Marg 11:9 - Gabri Maja

⁹ Dɨmdɨrdi kalaŋ ga gorge tumoyi bɨ, ga gorge kardi bɨ, dege sɨle yen̰ge hɨn̰: «Gusoŋ-tɔgɛ na gɨ da Kumu! Kuɗa gɨ tɔrɛ-kɨbɨ wɨya kɨya cay ungo gɨ ɨrga dan̰ guson̰ Ba-gulɔŋ!

Marg 11:9 ပူးပေါင်းရင်းမြစ်များ

Matɨyo 21:9

Dɨmdɨrdi kalaŋ ga gorge tumoyi bɨ, kan ga gorge kardi bɨ le, dege sɨle yen̰ge hɨn̰: «Gusoŋ-tɔgɛ na gɨ da Kungay Dabid! Kuɗa gɨ tɔrɛ-kɨbɨ wɨya kɨya cay ungo gɨ ɨrga dan̰ guson̰ Ba-gulɔŋ! Gusoŋ-tɔgɛ na gɨ da Kumu a gɨɗɨgɨ-Kumu gɨŋ!»

Matɨyo 23:39

Ɗe aŋ yəgɨŋ, ayɨn̰ toy haw kɛ na, kɨŋ kɨya sɔlɔŋ naŋ bɨrɨŋ gɨsɨn̰ gɨ kɨŋ kɨya yɔ hɨn̰: “Gɨ tɔrɛ-kɨbɨ na wɨya kɨya cay ungo gɨ ɨrga dan̰ gusoŋ Ba-gulɔŋ.”»

Marg 11:8

Kalaŋ kondɨ labge badɨge kage ga kan tobɨ cay kamdɨge gaŋ cay gɨsəŋ gaŋ tumoyi te gɨyəŋ gɨŋ bɨ, kan ga pɨna wadɨldege kobɨ hayaŋ ga bɨra duroy yage gɨŋ labdege dugo cay gɨsəŋ gaŋ tumoyi bɨ.

Kɔl-gɨ-Ɗari gɨ Ja̰ wal 12:13

Ɨni na, kan sagɨdege kabɨn̰ mɨlɨn̰ bɨ, orɨn̰ge yalɨn̰ cɨndi bɨ, kan dege sɨle yen̰ge hɨn̰: «Gusoŋ-tɔgɛ na gɨ da Kumu! Kuɗa gɨ tɔrɛ-kɨbɨ wɨya kɨya cay ungo gɨ ɨrga dan̰ guson̰ Ba-gulɔŋ! Gɨ na Kɨlma gɨ da Ɨsɨrayɛln̰əŋ le!»

Kɔl-gɨ-Ɗari gɨ Ja̰ wal 19:15

Ɨni na, kan ayge te dɔgɛ-sɨle yen̰ge ye hɨn̰: «Diɗii na dɨɗe, diɗii na dɨɗe! Gagɨlayigɨŋ na gagɨle a cay sɨya-gɨ-dagɨli gɨŋ.» Piladɨ jɨga ɨngɨrge hɨn̰: «Kɛ kɨŋ gey gɨ ɨŋ na gagɨla kɨlma kogɨŋ a cay sɨya-gɨ-dagɨli gɨŋ ga?» Ka-cay ka-bɔgɛ kɨbar dɨbiige cay nee yeyige hɨn̰: «Ni-gandi na, ni ɨran̰ dan̰ kɨlma gɨ ɗaŋ naŋ, na kɨlma gɨ gumu Sejar ƴɔbɨ.»