Marg 10:24 - Gabri Maja

²⁴ Kɔl gɨ nee le dor turnoyi ka-aye-cay-tɨbay Jesu. Ama Jesu yege ɗaŋ coŋ hɨn̰: «Karɨnɨ kange, andaŋ a boy dɔɔ-ƴaa di da Kumu dɨŋ dojɨ tɔgɨ.

Marg 10:24 ပူးပေါင်းရင်းမြစ်များ

Matɨyo 19:25

Kɔl gɨ nee le, dor turnoy ka-aye-cay-tɨbayi, lee gɨ kan yege hɨn̰: «Naa hɨn̰ wo̰ na, na waŋ ba kɨya ɓale wɔɔ pɔɗɛ le ga?»

Marg 1:27

Turnoyge gɨre kayaŋ gusɨge coŋ nɔm, lee gɨ kan ɨngɨrɨn̰ge gusɨge kɔl duroyge yen̰ge hɨn̰: «Na wa ba hɨn̰ wo̰ ga? Na hɨnga ga ni gɨle ga hɨrɨwa ga dan̰ dɔnɔ! Turnɔ ga ɨsɨndəŋ kalɨn̰ ma ban ay noyi bɨge bɨ, kan jege kɔl kɨbi.»

Marg 10:23

Ɨni na, Jesu bɨle cɨndi solɨn̰ ka-aye-cay-tɨbayi ga nɨwɨrege cayi bɨ yege hɨn̰: «Dojɨ tɔgɨ gɨ ɗe kalaŋ ka-wɔɔ hɨnga na andaŋge a boy dɔɔ-ƴaa di da Kumu dɨŋ.»

Kɔl-gɨ-Ɗari gɨ Lug wal 16:14

Parɨsɨn̰an̰əŋ, jege kɔl gɨ nee le nɔm bɨ, asɨge cay Jesu, kɨya gɨ kan na kalaŋ ga geyge sɔlɛ gursu pɨde cɨndɨge naŋ.

Kɔl-gɨ-Ɗari gɨ Ja̰ wal 13:33

Ay! Karɨnɨ kange, ɨŋ kɨya sɔmɛ danagɨŋ karɨnɨ sɨngɨɗɨwa naŋ. Kɨŋ kɨya malaŋ bɨ, ama hɨn̰ gɨ ɨŋ ba yen̰ Jubɨn̰əŋ tumɔ ye hɨn̰: «Kan kɨya ɓalege dɨbege tɨbayge a kɨɗɨn̰ ga ɨŋ ba kɨya orɨn̰ nee gaŋ naŋ le, na ban ma maŋ yəgɨŋ haw kɛ bɨ.

Kɔl-gɨ-Ɗari gɨ Ja̰ wal 21:5

Jesu yege hɨn̰: «Karɨnɨ, kɛ kɨŋ ɨran̰ dan̰ gusa dḛ naŋ ga?» Kan dɨbiige cay nee yeyige hɨn̰: «Ni ƴɨma gusa pɨna naŋ.»

Kɔl-gɨ-Ɗari gɨ Ja̰ wal 6:60

Kɨɗɨn̰ ga ka-aye-cay-tɨbayi jege kɔl gɨ nee le ɨni na, kondɨwayge duroyge ayge te yɔ hɨn̰: «Kɔl gɨ kɛ le osu tɔgɨ, na waŋ ba kɨya ɓale jɔɔ ga?»

Galad 4:19

Karɨnɨ ga ɨŋ geygɨŋ tɔgɨ, ɨŋ jɨga way gɨle-cɨn̰ ɗaŋ coŋ hɨn̰ da tama di wɔɔ loo wo̰ kɨya gɨ kɨŋ jɨga karu. Ɨŋ kɨya gɨle-cɨn̰ bɨrɨŋ gɨsin̰ gɨ kɨŋ kɨya bɨləŋ gɨlɨn̰a na hɨn̰ Kɨris wo̰ hɔlɔlɔ.

1 Timote 6:17

Yan̰ ka-wɔɔ hɨnga tɔgɨ ga a cay gɨsəŋ gaŋ kɛ le, ɗe dege jorgɨyge naŋ. Yage ɗe kan ɗe ɨrɨmedɨge a cay hɨnga ga ni wɔɔ ga kɨya pɨde gaŋ naŋ. Ama ɗe kan ɗe ɨrɨmedɨge a cay Kumu gɨ na ba bɨnagɨŋ hɨnga nɔm bɨ, ɗe ana na solɨn̰gɨŋ mɔwadɨge bɨ.

1 Ja̰ 2:1

Ay, kɨŋ ga kɨŋ woy hɨn̰ karɨnɨ kange wo̰ le, ɨŋ wal kɔl gɨ kɛ le bɨgɨŋ na ɗe gɨ agɨŋ na leen̰ ɨsɨna naŋ ɨni. Ama hɨn̰ gɨ ungo duroynagɨŋ na laa ɨsɨna na, na orɨn̰gɨŋ dan̰ ungo pɨna woy nee gɨ ba ƴɔɔ cay nagɨŋ tumoy Baynagɨŋ Kumu. Ba ƴɔɔ cayna le, na Jesu-Kɨris gɨ ba lɔɔ hɨnga ga dan̰ durɔ ɗɨngar le.

1 Ja̰ 4:4

Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

1 Ja̰ 5:21

Ay karɨnɨ kange, ɗagɨŋ muɗɔlɛ cay gusɨgɨŋ gɨŋ kɨya cay kulan̰əŋ.

Wasɨn̰a 3:17

Kɨya wa kɨŋ ye hɨn̰: “Ni na ka-wɔɔ hɨnga bɨ, kandi-wɔɔ walɨn̰ gusɨni tɛlɛlɛ tɛlɛlɛ bɨ, n̰agedi hɨnga pɨna wo̰ laani naŋ bɨ.” Ama kɨŋ sɨla gɨ leen̰ cɨndi toygɨŋ na bɛrɛ naŋ bɨ, kɨŋ sɨla gɨ cɨndɨgɨŋ na laa n̰age naŋ bɨ, wɔɔdɨgɨŋ na unɔ naŋ bɨ, kɨŋ naa ka-bɨbe naŋ bɨ, kɨŋ na ɨra toygɨŋ kalɨn̰ naŋ bɨ.