Kɔl-gɨ-Ɗari gɨ Lug wal 4:23 - Gabri Maja

²³ Jesu dɨbɨge cay nee yege hɨn̰: «Hɨnde, kɨŋ kɨya yɔŋ kɨradi-kɔl gɨ ye hɨn̰: “Ba-gasɨɗe” pɨɗa gusɨn̰ pa dɨm, kɨŋ kɨya yɔɔ kɔl canɨ hɨn̰: “Ni je Kol hɨnga ga ji ba lee a Kapɛrnɔm le, laa hɨnga ga nee le, a cay ƴaadɨn̰ dɨŋ bɨ.”»

Kɔl-gɨ-Ɗari gɨ Lug wal 4:23 ပူးပေါင်းရင်းမြစ်များ

Matɨyo 13:54

Ban bugoŋ a cay ƴaadi dɨŋ ɨni na, ban gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ. Ban gɨlge hɨnga ga dor turnoyge, lee gɨ kan yege hɨn̰: «Kɛ cɨn̰-muɗɔlɛ gɨ kɛ le, ban saygan̰ na a ani ga? Kɛ ban lee belin̰əŋ ga kɛ le, na mɨna ga?

Matɨyo 4:13

Ban ɗodɨ Najarɛt or sɔmɛ Kapɛrnɔm, cay ƴaa-di-gumu di woy bongi kuray gɨ gumu taa taa gɨ Galile a cay gɨsəŋ ga da te wɔɔ gɨ da Jabulo̰ bɨ, te wɔɔ gɨ da Nɛptali bɨ.

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Marg 6:1

Jesu say a kɨɗɨn̰ ga nee gaŋ le, jogɨn̰ a cay gɨsəŋ ga ban malgɨn̰ nee gaŋ. Ka-aye-cay-tɨbayi kobɨge kardi.

Kɔl-gɨ-Ɗari gɨ Lug wal 2:39

Kɨɗɨn̰ ga Jɨsɛb dan̰ Mari dɨɗɨge kɨbɨ gasɨn̰-kɔl gɨ da Ba-gulondɨge gɨ ay bɨge le, kan jogɨn̰ge dan̰ Jesu a cay gulɔŋ koge gɨ Najarɛt a cay gɨsəŋ ga Galile.

Kɔl-gɨ-Ɗari gɨ Lug wal 2:51

Ban been̰ kandi ga ka-woyi le kɔl nee cɔb cɔb, hɨn̰ gɨ ban ba leede tumɔ le. Bɨ ban jogɨ danage ɨndi toge di Najarɛt. Ƴoyi di ni Mari le, ɨrɨm cay kɔl gɨ cay wase bɨ, cay kɔl gɨ karu bɨ, cay hɨnga nɔm ga ba lee gusɨge bɨ, ɗa kudurɔ hala gɨybəŋ cay nee naŋ.

Kɔl-gɨ-Ɗari gɨ Lug wal 4:16

Wɔlɛ gɨ pɨna wo̰, Jesu or a Najarɛt a cay gulɔŋ gɨ ban malgɨn̰ nee. Kɨɗɨn̰ ga wɔlɛ gɨ da dɔrɛ gɨlale gɨ da Jubɨ ɓal ɨni na, ban say or duroy ƴaa-daye-di-da-Jubɨn̰əŋ gɨŋ hɨn̰ gɨ ban ba leede daa daa bɨ, ban say kɨya ɗɔngɨsɛ magtubu gasɨn̰-kɔl gɨ da Kumu.

Kɔl-gɨ-Ɗari gɨ Lug wal 4:31

Jesu or a Kapɛrnɔm cay gɨsəŋ ga Galile. Bɨ gɨlɨn̰ kalaŋ kɔl dan̰ wɔlɛ dɔrɛ gɨlale gɨ da Jubɨn̰əŋ.

Kɔl-gɨ-Ɗari gɨ Lug wal 4:35

Jesu al toyi a cay turnɔ di ɨsɨni le dan̰ togi, ayɨn̰ noy boo ye hɨn̰: «Lɨgɨ kɨbe bɨ, andaŋ kuduroy ungo le coŋ!» Turnɔ di ɨsɨni le, dorii nayi tumoyi kalaŋ nɔm bɨ, de andaŋ dɨle looyi hɨnga ga ɨsɨni.

Kɔl-gɨ-Ɗari gɨ Lug wal 6:42

Kɛ na mɨna ma mɨn̰ gɨ yon̰ kurɨndɨn̰ yɔ hɨn̰: “Kurnɨ, ɗaŋ aŋ dor bugɗi hɛɗɨmɛ ga woy a tɨdɨn̰” ama ji-bandi kalɨn̰ ma ji sɨla te tabi di gumu di woy a tɨdɨn̰ naŋ ga? Ji gɨ ba-yɔɔ-kɔl-kɨbɨn̰-sɔɔ-sɔɔ le, kuɗa gɨ ji dɨra sɨya gɨ gumu gɨ woy a tɨdɨn̰ an̰ solɨn̰ kɨɗɨn̰ kuɗa pa dɨm ma mɨn̰ da sɔlɛ kɨɗɨn̰ kuɗa gɨ ni dorɨn̰ bugɗi hɛɗɨmɛ ga a tii kurɨndɨn̰ ƴee.

Kɔl-gɨ-Ɗari gɨ Ja̰ wal 4:28

Ɨni na, tama le ɗe ɓɨri kɔɔ kɨbɨ kɨlɨma gɨŋ bɨ, jogɨ boy cay ƴaa-di-gumu dɨŋ bɨ, yeŋ kalaŋ hɨn̰:

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.