Kɔl-gɨ-Ɗari gɨ Lug wal 6:47 - Gabri Maja

⁴⁷ Waŋ waŋ gɨ na ɨre gusɨnɨ ma na ja kɔl hɨnge bɨ, aya laan̰ gɨye bɨ na, ɨŋ kɨya gɨlgɨŋ kɛ ban gɨlɨn̰ na dan̰ waŋ ga?

Kɔl-gɨ-Ɗari gɨ Lug wal 6:47 ပူးပေါင်းရင်းမြစ်များ

Matɨyo 12:50

Kɨya wa waŋ waŋ gɨ na laa kuduroy-geye gɨ da Banɨ gɨ a daa nii na, ban gɨ nee le ma na kurɨnɨ bɨ, tɨmnɨ bɨ, ƴonɨ bɨ.»

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Kɔl-gɨ-Ɗari gɨ Lug wal 11:28

Ama Jesu jɨga dɨboo cay nee yoo hɨn̰: «Ho’o, na kalaŋ ga ba jege kɔl gɨ da Kumu ayge leen̰ge gɨye dɨm ma, tumoy wolwa woy kol cayge ƴee.»

Kɔl-gɨ-Ɗari gɨ Lug wal 14:26

«Hɨn̰ gɨ ungo na gey ɨrga gusɨnɨ ma na gey bayi dan̰ ƴoyi bɨ, tamdi dan̰ karɨndi bɨ, karmii ga ban̰aŋ dan̰ ga kandɨ bɨ, gusi koyi gaŋ bɨ ɗəŋ coŋ na, kɨya ɓale bɨle ba-aye-cay-tɨbanɨ naŋ.

Kɔl-gɨ-Ɗari gɨ Lug wal 6:48

Ban gɨlɨn̰ na hɨn̰ ungo gɨ ba gaɗe ƴaa, ama pay umboŋ ɗe ɗɨge mɨrɨg bɨrɨŋ andaŋ cay garma gɨŋ pa dɨm ma ɗen̰ te ƴaa cay nee ƴee wo̰. Kɨɗɨn̰ ga kaŋdi kuray na buyoŋ ɨra te ƴaa di nee dɨŋ bɨ, tɨgaa paj paj bɨ, yɨbagdaa yɨbag yɨbag bɨ kalɨn̰ ma ƴaa le kɨya dusoŋ naŋ. Kɨya gɨ ungo le gaɗɨ ƴaa le kuɗa.

Kɔl-gɨ-Ɗari gɨ Lug wal 8:13

Gasi-gɨse ga bugoŋ a cay gɨsəŋ ga wan̰ dan̰ oru le, gɨlɨn̰ na dan̰ kan ga jege kɔl gɨ da Kumu bɨ ƴeege dan̰ gusi-mɔwa hage, ama kɔl gɨ da Kumu le bɨga sarnay kuduroyge naŋ. Kɨya wa kan beege kuduroyge cay nee na lam wo̰ bɨ, kɨɗɨn̰ ga hɨnga ga ni gɨwase na andaŋ cayge ɨni na, kan dɨbɨ aye kudurɔ koge coŋ.

Kɔl-gɨ-Ɗari gɨ Lug wal 8:8

Ama ga ɗaŋ bugoŋ na a cay gɨsəŋ ga ɗari gaŋ, andaŋ bɨ malgɨ bɨ dor cayge bɨ. Cayge pɨna na cɨndɨge won̰ aru nee.» Ɨni na, Jesu ye dan̰ tumoyi di daa hɨn̰: «Ungo gɨ sɨmayi na wɨya nee na kuɗa gɨ ban ɨrɨm cay kɔl gɨ ban ba je le.»

Kɔl-gɨ-Ɗari gɨ Ja̰ wal 10:27

Gamge kange jege nonɨ bɨ, ɨŋ solge bɨ, kan kobɨge karɨnɨ bɨ.

Kɔl-gɨ-Ɗari gɨ Ja̰ wal 13:17

Haw kɛ, kɨŋ sol hɨnga nɔm ga nee le. Hɨn̰ gɨ kɨŋ na aya laan̰ gɨye na, tumoy wolwa kɨya wɔyɛ kol caygɨŋ.

Kɔl-gɨ-Ɗari gɨ Ja̰ wal 14:15

Hɨn̰ gɨ kɨŋ na geyəŋ na, kɨŋ kɨya aye te tumɔ tɨnge nɔm leen̰ gɨye.

Kɔl-gɨ-Ɗari gɨ Ja̰ wal 5:40

Ama kɨŋ kan̰ ɨrga gusɨnɨ ɗe gɨ agɨŋ na wan̰ sɔmɛ-bɨra gɨ dan̰ cɨndɨgɨŋ gɨ cɨndi coŋ.

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Kɔl-gɨ-Ɗari gɨ Ja̰ wal 8:52

Ɨni na, Jubɨn̰əŋ yeyige hɨn̰: «Haw kɛ na, ni sol gɨ turnɔ di ɨsɨni woy a kuduron̰. Abɨraham ma bɨ, ka-yɔɔ-kɔl-gɨ-Kumu-ba-yɔɔ kalɨn̰ ma mage bɨ, ama ji-bandi ji ye haw kɛ hɨn̰: “Hɨn̰ gɨ ungo na aya kɔl hɨnge laan̰ gɨye na, tɨma na kɨya cɨlii naŋ bɨrɨŋ”.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Magtubu di Jag wal 4:17

Hɨn̰ gɨ ungo na sɨla lɔɔ hɨnga ga ɗari, ma na laa naŋ na, kol ɨsɨna ƴom cayi.

1 Pɨyɛr 2:4

Sɨygɨŋ gusi Ba-gulɔŋ. Ban na oru gɨ woy-bɨra gɨ kalaŋ kan̰iige coŋ. Ama Kumu dorii kɨya gɨ Kumu solii gɨ ban na oru gɨ ƴee-cɨndi tɔgɨ.

2 Pɨyɛr 1:10

Karmɨnɨ ga ban̰aŋ dan̰ ga kandɨ, na toy di hɨn̰ wo̰ ma, kuɗa gɨ kɨŋ ƴɨma togɨygɨŋ daa ɗe ɗɨn̰ di tumɔ coŋ agɨŋ ɨrɨn̰ osu a te tɔgɛ gɨ Kumu təgɨŋ le bɨ, dɔrɛ gɨ Kumu dorgɨŋ le bɨ. Kɨya wa hɨn̰ gɨ kɨŋ na laa hɨn̰ wo̰ na, kɨŋ kɨya bɔɔ a boy hɨnga ga ɨsɨni gaŋ naŋ bɨrɨŋ.

1 Ja̰ 2:29

Hɨn̰ gɨ kɨŋ na sɨla gɨ ban naa ungo gɨ dan̰ durɔ ɗɨngar na, kɨŋ sol gɨ waŋ waŋ gɨ na laa hɨnga ga dan̰ durɔ ɗɨngar na, na ungo gɨ bɨləŋ kurɨn̰ Kumu ɨni.

1 Ja̰ 3:7

Ay, karɨnɨ, ɗɔɔgɨŋ ungo nare cɨndɨgɨŋ naŋ. Waŋ waŋ gɨ na laa hɨnga ga dan̰ durɔ ɗɨngar na, na ungo gɨ dan̰ durɔ ɗɨngar hɨn̰ gɨ Kɨris na ungo gɨ dan̰ durɔ ɗɨngar wo̰ bɨ.

Wasɨn̰a 22:14

Tumoy wolwa kɨya wɔyɛ kol cay kalaŋ ga pɨlge badɨge kage ga sɨngɨɗɨdəŋ. Kɨya wa badɨge kage na arɨn̰a na, kan kɨya wɔɔ gɨyəŋ gɨ ni andɨn̰ duroy cay ƴaa-di-gumu dɨŋ bɨ, dɨn̰ge wɔɔdi hɨya gɨ ungo na daa na kɨya somɨn̰-bɨra bɨ.