Kɔl-gɨ-Ɗari gɨ Lug wal 4:16 - Gabri Maja

¹⁶ Wɔlɛ gɨ pɨna wo̰, Jesu or a Najarɛt a cay gulɔŋ gɨ ban malgɨn̰ nee. Kɨɗɨn̰ ga wɔlɛ gɨ da dɔrɛ gɨlale gɨ da Jubɨ ɓal ɨni na, ban say or duroy ƴaa-daye-di-da-Jubɨn̰əŋ gɨŋ hɨn̰ gɨ ban ba leede daa daa bɨ, ban say kɨya ɗɔngɨsɛ magtubu gasɨn̰-kɔl gɨ da Kumu.

Kɔl-gɨ-Ɗari gɨ Lug wal 4:16 ပူးပေါင်းရင်းမြစ်များ

Matɨyo 2:23

Ban or sɔmɛ a cay ƴaa-di-gumu di pɨna wo̰ di toge na Najarɛt, lee gɨ kɔl gɨ ka-yɔɔ-kɔl-gɨ-Kumu-ba-yɔɔ ba yege le or kɨɗɨn̰di gaŋ. Kan yege hɨn̰: «Kan kɨya togii na ungo gɨ Najarɛt.»

Kɔl-gɨ-Ɗari gɨ Lug wal 2:39

Kɨɗɨn̰ ga Jɨsɛb dan̰ Mari dɨɗɨge kɨbɨ gasɨn̰-kɔl gɨ da Ba-gulondɨge gɨ ay bɨge le, kan jogɨn̰ge dan̰ Jesu a cay gulɔŋ koge gɨ Najarɛt a cay gɨsəŋ ga Galile.

Kɔl-gɨ-Ɗari gɨ Lug wal 2:42

Kɨɗɨn̰ ga Jesu ɨlgedi ɓal mɔjɨ-cay-sɔɔ ɨni na, Ban or dan̰ kandi hɨn̰ gɨ kan ba leedege ɨlge dan̰ ɨlge le.

Kɔl-gɨ-Ɗari gɨ Lug wal 2:51

Ban been̰ kandi ga ka-woyi le kɔl nee cɔb cɔb, hɨn̰ gɨ ban ba leede tumɔ le. Bɨ ban jogɨ danage ɨndi toge di Najarɛt. Ƴoyi di ni Mari le, ɨrɨm cay kɔl gɨ cay wase bɨ, cay kɔl gɨ karu bɨ, cay hɨnga nɔm ga ba lee gusɨge bɨ, ɗa kudurɔ hala gɨybəŋ cay nee naŋ.

Kɔl-gɨ-Ɗari gɨ Lug wal 4:15

Ban gɨlɨn̰ kalaŋ hɨnga ga da Kumu a duroy ƴaa-daye-di-da-Jubɨn̰əŋ dɨŋ bɨ, kan nɔm hɨramiige bɨ.

Kɔl-gɨ-Ɗari gɨ Lug wal 4:17

Bɨ kan biige na magtubu di nɔngɨri di Ijay ba-yɔɔ-kɔl-gɨ-Kumu-ba-yɔɔ ba wal le. Ban pɨndɨroo dugo bɨ, wayi kɨɗɨn̰ ga kan ba walge kɔl nee yege hɨn̰:

Kɔl-gɨ-Ɗari gɨ Lug wal 4:21

Ɨni na, Jesu yege hɨn̰: «Kɨŋ ga ba je kɔl gɨ ɨŋ ba ɗongɨsi duroy Magtubu di da Kumu dɨŋ di kɛ le, labɨde wɔlɛdi ɓal kɨrbɨ caygɨŋ.»

Kɔl-gɨ-Ɗari gɨ Lug wal 4:23

Jesu dɨbɨge cay nee yege hɨn̰: «Hɨnde, kɨŋ kɨya yɔŋ kɨradi-kɔl gɨ ye hɨn̰: “Ba-gasɨɗe” pɨɗa gusɨn̰ pa dɨm, kɨŋ kɨya yɔɔ kɔl canɨ hɨn̰: “Ni je Kol hɨnga ga ji ba lee a Kapɛrnɔm le, laa hɨnga ga nee le, a cay ƴaadɨn̰ dɨŋ bɨ.”»

Kɔl-gɨ-Ɗari gɨ Ja̰ wal 18:20

Jesu dɨbi cay nee yeyi hɨn̰: «Ɨŋ ye kɔl hɨnge na cɨn̰ kalaŋ nɔm. Tumɔ, ɨŋ gɨlɨn̰ kalaŋ hɨnga daa daa na a duroy ƴaa-daye-di-da-Jubɨn̰əŋ nɔm bɨ, duroy gulɔŋ ƴaa-di-da-Kumu, di Jubɨn̰əŋ nɔm dayaŋge nee bɨ. Ɨŋ ya kɔl pɨna kɨɗɨn̰ wɔsɛ gaŋ naŋ.

Gɨye-lɔɔ 17:2

Duroy dɨmasɨ sɨbɨ, Pol som duroy ƴaa gɨ ni daye gɨŋ dan̰ wɔlɛ dɔrɛ gɨlale gɨ da Jubɨ nɔm, hɨn̰ gɨ ban ba leede daa daa bɨ, arɨn̰ kɔl danage ojɨn̰ cay kɔl gɨ kan walge duroy Magtubu di da Kumu dɨŋ di woy dan̰ cɨndo le.