Kɔl-gɨ-Ɗari gɨ Lug wal 9:19 - Gabri Maja

¹⁹ Kan dibiige cay nee yeyge hɨn̰: «Ga pɨna yege hɨn̰ ji naa Ja̰ ba-loon̰ kalaŋ batɛm. Ga ɗaŋ yege hɨn̰ ji naa Eli ba-yɔɔ-kɔl-gɨ-Kumu-ba-yɔɔ gɨ jɨne. Ga ɗaŋ coŋ yege hɨn̰ ji naa ba-yɔɔ-kɔl-gɨ-Kumu-ba-yɔɔ gɨ jɨne na ba bɔyɛ lɨbe duroy kalaŋ ga madɨrdaŋ.»

Kɔl-gɨ-Ɗari gɨ Lug wal 9:19 ပူးပေါင်းရင်းမြစ်များ

Matɨyo 14:2

Ɨni na, Ɛrɔd yen̰ marɨne ka-gɨye kayi hɨn̰: «Ungo gɨ nee le, na Ja̰ ba-lɔɔ batɛm gɨ ma le ba bɔyɛ lɨbe. Na toy di hɨn̰ wo̰ ma, ban wan̰ dɔnɔ tɔgɨ di ni leen̰ hɨnga ga ni beli ga nee le.»

Matɨyo 3:1

Boy wɔlɛdi gɨ nee le, Ja̰ ba-lɔɔ batɛm andaŋ dus a duroy daldɨŋ di Jude tee bɛrnɛ yen̰ kalaŋ ye hɨn̰:

Marg 6:14

Kɨlma Ɛrɔd je kol Jesu kɨya gɨ gusondi ye ƴee kɨɗɨn̰. Lee gɨ kalaŋ yege hɨn̰: «Naa Ja̰ ba-lɔɔ batɛm naa ba bɔyɛ lɨbe, duroy kalaŋ ga madɨrdaŋ gaŋ, na toy di hɨn̰ wo̰ ma ban na orɨn̰ dan̰ dɔnɔ di ni loon̰ hɨnga ga ni beli ga nee le.»

Marg 6:15

Ga ɗaŋ yege hɨn̰: «Naa Eli.» Ga ɗaŋ coŋ yege hɨn̰: «Naa ba-yɔɔ-kɔl-gɨ-Kumu-ba-yɔɔ gɨ gɨlɨn̰ dan̰ ka-yɔɔ-kɔl-gɨ-Kumu-ba-yɔɔ ga jɨne naa ba bɔyɛ lɨbe.»

Kɔl-gɨ-Ɗari gɨ Lug wal 9:18

Wɔlɛ gɨ pɨna wo̰ Jesu ƴom gusi dan̰ kan̰di olɨn̰ Kumu. Ka-aye-cay-tɨbayi ɨrege durdi. Jesu ɨngɨrge ye hɨn̰: «Kɛ dɨmdɨrdi kalaŋ le yege gɨ ɨŋ na waŋ ga?»

Kɔl-gɨ-Ɗari gɨ Lug wal 9:20

Jesu jɨga ɨngɨrge ɗaŋ coŋ hɨn̰: «Ma kɛ kɨŋ ye kogɨŋ na mɨna bɨ ga? Kɨŋ ye gɨ ɨŋ naa waŋ ga?» Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii le.»

Kɔl-gɨ-Ɗari gɨ Ja̰ wal 1:21

Ama kan ɨngɨriige: «Kɛ ji na waŋ ɨni ga? Ji na Eli ga?» Ban dɨbɨge cay nee yege hɨn̰: «Ɨŋ na ban naŋ.» «Kɛ ji na ba-yɔɔ-kɔl-gɨ-Kumu-ba-yɔɔ gɨ ba kɨya caga le ga?» Ɨni na ban jɨga dɨbɨge cay nee yege hɨn̰: «Naŋ.»

Kɔl-gɨ-Ɗari gɨ Ja̰ wal 1:25

Kan ɨngɨrɨn̰ge Ja̰ kɔl cɨndɨge tumɔ tumɔ yeyige hɨn̰: «Hɨn̰ gɨ ji naa Kɨris ban gɨ Kumu dorii naŋ bɨ, Eli naŋ bɨ, ba-yɔɔ-kɔl-gɨ-Kumu-ba-yɔɔ gɨ ba kɨya caga naŋ bɨ na, na kɨya wa ma mɨn̰ leen̰ kalaŋ batɛm ga?»

Kɔl-gɨ-Ɗari gɨ Ja̰ wal 7:40

Duroy dɨmdɨrdi Kalaŋ ga ba jege kɔl koyi le, ga pɨna yege hɨn̰: «Leen̰ cɨndi ungo gɨ ba kɛ le na ba-yɔɔ-kɔl-gɨ-Kumu-ba-yɔɔ.»

Kɔl-gɨ-Ɗari gɨ Ja̰ wal 9:17

Ɨni na, Parɨsɨn̰an̰əŋ ɨngɨrɨn̰ge ba-bɨbe le ɗaŋ coŋ, yege hɨn̰: «Kɛ, ji-bandi, ji ye kon̰ na wa a cay ban gɨ ba haŋge cɨndɨn̰ le ga?» Ɨni na, ban jɨga dɨbɨge cay nee yege hɨn̰: «Ban na ba-yɔɔ-kɔl-gɨ-Kumu-ba-yɔɔ.»