Marg 1:27 - Gabri Maja

²⁷ Turnoyge gɨre kayaŋ gusɨge coŋ nɔm, lee gɨ kan ɨngɨrɨn̰ge gusɨge kɔl duroyge yen̰ge hɨn̰: «Na wa ba hɨn̰ wo̰ ga? Na hɨnga ga ni gɨle ga hɨrɨwa ga dan̰ dɔnɔ! Turnɔ ga ɨsɨndəŋ kalɨn̰ ma ban ay noyi bɨge bɨ, kan jege kɔl kɨbi.»

Marg 1:27 ပူးပေါင်းရင်းမြစ်များ

Matɨyo 15:31

Lee gɨ kɨɗɨn̰ ga dɨmdɨrdi kalaŋ solge ka-tɨge ga yege kɔl bɨ, solge kalaŋ ga kobɨge naŋ le, tɨbayge puydoŋ jɨga bɨləŋ ban̰di nee kuɗa bɨ, ka-ɔrɛ modo ga orge dan̰ durɔ bɨ, solge ka-bɨbe jɨgage sol kɨɗɨn̰ bɨ ɨni na, turnoyge gɨre kayaŋ tɔgɨ bɨ, kan hɨramge Kumu gɨ da Ɨsɨrayɛl bɨ.

Matɨyo 8:9

Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma, ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna ya hɨn̰: “Ɨra” na ban or bɨ, ɨŋ na yan̰ gɨ ɗaŋ hɨn̰: “Jɨge” na ban jɨga bɨ, ɨŋ na yan̰ dan̰ guyɔŋ hɨnge hɨn̰: “Laa hɨnga ga kɛ na”, ban lee bɨ.»

Matɨyo 9:33

Kɨɗɨn̰ ga Jesu tay turnɔ di ɨsɨni le coŋ ɨni na, ungo le ay te yɔɔ kɔl. Dɨmdɨrdi kalaŋ ga ɨrege nee le, kɔl kayge sɛl sɛl. Lee gɨ kan yege hɨn̰: «Hɨnga ga hɨn̰ wo̰ le, ungo sɨla cay pɨna a cay gɨsəŋ ga Ɨsɨrayɛl gaŋ naŋ bɨrɨŋ!»

Marg 1:26

Turnɔ di ɨsɨni le yɨbagdii dan̰ tɔgɔɔ bɨ, wɨlal dan̰ tɔgɔɔ bɨ, de andaŋ kuduroy doŋ coŋ.

Marg 1:28

Kɔl gɨ kɨbɨna kɛ bɨ, kalaŋ dorge kɔl gɨ da Jesu, dan̰ gɨye-lɔɔdi gon̰ kɨɗɨn̰ a cay gɨsəŋ ga Galile gaŋ nɔm.

Marg 10:24

Kɔl gɨ nee le dor turnoyi ka-aye-cay-tɨbay Jesu. Ama Jesu yege ɗaŋ coŋ hɨn̰: «Karɨnɨ kange, andaŋ a boy dɔɔ-ƴaa di da Kumu dɨŋ dojɨ tɔgɨ.

Marg 10:32

Kan bugoŋge te gɨyəŋ gɨŋ kɨya ɔrɛge jɨn̰ Jerusalɛm ɨni na, Jesu woy te ɔrɛ tumoy ka-aye-cay-tɨbayi, ama kan solge tɔgɨ bɨ, hundɔrɔ lee dɨmdɨrdi kalaŋ ga ka-kɔbɛ kardi bɨ. Jesu tee kan ga mɔjɨ-cayge-sɔɔ gusii ɗaŋ coŋ bɨ, ay te dorge kol hɨnga ga baa mɨnde ga ba kɨya andaŋ cayi le.

Marg 16:5

Kan andaŋge boy umboŋ kamɨn̰aŋ gaŋ le ɨni na, kan solge marɨna gɨ pɨna wo̰ gɨ dobɨ gumɔjɨ gɨ sɨngɨɗɨ bɛrɛ tɨrɨjɨ gusi som a cay kɔbɔ gɨ bara gɨŋ, lee gɨ hundɔrɔ leege gɨɗaŋ.

Marg 16:6

Ama ban yege hɨn̰: «Hundɔrɔgɨŋ naŋ. Ɨŋ sol gɨ kɨŋ mal na Jesu gɨ Najarɛt gɨ kan gagɨliige a cay sɨya-gɨ-dagɨli gɨŋ le. Ban unɔ kɛ. Ban boy lɨbɨ ɨni. Sɨlagɨŋ kɨɗɨn̰ ga tumɔ kan ba dibii nee ba kɛ.

Marg 7:37

Kɔl kayge sɛl sɛl lee gɨ kan yege hɨn̰: «Ban lee hɨnga nɔm kuɗa tɔgɨ. Ban lee gɨ ka-məŋ yege kɔl bɨ, jege kɔl bɨ.»

Kɔl-gɨ-Ɗari gɨ Lug wal 4:36

Kalaŋ nɔm ga ba ɨrege a kɨɗɨn̰ ga nee gaŋ le, turnoyge gɨre kayaŋ gusɨge coŋ bɨ, yen̰ge gusɨge hɨn̰: «Na kɔl gɨ mɨna ba hɨn̰ wo̰ ga? Turnɔ ga ɨsɨndəŋ kalɨn̰ ma jege kɔl kɨbi bɨ, dege kɨɗɨn̰ andaŋ, kɨɗɨn̰ ga ban ba ay tumoy bɨge dan̰ dɔnɔ bɨ tɔgɨ.»

Kɔl-gɨ-Ɗari gɨ Lug wal 9:1

Jesu te ka-aye-cay-tɨbayi ga mɔjɨ-cayge-sɔɔ ɨni na, ay noy bɨge dan̰ tɔgɨ bɨ dɔnɔ bɨ ɗe kan na poɗɨn̰ ka-hɔmɨn̰ɛ bɨ, tayɨn̰ turnɔn̰əŋ ga ɨsɨndəŋ coŋ bɨ.

Gɨye-lɔɔ 17:19

Kan ƴom Pol bɨ, orɨn̰ge danayi boy kɨɗɨn̰ dayaŋ ga ka-dɔɔ cay ƴaa dayaŋge nee, ga teege naa Arewopaj bɨ yeyge hɨn̰: «Kɔl gɨ hɨrɨwa gɨ ji ba gɨlɨn̰ kalaŋ kɛ le, ji gɨ ɓale dɔrɛ toy bɨni gɨ ni gɨ jɔɔ naŋ ga?