Marg 10:2 - Gabri Maja

² Parɨsɨn̰an̰əŋ ga pɨna wo̰ ɨrgage gusii dan̰ ɨrɨme gɨ ni gɨybii. Kan ɨngɨriige yege hɨn̰: «Kɛ ungo gɨ bara orɨn̰ dan̰ gɨyəŋ gɨ ni tayɨn̰ tamdi ga?»

Marg 10:2 ပူးပေါင်းရင်းမြစ်များ

Matɨyo 15:12

Ɨni na, ka-aye-cay-tɨbay Jesu sɨygɨge mɨnde gusi bɨ, yeyige hɨn̰: «Kɔl gɨ ji ba yen̰ Parɨsɨn̰an̰əŋ le dɨbge sɨya kɛ, ji sol han̰ ga?»

Matɨyo 16:1

Kalaŋ ga ni Parɨsɨn̰a bɨ, Sadusɨn̰ɛ bɨ, ɨrgage mɨnde gusi Jesu, bɨ ɨngɨriige kɔl pɨna malɨn̰ge kɨbi. Yeyige hɨn̰: «Laa hɨnga ga ɗɨn̰ cɨn̰-kɨɗɨn̰ pɨna ɗe gɨl gɨ dɔnɔ ton̰ na sayga naa gusi Kumu ani sol.»

Matɨyo 19:3

Parɨsɨn̰an̰əŋ ga pɨna wo̰ ɨrgage gusii dan̰ ɨrɨme gɨ ni gɨybii. Kan ɨngɨriige yege hɨn̰: «Kɛ gasɨn̰-kɔl kona bɨn̰ ban̰aŋ gɨyəŋ gɨ ni tayɨn̰ kandiige kɨya cay kɔl gɨ ani ani hayi ga?»

Matɨyo 22:35

Ɨni na, ungo gɨ pɨna wo̰, duroy kalaŋ ga ka-gɨlɨn̰ kalaŋ gasɨn̰-kɔl gɨ da Moyis, gey gɨybe Jesu, say ɨngɨrii hɨn̰:

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 9:34

Ama Parɨsɨn̰an̰əŋ yege hɨn̰: «Na dan̰ gɨyəŋ gɨ da dɔnɔ di da kɨlma gɨ da turnɔn̰əŋ ga ɨsɨndən̰əŋ ma ban tan̰ turnɔn̰əŋ ga ɨsɨndəŋ coŋ.»

Marg 10:1

Jesu say a kɨɗɨn̰ ga nee gaŋ or a cay gɨsəŋ ga Jude kardi kuray gɨ Jurdḛ. Ɨni na, dɨmdɨrdi kalaŋ dayaŋge gusii ɗaŋ coŋ. Ban gɨlge hɨnga ɗaŋ coŋ hɨn̰ gɨ ban ba leede daa daa le.

Marg 10:3

Ɨni na, ban dɨbɨge cay nee yege hɨn̰: «Na wa ma Moyis ay te tumoy cay nee ga?»

Marg 8:11

Parɨsɨn̰an̰əŋ andaŋge ɨrgage bɨ, ayge te man̰e-kɔl dan̰ Jesu. Kan ɨrgage malge gɨyəŋ gɨ ni gɨybiige dan̰ kɔl ɗe ban na leen̰ hɨnga ga ɗɨn̰ cɨn̰-kɨɗɨn̰, ɗe gɨlɨn̰ gɨ dɔnɔ toyi na sayga naa gusi Kumu.

Marg 8:15

Jesu ay noy bɨge yen̰ hɨn̰: «Ɗagɨŋ muɗɔlɛ cay gusɨgɨŋ gɨŋ kɨya cay subugu di da kalaŋ ga ni Parɨsɨn̰a bɨ, kɨya cay Ɛrɔd bɨ.»

Kɔl-gɨ-Ɗari gɨ Lug wal 11:39

Ba-gulondɨna ba sol ɨrɨmedi hɨn̰ wo̰ na yeyi hɨn̰: «Kɨŋ Parɨsɨn̰an̰əŋ le kɨŋ pɨl kardi kobo kagɨŋ ga ni son̰ kaŋ bɨ, kɔjɛ kagɨŋ ga ni don̰ hɨnga bɨ, arɨn̰ cərərə, ama tabɨlaŋdi hase bɨ, kuduroy ɨndɨwa bɨ, walɨn̰ kuduroygɨŋ daa jɨŋ jɨŋ.

Kɔl-gɨ-Ɗari gɨ Lug wal 16:14

Parɨsɨn̰an̰əŋ, jege kɔl gɨ nee le nɔm bɨ, asɨge cay Jesu, kɨya gɨ kan na kalaŋ ga geyge sɔlɛ gursu pɨde cɨndɨge naŋ.

Kɔl-gɨ-Ɗari gɨ Lug wal 5:30

Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis, ga duroy kan ga beege toyge pɨna, solge gɨ Jesu di dɔɔ dan̰ ka-hɔgɛ lambo bɨ, dan̰ kalaŋ ga ɗaŋ ga ka-lɔɔ ɨsɨna ga laage gasɨn̰-kɔl gɨ da Moyis naŋ bɨ. Kan yen̰ge ka-aye-cay-tɨbay Jesu yege hɨn̰: «Na kɨya wa ma magɨŋ dii bɨ sii bɨ, dan̰ ka-hɔgɛ lambo bɨ, dan̰ ka-lɔɔ ɨsɨna ga ɗaŋ bɨ ga?»

Kɔl-gɨ-Ɗari gɨ Lug wal 6:7

Ka-gɨlɨn̰ kalaŋ gasɨn̰-kɔl gɨ da Moyis, dan̰ Parɨsɨn̰an̰əŋ sige cɨndɨge jɛr jɛr solɨn̰ge Jesu, kɛ ban na kɨya poɗii dan̰ wɔlɛ gɨ ni dorɨn̰ gɨlale le ga? Ɗe age na wan̰ gɨyəŋ gɨ ni sɨn̰ kɔl cayi.

Kɔl-gɨ-Ɗari gɨ Lug wal 7:30

Ama Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kan̰ge gɨ Ja̰ na laage batɛm, kan̰in̰ge hɨnga ga Kumu ojɨ kol cayge.

Kɔl-gɨ-Ɗari gɨ Ja̰ wal 11:47

Ɨni na, ka-cay ka-bɔgɛ kɨbar ga gɨmdəŋ bɨ, Parɨsɨn̰an̰əŋ bɨ, dayge cay ka-cay ka-bɔyɛ kɔl kage ga gɨmdəŋ daa bɨ, yege hɨn̰: «Kɛ, na kɨya lɔɔgɨŋ na mɨna ga? Kɨya wa ungo gɨ nee le, lee hɨnga ga ɗɨn̰ cɨn̰-kɨɗɨn̰ dan̰ kondiige.

Kɔl-gɨ-Ɗari gɨ Ja̰ wal 11:57

Kan yege hɨn̰ wo̰ na kɨya gɨ tumɔ gɨmdəŋ ga da ka-cay ka-bɔgɛ kɨbar bɨ, Parɨsɨn̰an̰əŋ bɨ, ayge noyige bɨn̰ kalaŋ, hɨn̰ gɨ waŋ waŋ gɨ na sɨla kɨɗɨn̰ ga Jesu na somɨn̰ nee na, kuɗa gɨ ban na ɨre yage daa ɗe age na or ƴomii.

Kɔl-gɨ-Ɗari gɨ Ja̰ wal 7:32

Kɔl gɨ dɨmdɨrdi kalaŋ n̰amge duroyge ojɨ cay Jesu le, ba a sɨmay Parɨsɨn̰an̰əŋ. Ɨni na, ka-cay ka-bɔgɛ kɨbar bɨ, Parɨsɨn̰an̰əŋ bɨ, gɨyge ka-ame ƴaa-Kumu ɗe na ƴomge Jesu.

Kɔl-gɨ-Ɗari gɨ Ja̰ wal 7:48

Duroy kalaŋ ga gɨmdəŋ ga da Jubɨn̰əŋ naŋ le, duroy Parɨsɨn̰an̰əŋ le kɨŋ je gɨ ungo pɨna na bee kuduroyi cayi ga?

Kɔl-gɨ-Ɗari gɨ Ja̰ wal 8:6

Kan yege kɔl gɨ nee le na dan̰ ɨrɨme gɨ ni gɨybi age na wan̰ gɨyəŋ gɨ ni si kɔl cayi. Ama Jesu lɨnge dugo bɨ, ay te kayɨde hɨnga cay gɨsəŋ gaŋ dan̰ karɨn̰ kobi.

1 Korɛ̰t 10:9

Na ɗɔɔ ba gɨybe Ba-gulɔŋ hɨn̰ kalaŋ ga pɨna duroyge ba leen̰ge wo̰ naŋ, lee gɨ kumbulon̰əŋ hɨndɨdɨge dɨɗɨge.