Kɔl-gɨ-Ɗari gɨ Lug wal 6:45 - Gabri Maja

⁴⁵ Ungo gɨ ɗari le, gɨye-lɔɔdi kuɗa na kɨya kuduroy ga kuɗa. Ama ungo gɨ ɨsɨnde le, gɨye-lɔɔdi ɨsɨnde na kɨya kuduroy ga ɨsɨnde. Kɨya wa na kɔl gɨ walin̰ kuduroy ungo jɨŋ jɨŋ ba basaŋ doŋ kɨbi.

Kɔl-gɨ-Ɗari gɨ Lug wal 6:45 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 7:38

Waŋ waŋ gɨ na bɨga kuduroyi canɨ na, “cɨn̰-kaŋn̰əŋ ga kɨya lɔɔ ɗe gɨ ungo na somɨn̰ dan̰ cɨndi kɨya andaŋ kuduroy gɨre ɔrɛ jɨn̰ tumɔ tumɔ” hɨn̰ gɨ ba walɨn̰ge duroy Magtubu di da Kumu di kan walge dɨŋ le.»

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 5:19

Dɨban̰gɨŋ gusɨgɨŋ bandɨ dan̰ kɨra gɨ ni hɨramɨn̰ Kumu bɨ, gɨ ni dɨbɨn̰ gusoŋ-tɔgɛ bɨ, dan̰ kɨra gɨ Turnɔ ɗe-kuduroy-bɛrɛ ba bɨgɨŋ bɨ. Ayagɨŋ kɨra hɨraman̰gɨŋ Ba-gulɔŋ dan̰ ɗugoygɨŋ di pɨna.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Kɔlɔs 4:6

Ɗe gɨ kɔl yɔdɨgɨŋ wɨya na gɨ ɗari dan̰ wɔlɛ pɨna pɨna bɨ, andan̰ na dan̰ kɔl gɨ ƴogi daa daa bɨ. Ɗe agɨŋ solɨn̰ gɨyəŋ gɨ ni dɨbɨn̰ waŋ waŋ kalɨn̰ ma kɔl cay nee ojɨn̰ cay Kɔl-gɨ-Ɗari.

Əbɨro 8:10

Ba-gulɔŋ ye ɗaŋ coŋ ye hɨn̰: “Kardi wɔlɛn̰əŋ ga nee le na, Saɗe kɨbɨ pɨna ɓɨse gusu Gɨ ɨŋ kɨya saɗe dan̰ te wɨn̰je, Gɨ da Ɨsɨrayɛln̰əŋ le ba kɛ: Ɨŋ kɨya ɗɔɔ gasɨn̰-kɔl hɨnge, Na boy ɨrɨmedɨge gɨŋ bɨ, Ɨŋ kɨya wale gasɨn̰-kɔl hɨnge, Na a ɗugoyge bɨ, Ɨŋ kɨya wɔyɛ Kumu koge bɨ Kan kɨya wɔyɛ te kalaŋ kange bɨ.

Magtubu di Jud wal 1:15

kɨya bon̰ kɔl cay kalaŋ nɔm bɨ ɗe kɔl na ƴom cay ka-kuduroy-ɨndɨwa nɔm ojɨn̰ cay ɨsɨna gɨ ani ani gɨ kan leege bɨ, ɗe kɔl na ƴom cay ka-lɔɔ terɨn̰ ga ɨsɨndəŋ ojɨn̰ cay kɔl gɨ ani ani gɨ ɨsɨni gɨ kan ye kol cay Kumu bɨ.»