Kɔl-gɨ-Ɗari gɨ Lug wal 8:21 - Gabri Maja

²¹ Ama Jesu yege hɨn̰: «Na kan ga ba jege kɔl gɨ da Kumu bɨ ayge leen̰ gɨye bɨ le, kan ma na ƴonɨ dan̰ karmɨnɨ.»

Kɔl-gɨ-Ɗari gɨ Lug wal 8:21 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 25:45

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ laa hɨnga ga nee le dan̰ ungo pɨna gɨ a duroy karmɨnɨ ga n̰ən̰əŋ ga kɛ le naŋ na, kɨŋ kan̰ na lɔɔ danaŋ ɨŋ-bandi gusɨnɨ bɨ.”

Matɨyo 28:10

Ɨni na, Jesu yege hɨn̰: «Hundɔrɔgɨŋ naŋ. Ɨragɨŋ yon̰ karmɨnɨ gɨ kan na ɨra a cay gɨsəŋ ga Galile gaŋ: Na a nee ma kan kɨya sɔlɔŋge.»

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Kɔl-gɨ-Ɗari gɨ Lug wal 8:20

Kalaŋ yeyge hɨn̰: «Ƴon̰ dan̰ karmɨn̰ ɨrege doŋ kan geyge solɨn̰.»

Kɔl-gɨ-Ɗari gɨ Ja̰ wal 13:17

Haw kɛ, kɨŋ sol hɨnga nɔm ga nee le. Hɨn̰ gɨ kɨŋ na aya laan̰ gɨye na, tumoy wolwa kɨya wɔyɛ kol caygɨŋ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

2 Korɛ̰t 6:18

«Ɨŋ kɨya bɨle baygɨŋ bɨ, kɨŋ-gandi kalɨn̰ ma kɨŋ kɨya bɨle karɨnɨ ga ban̰aŋ dan̰ kandɨ bɨ. Ba-gulɔŋ gɨ dɔnɔdi ɗɨn̰ dɔnɔ nɔm ba yɔ hɨn̰ wo̰.»

Magtubu di Jag wal 1:22

Kɔl gɨ da Kumu gɨ kɨŋ ba je le, naa wa wa kalɨn̰ ma, ayagɨŋ laan̰gɨŋ gɨye, ama jɔɔgɨŋ na jɔɔ ƴɔbɨ naŋ. Hɨn̰ gɨ kɨŋ na ja na jɔɔ ƴɔbɨ bɨ, kɨŋ na aye laan̰ gɨye naŋ bɨ na, kɨŋ nar na cɨn̰ gusɨgɨŋ kogɨŋ gaŋ.

1 Ja̰ 2:29

Hɨn̰ gɨ kɨŋ na sɨla gɨ ban naa ungo gɨ dan̰ durɔ ɗɨngar na, kɨŋ sol gɨ waŋ waŋ gɨ na laa hɨnga ga dan̰ durɔ ɗɨngar na, na ungo gɨ bɨləŋ kurɨn̰ Kumu ɨni.

3 Ja̰ 1:11

Ay, ji gɨ ɨŋ lee-ton̰, ƴɔlɛ hɨnga ga ɨsɨni naŋ, ama ƴɨla na hɨnga ga ɗari. Ungo gɨ na laa hɨnga ga ɗari na, ban na ungo gɨ da Kumu. Ungo gɨ na laa hɨnga ga ɨsɨni na, ban sɨla Kumu naŋ.