Kɔl-gɨ-Ɗari gɨ Lug wal 6:20 - Gabri Maja

²⁰ Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Kɔl-gɨ-Ɗari gɨ Lug wal 6:20 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 5:1

Dɨmdɨrdi kalaŋ kobɨge kardi Jesu. Kɨɗɨn̰ ga ban solge ɨni na, or nɔɔ a cay garma gɨŋ sɔmɛ nee bɨ, ka-aye-cay-tɨbayi ɨrgage dayaŋge gusi.

Kɔl-gɨ-Ɗari gɨ Lug wal 12:32

«Ay gamge kange ga lagɨɗe, hundɔrɔ gɨŋ naŋ! Kɨya wa Baygɨŋ ay noyi gɨ ɗi na kɨya bɨgɨŋ dɔɔ-ƴaa toyi.

Kɔl-gɨ-Ɗari gɨ Lug wal 13:28

Na kɨɗɨn̰ ga nee gaŋ le ma magɨŋ kɨya ɨle bɨ, lɔydɛ gasɨndɨgɨŋ kɛɗɛɗɛ kɛɗɛɗɛ kɨɗɨn̰ ga kɨŋ kɨya sɔlɛ Abɨraham bɨ, Isag bɨ, Jagob bɨ, ka-yɔɔ-kɔl-gɨ-Kumu-ba-yɔɔ nɔm, duroy dɔɔ-ƴaa di da Kumu dɨŋ, ama kɨŋ-gandi na, kan kɨya nargɨŋ dɨbe tɨbaygɨŋ nee.

Kɔl-gɨ-Ɗari gɨ Lug wal 14:15

Ungo gɨ pɨna wo̰ duroy kalaŋ ga somge danayi kɨbɨ dɔɔ gɨŋ le, kɨɗɨn̰ ga je kɔl gɨ da Jesu le na, yeyi hɨn̰: «Ungo gɨ na sɨma kɨbɨ dɔɔ gɨŋ a boy dɔɔ-ƴaa di da Kumu dɨŋ na, tumoy wolwa woy kol cayi.»

Kɔl-gɨ-Ɗari gɨ Lug wal 16:25

Abɨraham jɨga dɨbii cay nee ye hɨn̰: “Kuronɨ, hɨn a cay hɨnga ga ɗari ga ji ba way kɨɗɨn̰ ga ji ba somɨn̰-bɨra dan̰ cɨndɨn̰ ƴee le, ama Lajar na kɨɗɨn̰ ga ban naa baan̰ dan̰ tɨdi ƴee le, ban som na duroy gɨle-cɨn̰ dɨŋ. Ama haw kɛ na, ban som na duroy ɗarwa dɨŋ ɨni. Ama kon̰ ji ban na, ji gɨ sɔmɛ na duroy mɨrɨn̰tɨn̰i dɨŋ

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

2 Korɛ̰t 8:2

Hɨnga ga ni dɔsɛ-ɗugɔ ga toyge kan̰dɨge kan̰dɨge gɨwasɨ ka-aye kudurɔ. Ama gusɨge mooge tɔgɨ duroy hɨnga ga ni dɔsɛ-ɗugɔ ga nee le. Hɨnga wɔɔdɨge unɔ na unɔ yɔd ama kan leege wandɨ cɨla.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

1 Tesalonigɨ 1:6

Kɨŋ bɨle ka-aye-cay-tɨbayni bɨ, ka-aye-cay-tɨbay Ba-gulɔŋ bɨ. Kɨɗɨn̰ ga kalaŋ dosɨde ɗugoygɨŋ gɨɗaŋ kalɨn̰ ma, kɨŋ ƴom kɔl gɨ da Kumu gusɨgɨŋ dan̰ gusi-mɔwa di sayga gusi Turnɔ ɗe-kuduroy-bɛrɛ.

2 Tesalonigɨ 1:5

Hɨnga ga ni gɨle-cɨn̰ ga nee le nɔm, na hɨnga ga gɨl gɨ Kumu na boy kɔl naa dan̰ durɔ ɗɨngar. Kɨya hɨn̰ gɨ kɨŋ ba solɨn̰ cɨn̰-gɨle-cɨn̰ hɨn̰ wo̰ ɨni na, Kumu kɨya bɨlgɨŋ leen̰ kalaŋ ga ɓalge andaŋ a boy dɔɔ-ƴaa toy dɨŋ di kɨŋ ba way cɨn̰-gɨle-cɨn̰ kɔldɔ le.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.