Kɔl-gɨ-Ɗari gɨ Lug wal 6:49 - Gabri Maja

⁴⁹ Ama waŋ waŋ gɨ na ja kɔl hɨnge ma na aya laan̰ gɨye naŋ na, ban gɨlɨn̰ na hɨn̰ ungo gɨ gaɗɨ ƴaa a cay gɨsəŋ gaŋ dɨle pɔ umboŋ ɗon̰ te ƴaa. Kɨɗɨn̰ ga kaŋdi kuray na buyoŋ ɨra te ƴaa dɨŋ bɨ, tɨgaa paj paj bɨ na, kɔl gɨ kɨbɨna kɛ bɨ, ƴaa le kɨya dusoŋ buɗɔg buɗɔg dugo.»

Kɔl-gɨ-Ɗari gɨ Lug wal 6:49 ပူးပေါင်းရင်းမြစ်များ

Matɨyo 23:3

Hɨn̰ wo̰ na, kuɗa gɨ kɨŋ ja kɔl gɨ andaŋ kɨbɨge bɨ, laan̰gɨŋ hɨnga nɔm gɨ kan yəgɨŋge bɨ. Ama kɨŋ ɗɔɔ ba aye gɨye-lɔɔdɨge naŋ. Kɨya wa hɨnga ga kan gɨlɨn̰ kalaŋ le, kan gusɨge laage naŋ.

Matɨyo 24:10

Boy wɔlɛdi gɨ nee le, kondɨwadi kalaŋ kɨya ɗɔɔge aye kudurɔ coŋ. Kan kɨya aye cay gusɨge bɨ, kɨya ƴɔmɛ gusɨge dan̰ kuduroyge bɨ.

Marg 4:17

Ama kɔl gɨ da Kumu le bɨga sarnayi kuduroyge naŋ, kɔl gɨ kan ƴeege le kan ɨrge jaŋ cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge naŋ le, kan na gɨlge-cɨn̰ kɨya kɔl gɨ da Kumu na, kan dɨbɨge aye kudurɔ koge coŋ.

Kɔl-gɨ-Ɗari gɨ Lug wal 12:47

«Kɨɗɨn̰ ga guyɔŋ gɨ na sɨla hɨnga ga ba-ƴaadi na gey gɨ ban na laa, ma na ƴɨma cay tɨbay hɨnga pɨna naŋ bɨ, laa hɨnga dan̰ kuduroy geye gɨ nee le naŋ bɨ na, ban kɨya togii ɓale kɔl.

Kɔl-gɨ-Ɗari gɨ Lug wal 19:14

Ama kalaŋ ga cay gɨsəŋ kayi gaŋ ga pɨna duroyge ƴomiige dan̰ kuduroyge. Bɨ kan say gɨyge ka-ƴɔbɛ kardi kɨya yen̰ Kɨlma gɨ gumu le, ye hɨn̰: “Ni gey gɨ ungo gɨ nee le na gɨ dɔɔ cayni naŋ.”

Kɔl-gɨ-Ɗari gɨ Lug wal 19:27

Ama ojɨ cay ka-baanɨ ga geyge gɨ ɨŋ na gɨ dɔɔ cayge naŋ le, ƴɨmagegɨŋ ɨren̰ danage tumonɨ dɨɗɨgegɨŋ cɨnɨ kɛ.”»

Kɔl-gɨ-Ɗari gɨ Lug wal 6:46

«Na kɨya wa ma magɨŋ təŋ: “Ba-gulɔŋ, Ba-gulɔŋ” bɨ, kɨŋ laa hɨnga ga ɨŋ yəgɨŋ le naŋ ga?

Kɔl-gɨ-Ɗari gɨ Lug wal 6:48

Ban gɨlɨn̰ na hɨn̰ ungo gɨ ba gaɗe ƴaa, ama pay umboŋ ɗe ɗɨge mɨrɨg bɨrɨŋ andaŋ cay garma gɨŋ pa dɨm ma ɗen̰ te ƴaa cay nee ƴee wo̰. Kɨɗɨn̰ ga kaŋdi kuray na buyoŋ ɨra te ƴaa di nee dɨŋ bɨ, tɨgaa paj paj bɨ, yɨbagdaa yɨbag yɨbag bɨ kalɨn̰ ma ƴaa le kɨya dusoŋ naŋ. Kɨya gɨ ungo le gaɗɨ ƴaa le kuɗa.

Kɔl-gɨ-Ɗari gɨ Lug wal 7:1

Kɨɗɨn̰ ga Jesu ba dɨɗɨ kɨbɨ kɔl gɨ ban gey gɨ kalaŋ na tɨgɨyage ɨni na, ban or a cay ƴaa di Kapɛrnɔm.

Kɔl-gɨ-Ɗari gɨ Ja̰ wal 15:2

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Gɨye-lɔɔ 20:29

«Ɨŋ sol kuɗa gɨ karɨnɨ na, kalaŋ ga ɨsɨndəŋ hɨn̰ gaye-ga-coŋ wo̰, kɨya andaŋge duroy gamge gaŋ sugudɨge coŋ.

Gɨye-lɔɔ 26:11

Ɨŋ kobɨ kardi ƴaa-daye-di-da-Jubɨn̰əŋ pɨna pɨna, gɨlɨn̰ ka-bɔgɛ kuduroyge cay Kɨris cɨn̰-gɨle-cɨn̰ bɨ, ɨŋ si tɔgɨ cayge ɗe kan na yagɨdan̰ ban gɨ kan bee kuduroyge cayi le bɨ. Kuduroy-ɨlwa tɨnge di ba ləŋ cayge le, lee gɨ ɨŋ mal cay tɨbayge bɨrɨŋ andɨn̰ a cay ƴaa ga gɨmdəŋ ga ɗaŋ gaŋ.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

2 Pɨyɛr 2:20

Kan ga solge Jesu-Kɨris gɨ na Ba-gulondɨna bɨ ba-pɔɗɨna bɨ le, ɗege hɨnga ga mɨdagi ga a cay gɨsəŋ gaŋ coŋ. Ama hɨn̰ gɨ kan na jɨga ɗa gusɨge bɨn̰ hɨnga ga mɨdagi ga nongɨrdɨge ɗaŋ bɨ, dii cayge ɗaŋ coŋ bɨ na, sɔmɛdɨge gɨ kagadi gɨŋ le, kɨya ɨsɨna tɔgɨ ɗɨn̰ gɨ tumɔ ƴee.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.