Kɔl-gɨ-Ɗari gɨ Lug wal 5:30 - Gabri Maja

³⁰ Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis, ga duroy kan ga beege toyge pɨna, solge gɨ Jesu di dɔɔ dan̰ ka-hɔgɛ lambo bɨ, dan̰ kalaŋ ga ɗaŋ ga ka-lɔɔ ɨsɨna ga laage gasɨn̰-kɔl gɨ da Moyis naŋ bɨ. Kan yen̰ge ka-aye-cay-tɨbay Jesu yege hɨn̰: «Na kɨya wa ma magɨŋ dii bɨ sii bɨ, dan̰ ka-hɔgɛ lambo bɨ, dan̰ ka-lɔɔ ɨsɨna ga ɗaŋ bɨ ga?»

Kɔl-gɨ-Ɗari gɨ Lug wal 5:30 ပူးပေါင်းရင်းမြစ်များ

Matɨyo 5:46

Hɨn̰ gɨ kɨŋ na gey naa kalaŋ ga ka-geygɨŋge jaŋ ƴɔbɨ na, cay kobɨgɨŋ gɨ kɨŋ ba kɨya wɔɔ le na wa ga? Ka-hɔgɛ lambo ga ɨsɨndəŋ kalɨn̰ ma, geyge na kalaŋ ga geyge bɨ, naŋ ga?

Matɨyo 9:11

Kɨɗɨn̰ ga Parɨsɨn̰an̰əŋ solge hɨn̰ wo̰ na, ɨngɨrɨn̰ge ka-aye-cay-tɨbayi yen̰ge hɨn̰: «Kɛ na kɨya wa ma, Ba-gɨlgɨŋ hɨnga dii dɔɔ dan̰ ka-hɔgɛ lambo bɨ, ka-lɔɔ ɨsɨna le bɨ ga?»

Marg 2:16

Ka-gɨlɨn̰ kalaŋ gasɨn̰-kɔl ga na Parɨsɨn̰an̰əŋ, solge gɨ Jesu som dii dɔɔ dan̰ ka-lɔɔ ɨsɨna bɨ, ka-hɔgɛ lambo bɨ ɨni na, ɨngɨrɨn̰ge ka-aye-cay-tɨbayi yen̰ge hɨn̰: «Kɛ na kɨya wa ma ban dii dɔɔ dan̰ ka-hɔgɛ lambo bɨ, ka-lɔɔ ɨsɨna bɨ ga?»

Marg 7:3

Na cɨndi, kalaŋ ga ni Parɨsɨn̰a dan̰ Jubɨn̰əŋ nɔm le, dage dɔɔ dɨle pɨle kobɨge kuɗa naŋ. Kan leege na kɨya bogɨn̰ kɔl a cay hada ga da mon̰iige.

Marg 9:16

Ban ɨngɨrge yege hɨn̰: «Kɛ kɨŋ man̰ kɔl danage ojɨn̰ na cay wa ga?»

Kɔl-gɨ-Ɗari gɨ Lug wal 18:11

Parɨsɨn̰a le de say ɨre daa bɨ, ol Kumu dan̰ kuduroy ye hɨn̰: “Ay Kumu, ɨŋ hɨramɨn̰ kɨya gɨ ɨŋ wɨya hɨn̰ kalaŋ ga ɗaŋ wo̰ naŋ. Kan na ka-hase bɨ, ka-lɔɔ hɨnga ga ɨsɨnde bɨ, ka-yɔyɛ kandɨ ga da kamdɨge wala ban̰aŋ ga da kamdɨge bɨ. Wala hɨn̰ ba-hɔgɛ lambo gɨ ba kɛ le naŋ.

Kɔl-gɨ-Ɗari gɨ Lug wal 19:7

Kɨɗɨn̰ ga kalaŋ ba solge hɨn̰ wo̰ na, kan nɔm n̰amge kɔl yege hɨn̰: «Jə! Ungo le or bɨle na kɨrga gɨ da ba-lɔɔ ɨsɨna.»

Kɔl-gɨ-Ɗari gɨ Lug wal 5:17

Wɔlɛ gɨ pɨna wo̰, gɨ Jesu ɨre gɨlɨn̰ kalaŋ kɔl gɨ ojɨ cay Kumu na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kalɨn̰ ma ɨrgage somge a kɨwayi kɨya jɔɔge kɔl kɨbi bɨ, kan saygage nɔm na jɨn̰ cay karɨn̰ ƴaan̰əŋ gaŋ pɨna pɨna boy cay gɨsəŋ ga Galile bɨ, dan̰ Jude bɨ, ga pɨna saygage na a Jerusalɛm bɨ. Dɔnɔ di da Ba-gulɔŋ Kumu baa dan̰ Jesu, lee gɨ ban poɗɨn̰ ka-hɔmɨn̰ɛ.

Kɔl-gɨ-Ɗari gɨ Lug wal 5:21

Kalaŋ ga ka-gɨlɨn̰ kalaŋ gasɨn̰-kɔl nɔm gɨ da Moyis dan̰ Parɨsɨn̰an̰əŋ ɨrɨmge kuduroyge yege hɨn̰: «Gɨlmi le, lee gusi leen̰ na Kumu ga? Kɨya wa ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Kɔl-gɨ-Ɗari gɨ Lug wal 7:34

Ama kɨɗɨn̰ ga ɨŋ-bandi Kurɨn̰-ungo ɨŋ bugoŋ na, ɨŋ dii bɨ, ɨŋ sii bɨ, naa hɨn̰ wo̰ kalɨn̰ ma magɨŋ ye hɨn̰: “Sɨlagɨŋ! Ba dɔɔ dɔɔ bɨ, ba-sɔɔdɔ cɛrɛ kɔydin̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, dan̰ ka-lɔɔ ɨsɨna bɨ.”

Kɔl-gɨ-Ɗari gɨ Lug wal 7:39

Kɨɗɨn̰ ga Parɨsɨn̰a gɨ ba mɔlɛ Jesu sol hɨnga ga nee le na, ban ɨrɨm kuduroyi hɨn̰: «Hɨn̰ gɨ ungo gɨ nee le, naa ba-yɔɔ-kɔl-gɨ-Kumu-ba-yɔɔ leen̰ cɨndi na, ban ni kɨya sɔlɛ tama di ɗe əsɨbi le gɨye-lɔɔdo bɨ, ni kɨya sɔlɛ hɨn̰ gɨ naa tama di ɗe-lɔɔ ɨsɨna bɨ.»

Gɨye-lɔɔ 23:9

Kalaŋ dege sɨle jɨn̰ nee nee bɨ, ka-gɨlɨn̰ kalaŋ gasɨn̰-kɔl gɨ da Moyis ga pɨna duroy Parɨsɨn̰an̰əŋ, say jɨbgege sɛdɨ coŋ dan̰ togɨyge kɨya ƴon̰ cay Pol yen̰ge hɨn̰: «Ni waa hɨnga pɨna ga ɨsɨni ga ungo le lee naŋ. Gajanaŋ gɨ lɔɔ na turnɔ di pɨna wo̰ wala, na ba-ƴɔbɛ gɨ daa nii gɨ pɨna wo̰ ba are-kɔl danayi kalɨn̰ ma mani sɨla naŋ.»