Kɔl-gɨ-Ɗari gɨ Lug wal 6:22 - Gabri Maja

²² Tumoy wolwa woy kol caygɨŋ, kɨŋ ga kalaŋ ƴomgɨŋge dan̰ kuduroyge bɨ, kɨŋ ga kalaŋ kan̰gɨŋge bɨ, kɨŋ ga kalaŋ yagɨdɨgɨŋge bɨ, kɨŋ ga kalaŋ solgɨŋge leen̰ kalaŋ ga ɨsɨndəŋ kɨya canɨ ɨŋ-bandi Kurɨn̰-ungo bɨ.

Kɔl-gɨ-Ɗari gɨ Lug wal 6:22 ပူးပေါင်းရင်းမြစ်များ

Matɨyo 10:18

Kan kɨya tolgɨŋge orɨn̰ge danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Na hɨn̰ wo̰ ma, kɨŋ kɨya wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ bɨ, tumoy kalaŋ ga toyge na Jubɨn̰əŋ naŋ bɨ.

Matɨyo 10:22

Kalaŋ nɔm kɨya ƴomgɨŋge dan̰ kuduroyge kɨya cay gusoŋnɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 10:39

Waŋ waŋ gɨ na gey pɔɗɛ gusi na, kɨya wɔɔ mundoŋ. Ama ungo gɨ na mɨnda gusi coŋ kɨya canɨ na, ban kɨya jɨga wɔɔ gusi koyi le ɗaŋ daa.

Kɔl-gɨ-Ɗari gɨ Lug wal 20:15

Ɨni na, kan sɨriige orɨn̰ danayi kɨbɨ yagedi suru gɨŋ doŋ bɨ, dɨɗiige coŋ. Jesu ɨngɨrge ye hɨn̰: “Kɛ na wa ma ba-gulondi yagedi suru le kɨya looge ga?”

Kɔl-gɨ-Ɗari gɨ Lug wal 21:17

Kalaŋ nɔm kɨya ƴomgɨŋge dan̰ kuduroyge kɨya cay gusonɨ.

Kɔl-gɨ-Ɗari gɨ Lug wal 6:21

Tumoy wolwa woy kol caygɨŋ, kɨŋ ga kurɔŋ ləgɨŋ haw kɛ, kɨya wa kɨŋ kɨya sɨdɨldəŋ jɨŋ jɨŋ ƴee! Tumoy wolwa woy kol caygɨŋ, kɨŋ ga ka-ɨle haw kɛ, kɨya wa wɔlɛdi gɨ kɨŋ kɨya ase dan̰ gusi-mɔwa le kɨya caga ƴee!

Kɔl-gɨ-Ɗari gɨ Ja̰ wal 12:42

Naa hɨn̰ wo̰ kalɨn̰ ma, duroy kalaŋ ka-dɔrɛ tumoyi kalaŋ ga ni Jubɨn̰əŋ kondɨ beege kuduroyge cay Jesu. Ama kol cay Parɨsɨn̰an̰əŋ na, kan yage kɔl gɨ da aye kudurɔ koge daa waŋ naŋ. Kɨya wa kan hɨndarge gɨ kan na kɨya da taygege coŋ a duroy ƴaa-daye-di-da-Jubɨn̰əŋ dɨŋ.

Kɔl-gɨ-Ɗari gɨ Ja̰ wal 16:2

Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

Kɔl-gɨ-Ɗari gɨ Ja̰ wal 17:14

Ɨŋ bɨge kɔl kon̰, ama kalaŋ ga cay gɨsəŋ gaŋ ƴomgege dan̰ kuduroyge. Kɨya wa kan na kalaŋ kage naŋ, hɨn̰ gɨ ɨŋ-bandi kalɨn̰ ma ɨŋ na koge naŋ bɨ.

Kɔl-gɨ-Ɗari gɨ Ja̰ wal 7:7

Kɨŋ le kalaŋ ga cay gɨsəŋ gaŋ ƴɨmagɨŋge dan̰ kuduroyge naŋ. Ama ɨŋ-bandi na kalaŋ ga cay gɨsəŋ gaŋ ƴɔmɔŋge dan̰ kuduroyge, kɨya wa ɨŋ sɨɗɨgɨ te gɨye lɔɔdɨge gɨ ɨsɨni daa.

Kɔl-gɨ-Ɗari gɨ Ja̰ wal 9:34

Kan dege kɔl kɨbi coŋ, yeyige hɨn̰: «Woon̰ge na boy ɨsɨna gɨŋ cɨrɔb, ma man̰ ba gɨ gɨlni hɨnga ga!» Ɨni na, kan tayige doŋ coŋ.

Gɨye-lɔɔ 22:22

Kalaŋ kondɨ ɨrege nee jege kɔl gɨ da Pol bɨrɨŋ andɨn̰ cay kɔl gɨ nee gɨŋ le. Ayge te dɔgɛ sɨle tɔgɨ yen̰ge hɨn̰: «Ungo gɨ hɨn̰ wo̰ le, na ungo gɨ ni ɗoyi sɔmɛ cay gɨsəŋ gaŋ naŋ! Kuɗa gɨ ni ɗoyi sɔmɛ dan̰ cɨndi naŋ! Kɨŋ dɨɗii coŋ!»

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 9:16

Ɨŋ-bandi dan̰ gusɨnɨ ba kɨya gɨlii hɨnga ga ni cɨn̰-gɨle-cɨn̰ nɔm, ga naa wa wa kalɨn̰ ma kɨya looyi kɨya cay gusonɨ le.»

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Pɨyɛr 3:14

Ma hɨn̰ gɨ kɨŋ na wa cɨn̰-gɨle-cɨn̰ kɨya cay hɨnga ga dan̰ durɔ ɗɨngar ga kɨŋ lee kalɨn̰ ma, tumoy wolwa woy kol caygɨŋ. Hundorgegɨŋ naŋ bɨ, ɗɔɔgɨŋ ɗugoygɨŋ algɨŋ naŋ bɨ.