Kɔl-gɨ-Ɗari gɨ Lug wal 24:41 - Gabri Maja

⁴¹ Gusɨge mooge tɔgɨ bɨ, kɔl kayge yɔd nee bɨ, bɨrɨŋ gɨ kan waage cay tɨbayge di ni bɔgɛ kuduroyge cayi naŋ. Na toy di hɨn̰ wo̰ ma Jesu ɨngɨrge ye hɨn̰: «Kɛ kɨŋ orɨn̰ dan̰ hɨnga ga ni dɔɔ kɛ ga?»

Kɔl-gɨ-Ɗari gɨ Lug wal 24:41 ပူးပေါင်းရင်းမြစ်များ

Marg 16:11

Hɨndi yege hɨn̰: «Jesu som-bɨra bɨ, ɨŋ solii dan̰ cɨnɨ bɨ.» Ama kɨɗɨn̰ ga kan ba jege kɔl gɨ hɨndi ba yege le ɨni na, kan bɨgage kuduroyge cay nee naŋ.

Marg 16:13

Kan jogɨge a cay tɨbayige dɨŋ a cay ƴaa-di-gumu di Jerusalɛm dɨŋ yen̰ge te kan ga baa ama kan bɨgage kuduroyge cay nee naŋ.

Marg 16:14

Kardi nee ɨni na, ban andaŋ dus a cay kan ga mɔjɨ-cayge-pɨna, kɨɗɨn̰ ga somge kɨbɨ hɨnga ga ni dɔɔ gaŋ. Ban san̰ danage kɨya cay bɔgɛ kudurɔ koge cay kɔl gɨŋ naŋ bɨ, kɨya cay kuduroy-dɨmbɨrwa koge bɨ. Kɨya wa kan kan̰ bɔgɛ kuduroyge a cay kɔl gɨ da kalaŋ ga soliige kɨɗɨn̰ ga ban boy lɨbɨ.

Marg 8:7

Karɨn̰ gusa ga pɨna dḛ wo̰ woy kobɨge nee bɨ. Ban tor-kɨbi cay nee bɨ, yege gɨ kan na gusɨnan̰ge dɨmdɨrdi kalaŋ le bɨ.

Kɔl-gɨ-Ɗari gɨ Lug wal 24:11

Ama ka-gɨre-gɨye ga da Jesu jege kɔl gɨ kan ba dorge le, hɨn̰ kɔl gɨ ni sɔndɛ wo̰. Kan bɨgage kuduroyge cay nee naŋ.

Kɔl-gɨ-Ɗari gɨ Lug wal 24:40

Ban ye kɔl gɨ nee le bɨ, gɨlge kobi dan̰ tɨbayi.

Kɔl-gɨ-Ɗari gɨ Lug wal 24:42

Kan ay kɨway gusa gɨ payi pɨna bii.

Kɔl-gɨ-Ɗari gɨ Ja̰ wal 16:22

Na hɨnga ga nee le ba ləgɨŋ haw kɛ. Ama ɨŋ kɨya jɔgɛ sɔlɛ cɨndɨgɨŋ coŋ, kɨɗɨn̰ ga nee le kɨŋ kɨya lɔɔ gusi-mɔwa bɨ, gusi-mɔwa di nee le ungo kɨya ɓale dɔrɛ naŋ.

Kɔl-gɨ-Ɗari gɨ Ja̰ wal 21:5

Jesu yege hɨn̰: «Karɨnɨ, kɛ kɨŋ ɨran̰ dan̰ gusa dḛ naŋ ga?» Kan dɨbiige cay nee yeyige hɨn̰: «Ni ƴɨma gusa pɨna naŋ.»

Gɨye-lɔɔ 12:14

Bɨ kɨɗɨn̰ ga hɨndi sol gɨ naa Pɨyɛr tumoyi na ba yɔɔ ɨni na, hɨndi lee gusi-mɔwa tɔgɨ bɨrɨŋ gɨ halɨn̰ gɨybəŋ dɨle hangɨn̰ kɨbɨ-ƴaa bɨlɨn̰ caa jogɨn̰. Ama hɨndi gɨre dan̰ gusi-mɔwa jogɨ ƴen̰, kɨya yon̰ kalaŋ ga dayaŋge le, gɨ Pɨyɛr na ɨre kɨbɨ ƴaa gɨŋ doŋ nee.