Kɔl-gɨ-Ɗari gɨ Lug wal 9:51 - Gabri Maja

⁵¹ Kɨɗɨn̰ ga wɔlɛ gɨ Kumu kɨya dorɨn̰ Jesu a cay gɨsəŋ gaŋ baa mɨnde na, Jesu ƴom gusi mɨjagɨ gɨ ɗi na kɨya ɔrɛ Jerusalɛm

Kɔl-gɨ-Ɗari gɨ Lug wal 9:51 ပူးပေါင်းရင်းမြစ်များ

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 12:50

Ama tumɔ pa dɨm na, ɨŋ kɨya wɔɔ batɛm di kɨya dɔbɔŋ boy gɨle-cɨn̰ dɨŋ. Ɨrɨmenɨ kɨya bɔɔ cay mɨgayi gɨŋ naŋ bɨrɨŋ gɨsɨn̰ gɨ hɨnga ga nee le kɨya lɔɔ gusɨge.

Kɔl-gɨ-Ɗari gɨ Lug wal 13:22

Jesu boy gɨyəŋ or gay duroy ƴaa ga gɨmdəŋ gɨmdəŋ dan̰ karɨn̰ ƴaa ƴaa, gɨlɨn̰ kalaŋ hɨnga orɨn̰ cɨndi tumɔ jɨn̰ Jerusalɛm.

Kɔl-gɨ-Ɗari gɨ Lug wal 17:11

Jesu or dan̰ cɨndi jɨn̰ cay ƴaa-di-gumu di Jerusalɛm na, ban ay te kɨɗɛlɛ gɨ gay cay gɨsəŋ ga Samari dan̰ Galile duroy nee.

Kɔl-gɨ-Ɗari gɨ Lug wal 18:31

Jesu te ka-aye-cay-tɨbayi ga mɔjɨ-cayge-sɔɔ gusi yege hɨn̰: «Sɨlagɨŋ! Nɔɔ dɨnagɨŋ gɨ na ba kɨya nɔɔgɨŋ jɨn̰ Jerusalɛm le, hɨnga nɔm ga ka-yɔɔ-kɔl-gɨ-Kumu-ba-yɔɔ ba walge duroy magtubu dɨŋ ojɨn̰ canɨ ɨŋ-bandi kurɨn̰ ungo le, kan kɨya lɔɔ ɗe or kɨɗɨn̰dɨge gaŋ.

Kɔl-gɨ-Ɗari gɨ Lug wal 19:11

Kalaŋ si sɨmayge kɨya jon̰ kɔl gɨ da Jesu. Kɨɗɨn̰ ga kalaŋ sɨge sɨmayge kɨya jon̰ kɔl koyi na, ban ay kɨradi-kɔl yege kɨya gɨ baa mɨnde gɨ kan kɨya bugoŋ Jerusalɛm. Kɨya wa kalaŋ ɨrɨmge hɨn̰ gɨ Ban na kɨya ɗɔɔ te dɔɔ-ƴaa toyi naa kɨɗɨn̰ ga ban na kɨya bugoŋ a Jerusalɛm.

Kɔl-gɨ-Ɗari gɨ Lug wal 19:28

Kɨɗɨn̰ ga Jesu ye kɔl le hɨn̰ wo̰ ɨni na, ban ba tumoy dɨmdɨrdi kalaŋ le, ay gɨyəŋ gɨ nay jɨn̰ Jerusalɛm.

Kɔl-gɨ-Ɗari gɨ Lug wal 24:51

Kɨɗɨn̰ ga ban tor-kɨbi a cayge ban̰ nee ƴee bɨ ga ma, ban ɗege bɨ Kumu ayi orɨn̰ daa nii.

Kɔl-gɨ-Ɗari gɨ Lug wal 9:57

Kɨɗɨn̰ ga kan baa gɨyəŋ ƴee na, ungo gɨ pɨna wo̰ yen̰ Jesu hɨn̰: «Ɨŋ kɨya kɔbɛ kardɨn̰ a kɨɗɨn̰ nɔm ga ji kɨya ɔrɛ nee.»

Kɔl-gɨ-Ɗari gɨ Ja̰ wal 13:1

Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.

Kɔl-gɨ-Ɗari gɨ Ja̰ wal 16:28

Ɨŋ sayga na gusi Banɨ nii, ma maŋ ɨrga a cay gɨsəŋ gaŋ kɛ. Haw kɛ ɨŋ kɨya sɔ cay gɨsəŋ gaŋ kɛ, jɔgɛ gusi Banɨ.

Kɔl-gɨ-Ɗari gɨ Ja̰ wal 16:5

«Haw kɛ ɨŋ jogɨ na gusi Ban gɨ gɨyigəŋ le. Ama ungo pɨna nɛŋ duroygɨŋ kalɨn̰ ma ɨngɨrəŋ ya hɨn̰: “Kɛ ji or na jɨn̰ ani ga?” naŋ bɨrɨŋ.

Kɔl-gɨ-Ɗari gɨ Ja̰ wal 17:11

Haw kɛ na ɨŋ na gɨ cay gɨsəŋ gaŋ kɛ naŋ ɨni, ɨŋ kɨya jɔgɛ gusɨn̰, ama kan na, kɨya bɔɔge a cay gɨsəŋ gaŋ. Banɨ, ji gɨ ji woy dan̰ cɨndɨn̰, kalaŋ ga ji ba bəŋ danage le, ji gamage dan̰ dɔnɔ di da gusondɨn̰. Ɗe kan bugoŋge pɨna hɨn̰ gɨ na-gandi na ba bugoŋ pɨna wo̰ bɨ.

Kɔl-gɨ-Ɗari gɨ Ja̰ wal 6:62

Ma hɨn̰ gɨ kɨŋ na sɨla Kurɨn̰-ungo dan̰ cɨndɨgɨŋ, saa ɨra sɨma a kɨɗɨn̰ sɔmɛdi ga tumɔ gaŋ le kɛ, gɨ ƴomgɨŋ isi cɨla coŋ naŋ ga?

Gɨye-lɔɔ 1:2

bɨrɨŋ andɨn̰ a boy wɔlɛdi gɨ Kumu ayi orɨn̰ danayi daa nii le. Tumɔ pa dɨm ma gɨ ban kɨya ɔrɛ ƴee na, Jesu gɨlɨn̰ ka-gɨre-gɨye kayi ga ban torge le hɨnga, dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Gɨye-lɔɔ 1:9

Kɨɗɨn̰ ga ban yege kɔl gɨ nee le hɨn̰ wo̰ bɨ ga ma, kan soliige gɨ ban say cɨndɨge or daa nii. Kardi nee ɨni na, kan ɨre sol kardi hɨrɨm bɨ, gɨrɨmbale ɨrga tol cɨndɨge narge solii coŋ.

Epɛs 1:20

kɨɗɨn̰ ga ban boyi lɨbii duroy kalaŋ ga madɨrdaŋ gaŋ bɨ, ayi orɨn̰ danayi gɨɗɨgɨ-Kumu gɨŋ orɨn̰ si cay kobi gɨ bara gɨŋ.

Pilib 3:14

Ɨŋ gɨre cɨnɨ jɨn̰ gusi hɨnga ga woy tumonɨ ɗe aŋ na wan̰ hɨnga ga ni cay-kɔbɔ ga Kumu tena koldɨge te bugoŋ pɨna dan̰ Jesu-Kɨris ɗe ana na orgɨŋ wɔɔ a gɨɗɨgɨ-Kumu gɨŋ le.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 6:20

Ho’o, na kɨɗɨn̰ ga nee gaŋ le ma Jesu or tumoyna andaŋ a duroy ƴaa di da Kumu di woy a gɨɗɨgɨ-Kumu gɨŋ kɨya cayna. Kɨya gɨ ban bɨle mangɨl gɨ da ka-cay ka-bɔgɛ kɨbar dan̰ tumoyi hɨn̰ gɨ da Mɛlgisedɛg wo̰.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.