Kɔl-gɨ-Ɗari gɨ Lug wal 24:19 - Gabri Maja

¹⁹ Jesu dɨbɨge cay nee yege hɨn̰: «Na wa ba lɔɔ hɨnga ga?» Kan jɨga dɨbiige cay nee yeyge hɨn̰: «Na hɨnga ga andaŋ a cay Jesu gɨ Najarɛt! Ban na ba-yɔɔ-kɔl-gɨ-Kumu-ba-yɔɔ. Kumu dan̰ kalaŋ nɔm solge hɨn̰ gɨ ban na lee gɨye bɨ, ye kɔl bɨ, dan̰ dɔnɔ.

Kɔl-gɨ-Ɗari gɨ Lug wal 24:19 ပူးပေါင်းရင်းမြစ်များ

Matɨyo 21:11

Ɨni na, dɨmdɨrdi kalaŋ dɨbɨgege cay nee yegege hɨn̰: «Na Jesu ba-yɔɔ-kɔl-gɨ-Kumu-ba-yɔɔ, gɨ sayga Najarɛt di woy a cay gɨsəŋ ga Galile gaŋ.»

Marg 1:24

«Jesu gɨ Najarɛt, ji gey na wa gusɨni ga? Ji ɨrga na kɨya mondɨni ga? Ɨŋ solɨn̰ kuɗa wo̰: Ji woy dan̰ cɨndɨn̰, na Kumu ba gɨygɨn̰.»

Kɔl-gɨ-Ɗari gɨ Lug wal 24:18

Ban gɨ pɨna gɨ teeyige Kɨlopas dɨbii cay nee hɨn̰: «Kɛ, na ji ban pɨna han̰ ma na kɨrga gɨ cay ƴaa-di-gumu di Jerusalɛm gɨ ja kol hɨnga ga ba andaŋ a boy wɔlɛ gɨ kɛ gɨŋ le naŋ ga?»

Kɔl-gɨ-Ɗari gɨ Lug wal 7:16

Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!»

Kɔl-gɨ-Ɗari gɨ Ja̰ wal 3:2

Ban ɨrga dan̰ son̰do wan̰ Jesu bɨ, yey hɨn̰: «Ba-gɨlɨn̰ kalaŋ hɨnga, ni sol gɨ ji na ba-gɨlɨn̰ kalaŋ hɨnga gɨ sayga gusi Kumu. Hɨn̰ gɨ Kumu na baa dan̰ ungo naŋ na, ungo wo̰ kɨya ɓale lɔɔ hɨnga ga ɗɨn̰ cɨn̰-kɨɗɨn̰ ga ji ba lee le naŋ.»

Kɔl-gɨ-Ɗari gɨ Ja̰ wal 4:19

Ɨni na, tama le yeyi hɨn̰: «Ba-gulɔŋ, ɨŋ sol gɨ ji na ba-yɔɔ-kɔl-gɨ-Kumu-ba-yɔɔ.

Kɔl-gɨ-Ɗari gɨ Ja̰ wal 6:14

Kɨɗɨn̰ ga kalaŋ solge hɨnga ga ɗɨn̰ cɨn̰-kɨɗɨn̰ ga Jesu lee ɨni na, kan yege hɨn̰: «Leen̰ cɨndi ungo gɨ kɛ le, na ba-yɔɔ-kɔl-gɨ-Kumu-ba-yɔɔ, gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 7:52

Kan dɨbiige cay nee yeyige hɨn̰: «Kɛ ji-bandi kalɨn̰ ma ji gɨ lɔɔ na ungo gɨ Galile bɨ ga?» Dɨŋdɨ kuɗa duroy Magtubu di da Kumu di kan walge dɨŋ bɨ, ji kɨya sɔlɛ gɨ ba-yɔɔ-kɔl-gɨ-Kumu-ba-yɔɔ pɨna wo̰, na sa a cay gɨsəŋ ga Galile gaŋ naŋ.

Gɨye-lɔɔ 10:38

Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi.

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Gɨye-lɔɔ 7:22

Gɨlin̰ge Moyis hɨnga ga ni cɨn̰-muɗɔlɛ nɔm ga kalaŋ ga Ejɨpt solge. Lee gɨ ban bɨləŋ ungo gɨ togi tɔgɨ boy kɔl yɔɔdi gɨŋ bɨ, boy gɨye-lɔɔdi gɨŋ bɨ.