le, noy ungo ye a gɨɗɨgɨ-Kumu gɨŋ hɨn̰: «Ji na Kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Marg 12:5

Ban jogɨ gɨye guyɔŋ koyi gɨ ni cay-sɨbɨdɨge gusɨge coŋ, ama kan dɨɗiige. Kardi nee ban jogɨ gɨye gɔyɔŋ kayi ga ɗaŋ coŋ dan̰ kondiige nee kalɨn̰ ma, kan teege ga pɨna bɨ dɨɗɨge ga pɨna bɨ.

Marg 12:7

Ama ka-yage suru le yen̰ge gusɨge hɨn̰: “Ban gɨ kɛ le, na ba bɨle ba-gulɔŋ yagedi suru le wɔlɛ gɨ ɗaŋ gɨŋ! Ɨregɨŋ ana dɨɗiigɨŋ coŋ ɗe hɨnga ga ni ban̰di-gulɔŋ le baa bɨna.”

Marg 9:7

Kɨɗɨn̰di ga nee gaŋ le bɨ gɨrɨmbale andaŋ tol cayge bɨ, noy ungo ye kɔl duroy gɨrɨmbale gaŋ le hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, jagɨŋ kɔl koyi.»

Kɔl-gɨ-Ɗari gɨ Lug wal 3:22

Bɨ Turnɔ ɗe-kuduroy-bɛrɛ sayga daa gɨlɨn̰ hɨn̰ guu di bɛrɛ kən̰jəŋ wo̰ ɨrga gɨsɨn cayi. Noy ungo ye a gɨɗɨgɨ-Kumu gɨŋ ye hɨn̰: «Ji na kuronɨ, ɨŋ lee-ton̰ tɔgɨ, gusɨnɨ mɔŋ can̰ na ase naŋ.»

Kɔl-gɨ-Ɗari gɨ Lug wal 9:35

Ɨni na, duroy gɨrɨmbale gaŋ le, noy ungo ye hɨn̰: «Ban gɨ kɛ le, na Kuronɨ, gɨ Ɨŋ dorii ɗey dan̰ cɨndi. Jagɨŋ kɔl kɨbi!»

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 1:34

Ɨŋ-bandi ɨŋ sol dan̰ cɨnɨ bɨ, ɨŋ lee tɨmon̰ kol cayi bɨ, gɨ ban na Kurɨn̰-Kumu.»

Kɔl-gɨ-Ɗari gɨ Ja̰ wal 1:49

Ɨni na, Natanɨyɛl jɨga yey hɨn̰: «Ba-gɨlɨn̰ kalaŋ hɨnga, ji na Kurɨn̰-Kumu, ji na Kɨlma gɨ da karɨn̰ Ɨsɨrayɛl.»

Kɔl-gɨ-Ɗari gɨ Ja̰ wal 3:35

Kɨye Bayi gey kurondi, lee gɨ ban ɗe hɨnga nɔm a duroy kobi gɨŋ.

Kɔl-gɨ-Ɗari gɨ Ja̰ wal 5:23

ɗe gɨ kalaŋ nɔm been̰ge hurɔmɔ cay kuroŋ hɨn̰ gɨ kan ba been̰ge Kumu hurɔmɔ le. Ungo gɨ na dɨbɨn̰ kuroŋ hurɔmɔ naŋ na, kɨya dɨbɨn̰ Kɨye bayi gɨ gɨygɨn̰ dan̰ kuroŋ le hurɔmɔ naŋ bɨ.

Əbɨro 1:6

Ama kɨɗɨn̰ ga Kumu andɨn̰ dan̰ kurondi gɨ cay wase cɨg cɨg a cay gɨsəŋ gaŋ na, ban ye hɨn̰: «Ojɨ gɨ ka-ƴɔbɛ ga daa nii, Ga da Kumu nɔm na n̰ɨriige.»

1 Ja̰ 4:9

Sɨlagɨŋ gɨyəŋ gɨ Kumu wasɨn̰ɨn̰ geye koyi duroynagɨŋ ba kɛ: Ban gɨygɨ Kurondi gɨ pɨna hayi kəɗ kəɗ a cay gɨsəŋ gaŋ ɗe ana na orɨn̰ dan̰ sɔmɛ-bɨra dan̰ gɨyəŋ koyi.

3 Ja̰ 1:1

Na ɨŋ-bandi gɨ muɗoli ba wale magtubu di kɛ le, gɨyɨn̰ bɨn̰ ji-bandi Gayus gɨ ɨŋ geyɨn̰ dan̰ kuduronɨ ga pɨna le.