Kɔl-gɨ-Ɗari gɨ Lug wal 6:23 - Gabri Maja

²³ Wɔlɛ gɨ hɨnga ga nee le nɔm na andaŋ caygɨŋ na, laagɨŋ gusi-mɔwa bɨ, tɨgagɨŋ pɨrɛ bɨ! Ho’o sɨlagɨŋ cay kobɨgɨŋ gɨ gumu woy gamgɨŋ a daa nii! Halegɨŋ gɨybəŋ naŋ, mon̰igɨŋ kalɨn̰ ma gɨlɨn̰ge ka-yɔɔ-kɔl-gɨ-Kumu-ba-yɔɔ cɨn̰-gɨle-cɨn̰ na hɨn̰ wo̰ bɨ.

Kɔl-gɨ-Ɗari gɨ Lug wal 6:23 ပူးပေါင်းရင်းမြစ်များ

Matɨyo 5:12

Laagɨŋ gusi-mɔwa bɨ, tɨgagɨŋ pɨre bɨ, kɨya wa cay kobɨgɨŋ gɨ gumu woy gamgɨŋ a daa nii. Halegɨŋ gɨybəŋ naŋ, ka-yɔɔ-kɔl-gɨ-Kumu-ba-yɔɔ ga somge jɨne tumoygɨŋ le, gɨlgege cɨn̰-gɨle-cɨn̰ na hɨn̰ wo̰ bɨ.

Kɔl-gɨ-Ɗari gɨ Lug wal 1:41

Kɨɗɨn̰ ga Elijabɛd je noy lapɨya di da Mari le na, kɨye gɨ a kudurɔɔ le, say lee gusi guɗu guɗu daa a kudurɔɔ. Bɨ Turnɔ ɗe-kuduroy-bɛrɛ ƴee Elijabɛd guso.

Kɔl-gɨ-Ɗari gɨ Lug wal 1:44

Na cɨndi, kɨɗɨn̰ ga lapɨya di me ba ləŋ le ba baa sɨmanɨ bɨ ga ma, kɨye gɨ a kuduronɨ le, say lee gusi guɗu guɗu daa dan̰ gusi-mɔwa.

Kɔl-gɨ-Ɗari gɨ Lug wal 6:35

Ama ƴɨmagɨŋ wandɨ dan̰ ka-baadɨgɨŋ bɨ, laagɨŋ ɗarwa bɨ, ɨban̰gɨŋ kalaŋ hɨnga dɨle ɨrɨme hɨn̰ gɨ kan na kɨya jogin̰ bɨgɨŋ daa bɨ. Hɨn̰ gɨ kɨŋ na laa hɨn̰ wo̰ na, Kumu kɨya bɨgɨŋ cay kobɨgɨŋ gɨ gumu bɨ, kan kɨya yɔ hɨn̰ gɨ kɨŋ na karɨn̰ Ban gɨ Ɗɨn̰ cay hɨnga nɔm. Kɨya wa Kumu kalɨn̰ ma, lee ɗarwa dan̰ kalaŋ ga sɨlage ɗarwa di Ban laage naŋ bɨ, dan̰ kalaŋ ga ka-lɔɔ ɨsɨna bɨ.

Gɨye-lɔɔ 14:10

Kɨɗɨn̰di ga nee gaŋ le, Pol ay noyi dan̰ tumoyi di daa ye hɨn̰: «Saa ɨr dan̰ tɨban̰ daa.» Ɨni na, ba-modo le de say cud ɨre daa bɨ, ay te ɔrɛ daa.

Gɨye-lɔɔ 3:8

Ban say hɨngɨɗɨ ɨre daa cɨgɨragɨ bɨ, ay te ɔrɛ daa. Ban andaŋ danage boy duroy gulɔŋ ƴaa-di-da-Kumu dɨŋ orɨn̰ daa bɨ, hɨŋɗɨdɨn̰ bɨ, hɨramdɨn̰ Kumu bɨ.

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

2 Timote 2:12

Hɨn̰ gɨ nana ƴɨmagɨŋ usa na, Na kɨya dɔɔ-ƴaa danayi bɨ. Hɨn̰ gɨ nana man̰agɨŋ cay kɨbɨnagɨŋ, Gɨ na na sɨlayigɨŋ naŋ na, Ban kalɨn̰ ma kɨya man̰e cay kɨbi, Gɨ ɗi na sɨlanagɨŋ naŋ bɨ.

Əbɨro 11:26

Ban ɗe a ɨrɨmedi gɨŋ gɨ yagɨde gɨ ban na kɨya wɔɔ kɨya cay Kɨris ban gɨ Kumu dorii le, naa hɨnga ga kɨledɨge kondɨ tɔgɨ ɗɨn̰ kandi-wɔɔ ga a cay gɨsəŋ ga Ejɨpt gaŋ nɔm. Kɨya wa ban ɗe ɨrɨmedi na a cay hɨnga ga ni cay-kɔbɔ ga woy tumoyi.

Əbɨro 11:6

Dɨle aye kudurɔ na, ungo kɨya ɓale ƴɔɔ cɨn̰ Kumu naŋ. Kɨya wa waŋ waŋ gɨ na sɨy gusi Kumu na, ojɨ gɨ ban bɨga kuduroyi cay Kumu gɨ Kumu na woy nee bɨ, gɨ ban naa ba bɨn̰ kalaŋ ga maliige le, cay kobɨge bɨ.

Magtubu di Jag wal 1:2

Karmɨnɨ ga ban̰aŋ dan̰ ga kandɨ, hɨnga ga ni gɨwase ga dan̰ cɨndɨge cɨndɨge ga ba andɨdaŋ caygɨŋ le, kuɗa gɨ kɨŋ sɨlagegɨŋ hɨn̰ hɨnga ga ni gusi-mɔwa wo̰.

1 Pɨyɛr 4:13

Ama kɨŋ laa gusi-mɔwa kɨya cay cɨn̰-gɨle-cɨn̰ di leegɨŋ hɨn̰ gɨ ba leen̰ Kɨris wo̰ bɨ le. Ɗe wɔlɛ gɨ gusoŋ-tɔgɛ koyi na gɨl gusi doŋ na, gusɨgɨŋ kɨya moogɨŋ bɨ, kɨŋ kɨya tɔgɛ pɨre bɨ.

Wasɨn̰a 2:17

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii man gɨ na hɨnga ga ni dɔɔ ga woy a kɨɗɨn̰ wɔsɛdɨge gaŋ bɨ. Ɨŋ kɨya bii oru gɨ bɛrɛ gɨ walge gusoŋ gɨ hɨrɨwa nee bɨ. Na ungo gɨ ba-ƴɔɔ oru gɨ nee le ƴɔbɨ ba kɨya sɔlɛ gusoŋ le. Ama ungo gɨ ɗaŋ kɨya ɓale sɔlɛ naŋ.»

Wasɨn̰a 2:26

«Ungo gɨ na bɨya-kɨmbɨl bɨ lun̰doŋ kardi gɨye hɨnge bɨrɨŋ andan̰ a kagadi wɔlɛ gɨŋ bɨ na, ɨŋ kɨya bɨn̰ ungo gɨ nee le, dɔnɔ di ni dɨn̰ cay te wɔɔ gɨ da kalaŋ.

Wasɨn̰a 2:7

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu ba yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii wɔɔdi hɨya gɨ ungo na da na kɨya sɔmɛ-bɨra. Hɨya gɨ nee le woy na a Paradɨs di da Kumu dɨŋ.»

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.

Wasɨn̰a 3:12

«Ungo gɨ na bɨya-kɨmbɨl na, ɨŋ kɨya lɔɔ gɨ ban kɨya bɨle sɨya gɨ ni duroy ƴaa-di-da-Kumu hɨnge. Ban kɨya sɔmɛ nee bɨ andaŋ duroy nee coŋ naŋ bɨrɨŋ. Ɨŋ kɨya wale guson̰ Kumu hɨnge a cayi bɨ, ɨŋ kɨya wale guson̰ cay ƴaa-di-gumu da Kumu hɨnge di na Jerusalɛm di hɨrɨwa di sayga gusi Kumu gɨsɨn dugo cayi bɨ, ɨŋ kɨya wale gusoŋ gɨ hɨrɨwa a cayi bɨ.

Wasɨn̰a 3:5

Na hɨn̰ wo̰ ma, ungo gɨ na bɨya-kɨmbɨl na, ban kɨya dobii badɨge ga bɛrɛ tɨrɨjɨ gusi. Ɨŋ kɨya yɨde gusondi duroy magtubu sɔmɛ-bɨra gɨŋ coŋ naŋ, ama ɨŋ kɨya yɔ daa waŋ tumoy Banɨ dan̰ ka-ƴɔbɛ ga daa nii gɨ ungo gɨ nee le, naa hɨnge leen̰ cɨndi.