Kɔl-gɨ-Ɗari gɨ Lug wal 8:13 - Gabri Maja

¹³ Gasi-gɨse ga bugoŋ a cay gɨsəŋ ga wan̰ dan̰ oru le, gɨlɨn̰ na dan̰ kan ga jege kɔl gɨ da Kumu bɨ ƴeege dan̰ gusi-mɔwa hage, ama kɔl gɨ da Kumu le bɨga sarnay kuduroyge naŋ. Kɨya wa kan beege kuduroyge cay nee na lam wo̰ bɨ, kɨɗɨn̰ ga hɨnga ga ni gɨwase na andaŋ cayge ɨni na, kan dɨbɨ aye kudurɔ koge coŋ.

Kɔl-gɨ-Ɗari gɨ Lug wal 8:13 ပူးပေါင်းရင်းမြစ်များ

Marg 6:20

Kɨya wa Ɛrɔd been̰ Ja̰ ba-lɔɔ batɛm kɔl nee, kɨya gɨ ban sol Ja̰ naa ungo gɨ dan̰ durɔ ɗɨngar bɨ, naa ungo gɨ woy dan̰ cɨndi bɨ, lee gɨ ban gamii. Na cɨndi kɔl gɨ da Ja̰ lee gɨ ɨrɨmedi or jɨn̰ kɛ kɛ, ama naa hɨn̰ wo̰ kalɨn̰ ma Ɛrɔd dor sɨmayi jen̰ kɔl koyi dan̰ gusi-mɔwa.

Kɔl-gɨ-Ɗari gɨ Lug wal 8:12

Gasi gɨse ga bugoŋ bongi gɨyəŋ le, gɨlɨn̰ na dan̰ kalaŋ ga je kɔl gɨ da Kumu dan̰ sɨmayge. Ama kɨɗɨn̰di ga nee gaŋ le bɨ haban̰ ɨrga dor kɔl gɨ da Kumu le cɔd kuduroyge coŋ, naŋ na kan na gɨ da bɔgɛ kuduroyge cay nee wan̰ pɔɗɛ.

Kɔl-gɨ-Ɗari gɨ Lug wal 8:14

Gasi-gɨse ga bugoŋ duroy gɨsɨm gaŋ le, gɨlɨn̰ na dan̰ kan ga jege kɔl gɨ da Kumu bɨ, beege kuduroyge cay nee bɨ, ama ɨrɨme a cay hɨnga ga cay gɨsəŋ gaŋ bɨ, tabɨlaŋ wɔɔ gursu bɨ, gusi-mɔwa ga cay gɨsəŋ gaŋ bɨ, ba ƴɔmɛ kuduroyge narge malge te aye kudurɔ koge gaŋ coŋ.

Kɔl-gɨ-Ɗari gɨ Ja̰ wal 15:2

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Kɔl-gɨ-Ɗari gɨ Ja̰ wal 15:6

Hɨn̰ gɨ ungo na bugoŋ pɨna danaŋ naŋ na, kan kɨya dɨbiige coŋ kardi yagedi suru gɨŋ ɗe hay. Karɨn̰ kobɨ hɨyadi suru ga hayi le, kan kɨya lɔbɛge dayege daa ulege mɨɗɔgɨ mɨɗɔgɨ coŋ.

Kɔl-gɨ-Ɗari gɨ Ja̰ wal 5:35

Ja̰ le woy na hɨn̰ lamba di talge tɨwa boy nee bɨ, asɨn̰ kɨɗɨn̰ wo̰ bɨ, kɨŋ gey lɔɔ gusi-mɔwa kardi tɨwa toyi dɨŋ dḛ bɨ.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

1 Korɛ̰t 15:2

Dan̰ gɨyəŋ gɨ da tɔgɛ bɛrnɛ di nee le kɨŋ poɗɨ, hɨn̰ gɨ kɨŋ na ƴɨma kɔl gɨ da bɛrnɛ gɨ ɨŋ ba te bɨgɨŋ le usa. Na hɨn̰ wo̰ naŋ na, kɨŋ ay kuduroygɨŋ na kalɨn̰ wo̰ dugo.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Galad 3:4

Kɛ hɨnga ga ba andaŋ caygɨŋ nɔm kɛ le, andaŋ caygɨŋ na kalɨn̰ wo̰ dugo ga? Naŋ! Kɨya ɓale andaŋ kalɨn̰ wo̰ naŋ.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 2:7

Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

1 Timote 1:19

Ji gama aye kudurɔ bɨ, ɗɔɔ gɨ ɗugon̰ alɨn̰ naŋ bɨ. Kalaŋ ga pɨna kan̰ge jɔɔ kɔl gɨ da ɗugoyge di alge coŋ. Na hɨn̰ wo̰ ma kan leen̰ge hɨnga, ɗe gɨ aye kudurɔ koge baan̰ coŋ.

Əbɨro 10:39

Ama na-gandi na, na na kalaŋ ga kɨya dɔrɛ toynagɨŋ karu ɗe ana na orɨn̰gɨŋ mundoŋ gɨŋ naŋ. Na na kalaŋ ga ka-aye kudurɔ bɨ, na orgɨŋ na te gɨyəŋ gɨ ni pɔɗɛ gɨŋ bɨ.

Magtubu di Jag wal 2:26

Na ban ma hɨn̰ gɨ habe na unɔ gusi ungo na, ban na gun. Aye kudurɔ kalɨn̰ ma, gɨye-lɔɔdi na unɔ na, na hɨnga ga mari bɨ.

2 Pɨyɛr 2:20

Kan ga solge Jesu-Kɨris gɨ na Ba-gulondɨna bɨ ba-pɔɗɨna bɨ le, ɗege hɨnga ga mɨdagi ga a cay gɨsəŋ gaŋ coŋ. Ama hɨn̰ gɨ kan na jɨga ɗa gusɨge bɨn̰ hɨnga ga mɨdagi ga nongɨrdɨge ɗaŋ bɨ, dii cayge ɗaŋ coŋ bɨ na, sɔmɛdɨge gɨ kagadi gɨŋ le, kɨya ɨsɨna tɔgɨ ɗɨn̰ gɨ tumɔ ƴee.

2 Pɨyɛr 2:22

Hɨnga ga andaŋ cayge le, gɨlɨn̰ na hɨn̰ kɨradi-kɔl gɨ cɨndi gɨ ye hɨn̰: «Coo jogɨ dɔɔ budɔlɛ koyi ɗaŋ» bɨ, «Gɔsɨyɔŋ pɨl kaŋ cərərə coŋ ma jogɨ bɨɗe gusoo a duroy kurbo gɨŋ ɗaŋ» bɨ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

Magtubu di Jud wal 1:12

Kɨɗɨn̰ ga kɨŋ day caygɨŋ kɨya dɔɔ gɨ da ka-karme na, kalaŋ ga nee le diidege bɨ, siidege bɨ, dɨle doon̰ dasi. Kan gɨlɨn̰ na hɨn̰ gundo gɨ ba dɔgɛ tɨbay ungo nayi wo̰ bɨ. Kan gɨlɨn̰ na hɨn̰ gɨrɨmbale ga kal gɨ gumu dorge narge ɔngɛ wo̰ bɨ. Kan gɨlɨn̰ na hɨn̰ hayaŋ ga wɔɔdɨge unɔ cayge bɨrɨŋ wo̰ bɨ, ga turoŋ dan̰ toyge daa bɨ, mage yɔd coŋ bɨ.