Kɔl-gɨ-Ɗari gɨ Lug wal 4:43 - Gabri Maja

⁴³ Ama Jesu dɨbɨge cay nee yege hɨn̰: «Naa wa wa kalɨn̰ ma, ɨŋ kɨya ɔrɛ tɔgɛ bɛrnɛdi Kɔl-gɨ-Ɗari le, bɨn̰ kalaŋ ga ɗaŋ bɨ. Kɨya wa, Kɔl-gɨ-Ɗari gɨ ni pɔɗɛ gɨ ojɨ cay dɔɔ-ƴaa di da Kumu le, ojɨ na cay kalaŋ nɔm. Kɨya wa na kol tɔgɛ bɛrnɛ le ma Kumu gɨygəŋ.»

Kɔl-gɨ-Ɗari gɨ Lug wal 4:43 ပူးပေါင်းရင်းမြစ်များ

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Marg 1:35

Dan̰ te kɨɗɨn̰, kɨɗɨn̰ ga kɨɗɨn̰ baa ɨndi pɨrɨm pɨrɨm ƴee na, Jesu lɨbɨ bɨ, andaŋ or a duroy dal dɨŋ, olɨn̰ Kumu nee.

Kɔl-gɨ-Ɗari gɨ Ja̰ wal 20:21

Ɨni na, ban yege ɗaŋ coŋ hɨn̰: «Gusi-dɔbɛ baa danagɨŋ. Ɨŋ-bandi ɨŋ kɨya gɨyigɨŋ cay gɨsəŋ gaŋ, hɨn̰ gɨ Banɨ ba gɨyigəŋ a cay gɨsəŋ gaŋ bɨ.»

Kɔl-gɨ-Ɗari gɨ Ja̰ wal 9:4

Naa wa wa kalɨn̰ ma laanagɨŋ gɨye gɨ da ban gɨ ba gɨyigəŋ le dan̰ te tɨwa. Kɨya wa kɨɗɨn̰ ga ɨndi tɨlga nee gɨ ungo pɨna wo̰ kɨya ɓale sɔlɛ kɨɗɨn̰ ga ni leen̰ gɨye naŋ ɨni.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.