Kɔl-gɨ-Ɗari gɨ Lug wal 5:17 - Gabri Maja

¹⁷ Wɔlɛ gɨ pɨna wo̰, gɨ Jesu ɨre gɨlɨn̰ kalaŋ kɔl gɨ ojɨ cay Kumu na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kalɨn̰ ma ɨrgage somge a kɨwayi kɨya jɔɔge kɔl kɨbi bɨ, kan saygage nɔm na jɨn̰ cay karɨn̰ ƴaan̰əŋ gaŋ pɨna pɨna boy cay gɨsəŋ ga Galile bɨ, dan̰ Jude bɨ, ga pɨna saygage na a Jerusalɛm bɨ. Dɔnɔ di da Ba-gulɔŋ Kumu baa dan̰ Jesu, lee gɨ ban poɗɨn̰ ka-hɔmɨn̰ɛ.

Kɔl-gɨ-Ɗari gɨ Lug wal 5:17 ပူးပေါင်းရင်းမြစ်များ

Matɨyo 11:5

Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada duroŋ gusɨge bɨ, kalaŋ ga sɨmayge ja kɔl naŋ kalɨn̰ ma, jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan teege bɛrnɛdi bɨn̰ge kan ga hɨnga wɔɔdɨge unɔ bɨ.

Matɨyo 15:1

A boy ɨlgedi gɨ nee le, kalaŋ ga ni Parɨsɨn̰a dan̰ ka-gɨlɨn̰ kalaŋ gasɨn̰-kɔl gɨ da Moyis, saygage Jerusalɛm ɨrgage gusi Jesu bɨ, ɨngɨriige hɨn̰:

Marg 1:45

Ama kɨɗɨn̰ ga ungo le andaŋ doŋ ɨni na, ban ay te tɔgɛ bɛrnɛ a cay hɨnga le pəŋ pəŋ daa bɨ, lee gɨ kalaŋ jege a kɨɗɨn̰ gaŋ nɔm bɨ lee gɨ Jesu ɓala gɨ ni andaŋ a cay ƴaa-di-gumu dɨŋ cɨn̰ kalaŋ naŋ. Ban som doŋ kɨɗɨn̰ ga kalaŋ unɔ nee gaŋ ama kalaŋ saygage a kɨɗɨn̰ gaŋ nɔm ɨrgage gusii.

Marg 16:18

Kɨɗɨn̰ ga kan na ƴɨma kumbulo dan̰ kobɨge bɨ, sage hɨnga ga kɨya dɨɗe kalaŋ bɨ kalɨn̰ ma, kɨya looge hɨnga pɨna naŋ. Kan kɨya dɨbege kobɨge cay ka-hɔmɨn̰ɛn̰əŋ bɨ, kan kɨya pɔɗɛge bɨ.”»

Marg 3:22

Ɨni na, ka-gɨlɨn̰ kalaŋ gasɨn̰-kɔl gɨ da Moyis ga saygage a cay ƴaa-di-gumu di Jerusalɛm le yege hɨn̰: «Na cɨndi, Bɛljebul gɨ na kɨlma gɨ da turnɔn̰əŋ ga ɨsɨndəŋ woy gusii bɨ, na dan̰ gɨyəŋ koyi ma ban tan̰ turnɔn̰əŋ ga ɨsɨndəŋ bɨ.»

Marg 5:30

Kɨɗɨn̰di ga nee gaŋ le bɨ Jesu sol kuyondi gɨ kɨway togii na duroŋ. Lee gɨ ban bɨle cɨndi a cay dɨmdɨrdi kalaŋ bɨ ɨngɨrge hɨn̰: «Na waŋ ba ɨsɨbe kɨbɨ badɨge kange ga?»

Marg 7:1

Kalaŋ ga ni Parɨsɨn̰a dan̰ ka-gɨlɨn̰ kalaŋ gasɨn̰-kɔl gɨ da Moyis ga pɨna wo̰ saygage cay ƴaa-di-gumu di Jerusalɛm ɨrgage dayaŋge gusi Jesu.

Kɔl-gɨ-Ɗari gɨ Lug wal 15:2

Ɨni na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis yɨliige yege hɨn̰: «Sɨlagɨŋ gɨlmi gɨ kɛ le ƴom ka-lɔɔ ɨsɨna gusi bɨ, di dɔɔ danage bɨ.»

Kɔl-gɨ-Ɗari gɨ Lug wal 2:46

Wɔlɛ sɨbɨdi gɨŋ na, kan wayige na a duroy gulɔŋ ƴaa-di-da-Kumu dɨŋ, Jesu som a duroy ka-gɨlɨn̰ kalaŋ gasɨn̰-kɔl gɨ da Moyis, je kɔl koge bɨ, ɨngɨrge kɔl cay nee bɨ.

Kɔl-gɨ-Ɗari gɨ Lug wal 5:21

Kalaŋ ga ka-gɨlɨn̰ kalaŋ gasɨn̰-kɔl nɔm gɨ da Moyis dan̰ Parɨsɨn̰an̰əŋ ɨrɨmge kuduroyge yege hɨn̰: «Gɨlmi le, lee gusi leen̰ na Kumu ga? Kɨya wa ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Kɔl-gɨ-Ɗari gɨ Lug wal 5:30

Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis, ga duroy kan ga beege toyge pɨna, solge gɨ Jesu di dɔɔ dan̰ ka-hɔgɛ lambo bɨ, dan̰ kalaŋ ga ɗaŋ ga ka-lɔɔ ɨsɨna ga laage gasɨn̰-kɔl gɨ da Moyis naŋ bɨ. Kan yen̰ge ka-aye-cay-tɨbay Jesu yege hɨn̰: «Na kɨya wa ma magɨŋ dii bɨ sii bɨ, dan̰ ka-hɔgɛ lambo bɨ, dan̰ ka-lɔɔ ɨsɨna ga ɗaŋ bɨ ga?»

Kɔl-gɨ-Ɗari gɨ Lug wal 6:19

Dɨmdɨrdi kalaŋ le ongɨlge gusɨge age na ɨsɨbii kɨya gɨ tɔgɨ da Kumu andaŋ gusi poɗɨge nɔm.

Kɔl-gɨ-Ɗari gɨ Lug wal 7:30

Ama Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kan̰ge gɨ Ja̰ na laage batɛm, kan̰in̰ge hɨnga ga Kumu ojɨ kol cayge.

Kɔl-gɨ-Ɗari gɨ Lug wal 8:46

Ama Jesu dɨbɨge cay nee yege hɨn̰: «Ɨŋ sol gɨ ungo pɨna ɨsɨbəŋ, kɨya wa ɨŋ sol gɨ tɔgɨ andaŋ gusɨnɨ coŋ.»

Kɔl-gɨ-Ɗari gɨ Ja̰ wal 3:10

Ɨni na, Jesu dɨbii cay nee yeyi hɨn̰: «Ji gɨ ba-gɨlɨn̰ te wɨn̰je gɨ da Ɨsɨrayɛl hɨnga le ma, mɨn̰ sɨla hɨnga ga nee le naŋ ga?»

Kɔl-gɨ-Ɗari gɨ Ja̰ wal 3:21

Ama ungo gɨ gɨye-lɔɔdi or pɨna dan̰ kɔl gɨ cɨndi le, kɨya ɔrɛ na cɨn̰-kɨɗɨn̰ ga asɨn̰ gaŋ, ɗe gɨ gɨye-lɔɔdi na wɨya doŋ waŋ, kɨya wa hɨnga ga ban lee le na dan̰ gɨyəŋ gɨ da Kumu.

Gɨye-lɔɔ 19:11

Kumu lee hɨnga ga ni belin̰əŋ ga ɗɨn̰ cɨn̰-kɨɗɨn̰ dan̰ gɨyəŋ gɨ da Pol.

Gɨye-lɔɔ 4:30

Gɨl dɔnɔ ton̰ bɨ, pɨɗa ka-hɔmɨn̰ɛ bɨ, laa beli bɨ, laa hɨnga ga ɗɨn̰ cɨn̰-kɨɗɨn̰ ga toyge kan̰dɨge kan̰dɨge dan̰ guson̰ marɨna ba-gɨye kon̰ gɨ woy dan̰ cɨndi, Jesu.»

Gɨye-lɔɔ 5:34

Ama ungo gɨ pɨna wo̰ say daa duroy ka-bɔyɛ kɔl cay Jubɨn̰əŋ. Ungo gɨ nee le na Parɨsɨn̰a, gusondi na Gamalɨyɛl. Ban na ba-gɨlɨn̰ kalaŋ gasɨn̰-kɔl gɨ karɨn̰ Ɨsɨrayɛl nɔm yege koldi kuɗa. Ban say daa ɨngɨr gɨ kan na andan̰ dan̰ ka-gɨre-gɨye doŋ dḛ dɨm.