Kɔl-gɨ-Ɗari gɨ Lug wal 3:8 - Gabri Maja

⁸ Laagɨŋ gɨye gɨ gɨl gɨ kɨŋ na bɨle gɨye-lɔɔdɨgɨŋ leen̰ cɨndi. Bɨ kɨŋ ɗɔɔ ba sɔmɛ gɨ ni yɔ hɨn̰: “Abɨraham na mon̰dɨni” ƴɔbɨ naŋ. Ɗe aŋ yəgɨŋ daa waŋ, Kumu na gey naga na, ban kɨya ɓale bɨle orun̰əŋ ga kɛ le, loon̰ karɨn̰aŋ bɨn̰ Abɨraham!

Kɔl-gɨ-Ɗari gɨ Lug wal 3:8 ပူးပေါင်းရင်းမြစ်များ

Matɨyo 21:43

Na toy di hɨn̰ wo̰ ma aŋ yəgɨŋ, kan kɨya ƴɔɔ dɔɔ-ƴaa di da Kumu kobɨgɨŋ kɨya bɨn̰ te wɔɔ gɨ da kalaŋ ga kɨya ɨrgan̰ge dan̰ kaŋdo.

Matɨyo 3:8

Laagɨŋ gɨye gɨ gɨl gɨ kɨŋ na bɨle gɨye-lɔɔdɨgɨŋ leen̰ cɨndi.

Matɨyo 3:9

Bɨ kɨŋ ɗɔɔ ba sɔmɛ gɨ ni ɨrɨme kuduroygɨŋ yɔ hɨn̰: “Abɨraham na mon̰ini” ƴɔbɨ naŋ. Ɗe aŋ yəgɨŋ daa waŋ, hɨn̰ gɨ Kumu na gey naga na, ban kɨya ɓale bɨle orun̰əŋ ga kɛ le, leen̰ karɨn̰aŋ bɨn̰ Abɨraham.

Kɔl-gɨ-Ɗari gɨ Lug wal 13:25

«Kɨɗɨn̰ ga ba-gulondi ƴaa kɨya sɔ daa bɨ, kɨya lɨge kɨbɨ-ƴaa na, kɨŋ ga kɨŋ baa doŋ le, kɨŋ kɨya aye te tɔgɛ kɨbɨ-ƴaa bɨ; yɔɔ hɨn̰: “Ba-gulɔŋ, Ba-gulɔŋ, hanga kɨbɨ-ƴaa bɨni!” Ama ban kɨya dɨbɨgɨŋ cay nee yɔɔ hɨn̰: “Ɨŋ sɨla kɨɗɨn̰ ga kɨŋ saygan̰ nee naŋ!”

Kɔl-gɨ-Ɗari gɨ Lug wal 13:26

Ɨni na, kɨŋ kɨya aye te yɔɔ hɨn̰: “Ni na ka-dɔɔ danan̰ bɨ, ka-sɔɔ danan̰ bɨ, ji gɨlɨn̰ kalaŋ kɔl a kɨɗɨn̰ kani ga woli gaŋ bɨ.”

Kɔl-gɨ-Ɗari gɨ Lug wal 14:9

bɨ ban gɨ ba molgagɨŋ sɔɗɨmɔŋ le, kɨya ɨrga yon̰ hɨn̰: “Ɗa kɨɗɨn̰ ga kɛ le bɨn̰ ungo gɨ ba kɛ.” Bɨ ɨni na, ji kɨya sɔ dan̰ dasi ɔrɛ sɔmɛ karu.

Kɔl-gɨ-Ɗari gɨ Lug wal 19:40

Jesu jɨga dɨbɨge cay nee yege hɨn̰: «Aŋ yəgɨŋ, hɨn̰ gɨ kan na sɨma munduŋ kalɨn̰ ma, orun̰əŋ kɨya dɔgɛge sɨle.»

Kɔl-gɨ-Ɗari gɨ Lug wal 19:9

Jesu jɨga dɨbii cay nee yeyi hɨn̰: «Labɨde pɔɗɛ andaŋ a duroy ƴaa gɨ kɛ le, kɨya wa ji kalɨn̰ ma ji na kungay Abɨraham bɨ.

Kɔl-gɨ-Ɗari gɨ Lug wal 5:21

Kalaŋ ga ka-gɨlɨn̰ kalaŋ gasɨn̰-kɔl nɔm gɨ da Moyis dan̰ Parɨsɨn̰an̰əŋ ɨrɨmge kuduroyge yege hɨn̰: «Gɨlmi le, lee gusi leen̰ na Kumu ga? Kɨya wa ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Kɔl-gɨ-Ɗari gɨ Ja̰ wal 8:33

Kan jɨga dɨbige cay nee yeyige hɨn̰: «Hay! Ni na kongɨn̰i Abɨraham, ni laa guyɔŋdu da ungo cay pɨna naŋ bɨrɨŋ. Na mɨna ma, mɨn̰ ye gɨ ni na kɨya bɨle ka-sɔmɛ cayni kalɨn̰ ga?»

Kɔl-gɨ-Ɗari gɨ Ja̰ wal 8:39

Kan dege kɔl kɨbi coŋ yeyige hɨn̰: «Bayni na mon̰dɨni gɨ jɨne Abɨraham!» Jesu yege hɨn̰: «Hɨn̰ gɨ kɨŋ naa karɨn̰ Abɨraham na, laagɨŋ gɨye-lɔɔ gɨ da Abɨraham.

Gɨye-lɔɔ 26:20

Ama cay wase na, ɨŋ say tee bɛrnɛ bɨn̰ na kalaŋ ga a cay ƴaa-di-gumu di Damas bɨ, kardi nee bɨn̰ kalaŋ ga a cay ƴaa-di-gumu di Jerusalɛm bɨ, a cay gɨsəŋ ga Jude gaŋ nɔm bɨ. Kardi nee ɨŋ say tee bɛrnɛ bɨn̰ te kalaŋ ga toyge na Jubɨ naŋ. Ɨŋ yege gɨ ojɨ gɨ kan na bɨl gɨye-lɔɔdɨge bɨ, bɨl gusɨge gusi Kumu bɨ, laan̰ gɨye gɨ ojɨ cay kalaŋ ga bɨle gɨye-lɔɔdɨge leen̰ cɨndi bɨ.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 9:7

Na kan ga andaŋge a te mon̰ina Abɨraham nɔm ma na kongɨn̰ii ga leen̰ cɨndi naŋ, kɨya wa tumɔ Kumu ye hɨn̰: «Na dan̰ gɨyəŋ gɨ da Isag ƴɔbɨ ma man̰ kɨya wɔɔ kongɨn̰ɨn̰ ga kan kɨya togɨge dan̰ gusondɨn̰.»

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.