Kɔl-gɨ-Ɗari gɨ Lug wal 5:25 - Gabri Maja

²⁵ Kɨɗɨn̰di ga nee gaŋ le bɨ, ba-mɨraye le gusi ɗey! Ban say daa tumoy kalaŋ nɔm bɨ, ay dan̰ kuyo koyi gɨ ban ba won̰ nee tumɔ le bɨ, jogɨn̰ tayi hɨramɨn̰ Kumu.

Kɔl-gɨ-Ɗari gɨ Lug wal 5:25 ပူးပေါင်းရင်းမြစ်များ

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Marg 2:12

Kɔl gɨ kɨbɨna kɛ bɨ, ban de say daa ay gasɨlaŋ-jala kay bɨ andɨn̰ doŋ cɨn̰ kalaŋ nɔm lee gɨ kan nɔm ga ba ɨrege nee le kɔl kayge yɔd bɨ, kardi nee na kan hɨramge Kumu yen̰ge hɨn̰: «Ni sɨla hɨnga ga hɨn̰ wo̰ cay pɨna naŋ ƴee.»

Kɔl-gɨ-Ɗari gɨ Lug wal 13:13

Jesu dɨbɨ kobi caa bɨ, kɔl gɨ kɨbɨna kɛ bɨ, hɨndi dor caa daa bɨ, ay te hɨrame Kumu.

Kɔl-gɨ-Ɗari gɨ Lug wal 18:43

Kɨɗɨn̰di ga nee gaŋ le bɨ, cɨn̰ ba-bɨbe le hangaŋ bɨ, ban kobɨ kardɨ Jesu hɨramɨn̰ Kumu. Dɨmdɨrdi kalaŋ nɔm kalɨn̰ ma, kɨɗɨn̰ ga solge hɨnga ga nee le, ayge te hɨrame Kumu bɨ.

Kɔl-gɨ-Ɗari gɨ Lug wal 5:13

Jesu ay kobi ɨsɨbɨn̰ ungo le bɨ, yeyi hɨn̰: «Ho’o, ɨŋ gey gɨ mada le duroŋ gusɨn̰ coŋ! Ɗe gusɨn̰ leen̰ mɨra.» Kɨɗɨn̰di ga nee gaŋ le bɨ, mada le duroŋ gusi ungo le coŋ.

Kɔl-gɨ-Ɗari gɨ Ja̰ wal 9:24

Parɨsɨn̰an̰əŋ teege ungo gɨ kan wooyge ba-bɨbe le gɨ ni cay sɔɔdi bɨ, yeyige hɨn̰: «Ya kɔl gɨ cɨndi tumoyi Kumu! Ni-gandi ni sol gɨ ungo gɨ nee le, na ba-lɔɔ ɨsɨna.»