Kɔl-gɨ-Ɗari gɨ Lug wal 6:19 - Gabri Maja

¹⁹ Dɨmdɨrdi kalaŋ le ongɨlge gusɨge age na ɨsɨbii kɨya gɨ tɔgɨ da Kumu andaŋ gusi poɗɨge nɔm.

Kɔl-gɨ-Ɗari gɨ Lug wal 6:19 ပူးပေါင်းရင်းမြစ်များ

Matɨyo 14:36

Kalaŋ oliige gɨ ban na ɗage ɗe age na ɨsɨbɨ kɨbɨ badɨge kayi ɗay. Kalaŋ nɔm ga ba ɨsɨbiige le poɗɨge.

Marg 3:10

Kɨya wa ban lee gɨ ka-hɔmɨn̰ɛ kondɨ poɗɨge, na toy di hɨn̰ wo̰ ma kalaŋ nɔm ga gusɨge leege usgoŋge jɨn̰ gusii kɨya ɨsɨbii.

Marg 5:30

Kɨɗɨn̰di ga nee gaŋ le bɨ Jesu sol kuyondi gɨ kɨway togii na duroŋ. Lee gɨ ban bɨle cɨndi a cay dɨmdɨrdi kalaŋ bɨ ɨngɨrge hɨn̰: «Na waŋ ba ɨsɨbe kɨbɨ badɨge kange ga?»

Marg 6:56

Kɨɗɨn̰ ga ani ani ga Jesu orɨn̰ nee, naa a cay gulɔŋn̰əŋ gaŋ naŋ le, naa a cay ƴaa-di-gumu dɨŋ naŋ le, naa a cay karɨn̰-gulɔŋ gaŋ kalɨn̰ ma, kalaŋ ɨrgan̰ge dan̰ ka-hɔmɨn̰ɛ a gɛgɛr gɨŋ bɨ, oliige gɨ ban na ɗage ɗe ɨsɨbɨge kɨbɨ badɨge kayi. Bɨ kalaŋ nɔm ga ba ɨsɨbiige le poɗɨge.

Marg 8:22

Kan bugoŋge a cay ƴaa-di-gumu di Bɛtsayda ɨni na, ɨrgan̰ge dan̰ ba-bɨbe gɨ pɨna wo̰ gusi Jesu bɨ, oliige gɨ ban na ɨsɨbii.

Kɔl-gɨ-Ɗari gɨ Lug wal 5:17

Wɔlɛ gɨ pɨna wo̰, gɨ Jesu ɨre gɨlɨn̰ kalaŋ kɔl gɨ ojɨ cay Kumu na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kalɨn̰ ma ɨrgage somge a kɨwayi kɨya jɔɔge kɔl kɨbi bɨ, kan saygage nɔm na jɨn̰ cay karɨn̰ ƴaan̰əŋ gaŋ pɨna pɨna boy cay gɨsəŋ ga Galile bɨ, dan̰ Jude bɨ, ga pɨna saygage na a Jerusalɛm bɨ. Dɔnɔ di da Ba-gulɔŋ Kumu baa dan̰ Jesu, lee gɨ ban poɗɨn̰ ka-hɔmɨn̰ɛ.

Kɔl-gɨ-Ɗari gɨ Lug wal 6:18

Kan ɨrgage na kɨya togɨyige bɨ, ɗe ban na poɗɨge bɨ. Kan ga turnɔ ga ɨsɨndəŋ gɨlge-cɨn̰ kalɨn̰ ma, turnɔ ga ɨsɨndəŋ le duroŋ gusɨge bɨ.

Gɨye-lɔɔ 19:12

Lee gɨ kalaŋ donge hɨnga ga ɨsɨbɨ Pol gusi hɨn̰ kɨbɨ badɨge ga ban handɨn̰ kɨjan̰e, wala badɨge ga ni gɨye, orɨn̰ge ɨsɨbɨn̰ge gusi kalaŋ ga gusɨge leege. Ɨni na, gusɨge gɨ leege le say ɗege bɨ, turnɔ ga ɨsɨndəŋ andaŋge gusɨge coŋ bɨ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.