Kɔl-gɨ-Ɗari gɨ Lug wal 9:45 - Gabri Maja

⁴⁵ Ama kan sɨlage te kɔl le naŋ. Kɨya wa na kɔl gɨ saɗi, ɗe kan na dɨle sɔlɛ duroyi. Ama kan hɨndarge ɨngɨrii te kɔl le.

Kɔl-gɨ-Ɗari gɨ Lug wal 9:45 ပူးပေါင်းရင်းမြစ်များ

Matɨyo 16:22

Ɨni na, Pɨyɛr corii kan̰di bɨ, ɗali ye hɨn̰: «Ba-gulɔŋ, Kumu kɨya amɨn̰, ban kɨya nare ɗe hɨnga ga nee le leen̰ naŋ! Na hɨn̰ wo̰ naŋ, hɨnga ga hɨn̰ wo̰ le kɨya andaŋ can̰ naŋ.»

Matɨyo 17:22

Wɔlɛ gɨ pɨna gɨŋ wo̰, ka-aye-cay-tɨbay Jesu wayge gusɨge nɔm a gɨsəŋ ga Galile gaŋ ɨni na, Jesu yege hɨn̰: «Ba mɨnde gɨ kan kɨya ƴɔmɛge Kurɨn̰-ungo le dobiige kobi kalaŋ

Marg 9:10

Kan beege kɔl a cay te tumoyi di ban ay bɨge le, ama kan ɨngɨrɨn̰ gusɨge kɔl duroyge yen̰ge hɨn̰: «Kɛ kɔl gɨ ban ye gɨ ɗi na kɨya mare bɨ bɔyɛ lɨbe bɨ le kɛ, duroy na wa ga?»

Marg 9:32

Ama ka-aye-cay-tɨbayi sɨlage duroy kɔl gɨ nee le naŋ bɨ, hɨndarge ɨngɨrii kɔl bɨ.

Kɔl-gɨ-Ɗari gɨ Lug wal 18:34

Ama ka-aye-cay-tɨbayi sɨlage duroy kɔl le naŋ. Kɨya wa na kɔl gɨ cɨndɨge hangaŋ cay nee naŋ. Ban ye na koldi wa kalɨn̰ ma kan sɨla duroy naŋ.

Kɔl-gɨ-Ɗari gɨ Lug wal 2:50

Ama kɔl gɨ Jesu ba ye le, kandi sɨlage kɨradi pɨna naŋ.

Kɔl-gɨ-Ɗari gɨ Lug wal 9:46

Ɨrɨme kɔl gɨ pɨna wo̰ baa bib duroy ka-aye-cay-tɨbay Jesu bɨ, kan man̰ge kɔl duroyge yege hɨn̰: Kɛ na waŋ duroyna ma na gɨ gumu ga?

Kɔl-gɨ-Ɗari gɨ Ja̰ wal 12:16

Kɨɗɨn̰ ga hɨnga ga nee le lee gusɨge na, ka-aye-cay-tɨbayi sɨlage te hɨnga ga nee le naŋ! Ama kɨɗɨn̰ ga Kumu ba dɨbɨ gusoŋ-tɔgɛ a cay Jesu na, kan hɨnɨge bɨ solge gɨ kalaŋ na leeyige naa hɨnga ga na walge koldɨge duroy Magtubu di da Kumu di kan walge tumɔ ojɨn̰ cayi le. Bɨ na hɨnga ga nee le ma kan lee kol cayi.

Kɔl-gɨ-Ɗari gɨ Ja̰ wal 12:34

Ɨni na, dɨmdɨrdi kalaŋ le, dɨbiige cay nee yeyige hɨn̰: «Gɨlnige a duroy magtubu gasɨn̰-kɔl gɨŋ, gɨ Kɨris ban gɨ Kumu dorii le, na kɨya sɔmɛ dan̰ cɨndi. Ama na mɨna ma, mɨn̰ ye gɨ na ojɨ gɨ kan na kɨya gagɨldege Kurɨn̰-ungo le a daa cay sɨya-gɨ-dagɨli gɨŋ ga? Kurɨn̰-ungo le na waŋ ga?»

Kɔl-gɨ-Ɗari gɨ Ja̰ wal 14:5

Tomas yeyi hɨn̰: «Ba-gulɔŋ, ni sɨla kɨɗɨn̰ ga ji orɨn̰ jɨn̰ nee gaŋ le naŋ. Na mɨna ma mani kɨya sɔlɛ gɨyəŋdɨge ga?»

Kɔl-gɨ-Ɗari gɨ Ja̰ wal 4:33

Ɨni na ka-aye-cay-tɨbay Jesu ɨngɨrɨn̰ge gusɨge kɔl duroyge yege hɨn̰: «Kɛ ungo gɨ ɗaŋ da bii hɨnga ga ni dɔɔ ƴee ga?»