Kɔl-gɨ-Ɗari gɨ Lug wal 3:14 - Gabri Maja

¹⁴ Asɨgarn̰əŋ kalɨn̰ ma, ɨrgage ɨngɨrige yege hɨn̰: «Kɛ, ni gɨ lɔɔ koni na mɨna bɨ ga?» Ja̰ jɨga dɨbɨge cay nee yege hɨn̰: «Ɔsɨmɛgɨŋ ungo ƴon̰ nare koyi kalɨn̰ wo̰ naŋ. Ɗagɨŋ cɨndɨgɨŋ na cay hɨnga ga ni cay kobɨgɨŋ kagɨŋ gaŋ ɗɔ ƴɔbɨ.»

Kɔl-gɨ-Ɗari gɨ Lug wal 3:14 ပူးပေါင်းရင်းမြစ်များ

Matɨyo 8:5

Jesu bugoŋ a cay ƴaa di Kapɛrnɔm ɨni na, gumu gɨ da asɨgarn̰əŋ gɨ pɨna wo̰, gɨ na ungo gɨ Rɔm ɨrga gusi lee n̰age gusii,

Kɔl-gɨ-Ɗari gɨ Lug wal 19:8

Ama Jase say da tumoy Ba-gulɔŋ yeyi hɨn̰: «Ba-gulɔŋ, haw kɛ na hɨnga wɔɔnɨ nɔm le, ɨŋ kɨya gɔsɨnɛ dugo kɨɗɨn̰ sɔɔ bɨ, aye kɨɗɨn̰ pɨna gɔsɨnin̰ ka-n̰age bɨ, ma hɨn̰ gɨ ɨŋ na usɨma ungo ƴan̰ hɔgɛ koyi na, ɨŋ kɨya bɔgɛ kamdɨge cay nee cay poɗɨn̰ jogɨn̰ bii daa bɨ.»

Kɔl-gɨ-Ɗari gɨ Lug wal 3:10

Kalaŋ dɨmdɨrdɨge le ɨngɨrge Ja̰ yeyge hɨn̰: «Na wa ma Kumu gey gɨ nina laa ga?»

Kɔl-gɨ-Ɗari gɨ Lug wal 3:13

Ja̰ dɨbɨge nee yege hɨn̰: «Hɨnga ga ka-caygɨŋ ojɨ gɨ kɨŋ na ƴa le, bɔgɛgɨŋ kaŋdɨge cay nee naŋ.»

Gɨye-lɔɔ 10:7

«Kɨɗɨn̰ ga ba-ƴɔbɛ gɨ daa nii gɨ ba ar kɔl danayi le say jogɨ ɨni na, Kɔrney te ka-gɨye kay won̰ge sɔɔ bɨ, te asɨgar pɨna duroy asɨgarn̰əŋ ga ka-ɨre mɨnde gusii ga hɨndarge Kumu le bɨ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

Pilib 4:11

Ɨŋ ye kɔl hɨn̰ wo̰ na kɨya cay hɨnga ga wɨyəŋ naŋ. Kɨya wa a duroy hɨnga nɔm le, ɨŋ tɨrabɨ sɔmɛ dan̰ gusi-mɔwa dan̰ hɨnga ga woy a kɔbɔŋ.

Titɨ 2:3

Yan̰ kandɨ ga esɨdəŋ kalɨn̰ ma, kuɗa gɨ gɨye-lɔɔdɨge na bugoŋ pɨna dan̰ gɨye-lɔɔ gɨ da kandɨ ga woyge dan̰ cɨndɨge bɨ. Kuɗa gɨ kan yɨle kɨɗɨn̰ naŋ bɨ, bɨləŋ gɔyɔŋ ga da cɛrɛ di suru naŋ bɨ. Ama ɗe gɨ kan gɨlɨn̰ kalaŋ hɨnga ga ɗari.

Wasɨn̰a 12:10

Kardi nee na, ɨŋ je noy ungo ye dan̰ togii a gɨɗɨgɨ-Kumu gɨŋ hɨn̰: «Tɨwa di ni pɔɗɛ bugoŋ ɨni bɨ, Tɨwa di Kumu kɨya gɨlɨn̰ dɔnɔ bugoŋ ɨni bɨ, Tɨwa da dɔɔ-ƴaa toyi bugoŋ ɨni bɨ. Na tɨwa di dɔnɔ woy na kobɨ Kɨris. Na hɨn̰ wo̰ ma, ungo gɨ ba dɨbe kɔl A cay karmiinagɨŋ, Ga ban̰aŋ dan̰ ga kandɨ le Nongɨliige a gɨɗɨgɨ-Kumu gɨŋ, Dɨbiige dugo coŋ. Ban gɨ ba dɨbe kɔl a cayge, Duroy son̰do dan̰ tɨwa di ɨni, Tumoy Kumu konagɨŋ le.