Kɔl-gɨ-Ɗari gɨ Lug wal 24:30 - Gabri Maja

³⁰ Kɨɗɨn̰ ga ban som dugo danage kɨbɨ dɔɔ gɨŋ na, ban ay dan̰ mapa tor-kɨbi cay nee pa dɨm ma, ƴom boy duroy nee bɨge ƴee.

Kɔl-gɨ-Ɗari gɨ Lug wal 24:30 ပူးပေါင်းရင်းမြစ်များ

Matɨyo 14:19

Ɨni na, ban yen̰ dɨmdɨrdi kalaŋ le yege hɨn̰: «Sɨmagɨŋ dugo a cay hɛɗɨmɛ gaŋ.» Ban lobɨ mapa ga bay dan̰ gusa ga sɔɔ le, ayɨn̰ cɨndi daa torɨn̰-kɨbi cay nee bɨ. Ban boy mapa le dugo bɨ, bɨn̰ ka-aye-cay-tɨbayi ɗe kan na gusnan̰ge dɨmdɨrdi kalaŋ le.

Matɨyo 15:36

Ban ƴee mapa ga jurgum le bɨ, gusan̰əŋ le bɨ, leen̰ Kumu ho’o cay nee pa dɨm ma boy dugo bɨn̰ ka-aye-cay-tɨbayi ɗe gosɨnɨn̰ge dɨmdɨrdi kalaŋ le ƴee.

Matɨyo 26:26

Kan somge kɨbɨ dɔɔ gɨŋ diige dɔɔ ɨni na, Jesu say ay mapa tor-kɨbi cay nee pa dɨm ma, boy dugo bɨn̰ ka-aye-cay-tɨbayi bɨ, yege hɨn̰: «Ƴagɨŋ, dagɨŋ, hɨnga ga kɛ le na kuyoŋdi-gusɨnɨ.»

Marg 14:22

Kan somge kɨbɨ dɔɔ gɨŋ diige dɔɔ ɨni na, Jesu ay mapa tor-kɨbi cay nee pa dɨm ma, boy dugo bɨn̰ ka-aye-cay-tɨbayi bɨ, yege hɨn̰: «Ƴagɨŋ, hɨnga ga kɛ le na kuyoŋdi-gusɨnɨ.»

Marg 6:41

Ɨni na, Jesu ƴee mapa ga bay bɨ gusa ga sɔɔ bɨ, ayɨn̰ cɨndi jɨn̰ daa torɨn̰-kɨbi cay nee pa dɨm ma boy mapa le dugo bɨn̰ ka-aye-cay-tɨbayi ɗe kan na gusɨnan̰ge kalaŋ ƴee. Kardi nee, gusa ga sɔɔ le kalɨn̰ ma Jesu gosɨnɨge cay nee bɨ.

Marg 8:6

Ɨni na, Jesu yen̰ dɨmdɨrdi kalaŋ ɗe na somge dugo. Kardi nee ɨni na, ban ƴee mapa ga jurgum le bɨ, leen̰ Kumu ho’o cay nee pa dɨm ma boy dugo bɨn̰ ka-aye-cay-tɨbayi ɗe na gosɨnɨn̰ge dɨmdɨrdi kalaŋ le ƴee. Bɨ kan gosɨnɨn̰ge dɨmdɨrdi kalaŋ ga nee le.

Kɔl-gɨ-Ɗari gɨ Lug wal 22:19

Kardi nee ban ay dan̰ mapa, leen̰ Kumu ho’o, tumɔ pa dɨm ma ban boy duroy nee bɨge yege hɨn̰: «Mapa gɨ kɛ le, na kuyoŋdi-gusɨnɨ gɨ ɨŋ bɨgɨŋ. Laagɨŋ hɨn̰ wo̰ agɨŋ hɨnɨn̰ canɨ.»

Kɔl-gɨ-Ɗari gɨ Lug wal 24:29

Ama kalaŋ ga sɔɔ le ɗayge naŋ yeyge hɨn̰: «Sɨma danani, tɨwa or kɨya ɗɔbɛ ɨni, son̰do ba mɨnde.» Bɨ ban andaŋ som danage duroy ƴaa dɨŋ.

Kɔl-gɨ-Ɗari gɨ Lug wal 24:35

Ka-aye-cay-tɨbay Jesu ga sɔɔ le, say dorge kol hɨnga ga ba andaŋ cayge a te gɨyəŋ gɨŋ bɨ, tɨdɨge di buyoŋ a cay Jesu kɨɗɨn̰ ga ban ƴom mapa boy duroy nee bɨ.

Kɔl-gɨ-Ɗari gɨ Lug wal 9:16

Jesu lobɨ mapa gɨ bay dan̰ karɨn̰ gusa ga sɔɔ le, ayɨn̰ cɨndi jɨn̰ daa torɨn̰-kɨbi cay nee bɨ, ban boy dugo bɨn̰ ka-aye-cay-tɨbayi ɗe kan na gusɨnan̰ dɨmdɨrdi kalaŋ le.

Kɔl-gɨ-Ɗari gɨ Ja̰ wal 6:11

Ɨni na, Jesu don mapa leen̰ Kumu ho’o bɨ, gɔsɨnɨn̰ge kalaŋ ga somge dugo le. Bɨ ban ay gusa leen̰ hɨn̰ wo̰ bɨ. Kalaŋ nɔm diige hɨn̰ gɨ kuduroyge gey wo̰.

Gɨye-lɔɔ 2:42

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

Gɨye-lɔɔ 27:35

Kɨɗɨn̰ ga ban ye kɔl gɨ nee le dɨbɨ dugo bɨ na, ban ay mapa bɨ leen̰ Kumu ho’o tumoy kalaŋ nɔm bɨ, boy bɨ, ay te dɔɔ.