Kɔl-gɨ-Ɗari gɨ Lug wal 8:18 - Gabri Maja

¹⁸ Ɗagɨŋ muɗɔlɛ a cay gusɨgɨŋ gɨŋ ojɨ cay kɔl gɨ kɨŋ ba je. Kɨɗɨn̰ ga ungo na ɨran̰ dan̰ hɨnga kobi na, Kumu kɨya bii kamdɨge cay nee jɨn̰ tumɔ tumɔ. Ama kɨɗɨn̰ ga ungo na ɨran̰ dan̰ hɨnga kobi naŋ na, Kumu kɨya dɔrɛ ga dḛ ga ban ɨrɨm gɨ ɗi na orɨn̰ le.»

Kɔl-gɨ-Ɗari gɨ Lug wal 8:18 ပူးပေါင်းရင်းမြစ်များ

Matɨyo 13:12

Kɨɗɨn̰ ga ungo na ɨran̰ dan̰ hɨnga kobi na, Kumu kɨya bii kamdɨge cay nee jɨn̰ tumɔ tumɔ ɗe hɨnga-wɔɔdi kondɨ. Ama kɨɗɨn̰ ga ungo na ɨran̰ dan̰ hɨnga kobi naŋ na, Kumu kɨya dɔrɛ ga dḛ ga ban orɨn̰ le kobi cɔd coŋ.

Matɨyo 25:29

Kɨya wa, waŋ waŋ gɨ na ɨran̰ dan̰ hɨnga kobi na, kan kɨya bii kamdɨge cay nee jɨn̰ tumɔ tumɔ, ɗe hɨnga-wɔɔdi kondɨ bajag bajag. Ama waŋ waŋ gɨ na ɨran̰ dan̰ hɨnga kobi naŋ na, ga dḛ ga ban bee kuduroy cay nee kalɨn̰ ma, kan kɨya dɔrɛ ga dḛ le kobi cɔd coŋ bɨ.

Marg 13:14

Na toy di hɨn̰ wo̰ ma, kɨɗɨn̰ ga kɨŋ na sɨla hɨnga ga ɨsɨni ga kɨya ɨrgan̰ dan̰ mundoŋ na sɨma a kɨɗɨn̰ ga uja cayi gaŋ naŋ na, kuɗa gɨ ungo gɨ ba ɗɔngɨsɛ kɔl gɨ woy a duroy magtubu di kɛ dɨŋ le sɨla duroy kuɗa. Wɔlɛdi gɨ nee le kuɗa gɨ kalaŋ ga somge a cay gɨsəŋ ga Jude gaŋ le, gɨrge ɨrage jɨn̰ cay garman̰əŋ gaŋ.

Kɔl-gɨ-Ɗari gɨ Lug wal 19:26

Ban dɨbɨge nee yege daa waŋ: “Waŋ waŋ gɨ na ɨran̰ dan̰ hɨnga kobi na, kan kɨya bii kamdɨge cay nee. Ama waŋ waŋ gɨ na ɨran̰ dan̰ hɨnga kobi naŋ na, ga dḛ ga ban bee kuduroy cay nee kalɨn̰ ma, kan kɨya dɔrɛ kobi cɔd coŋ bɨ.

Kɔl-gɨ-Ɗari gɨ Lug wal 9:44

«Jagɨŋ kɔl gɨ ɨŋ ba kɨya yogɨŋ le kuɗa: Ba mɨnde gɨ kan kɨya ƴɔmɛ Kurɨn̰-ungo le bɨn̰ ka-baa di.»

Kɔl-gɨ-Ɗari gɨ Ja̰ wal 15:2

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Gɨye-lɔɔ 10:33

Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.»

Gɨye-lɔɔ 17:11

Jubɨ ga Bere orɨn̰ge dan̰ ɨrɨme gɨ kuɗa ɗɨn̰ Jubɨ ga Tesalonigɨ. Kan ƴeege kɔl gɨ da Kumu haw tɔgɨ bɨ, dan̰ wɔlɛ pɨna pɨna kan kobɨge te kɔl gɨ kan ba walge duroy Magtubu di da Kumu dɨŋ kɨya solɨn̰ kɛ, kɔl gɨ Pol ba gɨlge le, naa nee hayi ga?

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

1 Korɛ̰t 14:37

Hɨn̰ gɨ ungo na ya gɨ ban naa ba-yɔɔ-kɔl-gɨ-Kumu-ba-yɔɔ, naŋ le naa ungo gɨ da Turnɔ ɗe-kuduroy-bɛrɛ na, ɗa gɨ ban sɨla kɔl gɨ ɨŋ ba wal bɨgɨŋ kɛ le naa te tumɔ da Ba-gulɔŋ.

1 Korɛ̰t 3:18

Ɗɔɔ gɨ ungo pɨna wo̰ cɨndi narii naŋ. Hɨn̰ gɨ ungo duroygɨŋ na ɨrɨm gɨ ban naa ba cɨn̰-muɗɔlɛ hɨn̰ kalaŋ ga cay gɨsəŋ gaŋ kɛ na, ɗa gɨ ban bɨl ba dɨngale kɨya bɨlɨn̰ ungo gɨ ba cɨn̰-muɗɔlɛ.

1 Korɛ̰t 8:2

Hɨn̰ gɨ ungo na ɨrɨm kuduroy gɨ ban na ba sɔlɛ-hɨnga na, ban sɨla hɨnga hɨn̰ gɨ ojɨ gɨ ban gɨ sɔlɛ naŋ ƴee.

Pilib 3:4

Hɨn̰ gɨ ɨŋ na gey na, ɨŋ-bandi kalɨn̰ ma ɨŋ ɓal gɨ ni bɔgɛ kuduronɨ a cay kuyoŋdi-gusɨnɨ gɨŋ bɨ. Hɨn̰ gɨ ungo na ɨrɨm gɨ ɗi na orɨn̰ dan̰ gɨyəŋ gɨ ni bɔgɛ kuduroy a cay hɨnga ga da kuyoŋdi-gusi gɨŋ na, ɨŋ-bandi kalɨn̰ ma ɨŋ ɨrɨm ɗɨn̰ koyi coŋ ƴee.

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.