Kɔl-gɨ-Ɗari gɨ Lug wal 9:12 - Gabri Maja

¹² Kɨɗɨn̰ ga tɨwa ba ay te n̰uroŋ na, ka-aye-cay-tɨbayi ga mɔjɨ-cayge-sɔɔ ɨrgage gusii yeyige hɨn̰: «Kuɗa gɨ ji yan̰ dɨmdɨrdi kalaŋ le ɗe or malege kɨɗɨn̰ a cay ƴaa ga a duroy jurn̰əŋ gaŋ bɨ, cay karɨn̰ ƴaa ga bongi nee bɨ, ɗe kan wan̰ kɨɗɨn̰ wɔyɛ bɨ, ɗe kan wan̰ kɨɗɨn̰ ga ni diin̰ hɨnga bɨ. Kɨya gɨ kɨɗɨn̰ ga na ba ɨrɨn̰ nee le, woy na caa gɨŋ.»

Kɔl-gɨ-Ɗari gɨ Lug wal 9:12 ပူးပေါင်းရင်းမြစ်များ

Matɨyo 14:13

Jesu je dɨngəsɨ di nee le ɨni na, ban say ɗe kɨɗɨn̰ ga nee le coŋ. Nay duroy koburo gɨŋ orɨn̰ a kɨɗɨn̰ ga kalaŋ unɔ nee gaŋ. Ama dɨmdɨrdi kalaŋ jege, lee gɨ kan andaŋge a cay ƴaa-ga-gɨmɨdoŋ ga bongi nee gaŋ, kobɨn̰ge kardi dan̰ tɨbayige gorɨn̰ge a kɨbɨ kuray gɨŋ jɨraŋ jɨraŋ.

Matɨyo 15:23

Ama Jesu duboo kɔl wo̰ cay nee naŋ. Ɨni na, ka-aye-cay-tɨbayi ɨrgage mɨnde gusii bɨ, yeyige hɨn̰: «Taya coŋ, kɨya gɨ hɨndi kobɨ kardɨnagɨŋ sowɨlɨn̰ cay nagɨŋ tɔgɨ.»

Matɨyo 15:32

Jesu te ka-aye-cay-tɨbayi bɨ yege hɨn̰: «Dɨmdɨrdi kalaŋ ga kɛ le, cɨndɨge ləŋ cɨn̰-n̰age tɔgɨ, kɨya gɨ kan somge durnɨ leen̰ wɔlɛ sɨbɨ ɨni bɨ, hɨnga dɔɔdɨge unɔ bɨ. Lee gɨ ɨŋ gey ɗoge ɔrɛ tage dɨle bɨge hɨnga ga ni dɔɔ naŋ. Gajanaŋ ma togɨyge da unɔ a te gɨyəŋ gɨŋ.»

Kɔl-gɨ-Ɗari gɨ Lug wal 9:11

Kɨɗɨn̰ ga dɨmdɨrdi kalaŋ ba solge gɨ ban ba kɨya ɔrɛ na, kan kobɨge kardi. Bɨ Jesu ƴomge gusi gɨlge kɔl gɨ ojɨ cay dɔɔ-ƴaa di da Kumu bɨ poɗɨn̰ ka-hɔmɨn̰ɛ ga orɨn̰ge dan̰ n̰agedi bɨ.

Kɔl-gɨ-Ɗari gɨ Lug wal 9:13

Jesu jɨga dɨbɨge nee yege hɨn̰: «Naŋ! Kɨŋ gusɨgɨŋ kogɨŋ bɨgegɨŋ hɨnga ga ni dɔɔ.» Kan dibiige nee yeyi hɨn̰: «Mapa won̰ bay dan̰ karɨn̰ gusa won̰ sɔɔ ba kɛ, kɛ ji gey gɨ ni ɨra kɨle hɨnga ga ni dɔɔ ga kɨya ɓale dɨmdɨrdi kalaŋ ga kɛ le ga?»

Kɔl-gɨ-Ɗari gɨ Ja̰ wal 6:1

Kardi kɔl nɔm gɨ nee le na, Jesu say haɗɨ kuray gɨ gumu taa taa gɨ Galile gɨ kan teeyige ɗaŋ coŋ naa Tiberɨyadɨ le orɨn̰ jɨn̰ kɨwa gɨ nii gɨŋ.

Pilib 1:19

kɨya wa ɨŋ sol gɨ Kumu kɨya pɔɗɔŋ kol ɔlɛ gɨ kɨŋ ol Kumu kol canɨ bɨ, Turnɔ di da Jesu-Kɨris kɨya jɨbe tonɨ bɨ.