Kɔl-gɨ-Ɗari gɨ Lug wal 23:5 - Gabri Maja

⁵ Ama kan ƴomge osɨ yege hɨn̰: «Ban gosɨr kalaŋ dan̰ gɨle kɔl koyi, a cay gɨsəŋ ga Jude gaŋ nɔm. Ban ay toy na a cay gɨsəŋ ga Galile gaŋ bɨrɨŋ andɨn̰ a cay ƴaa-di-gumu di Jerusalɛm dɨŋ kɛ.»

Kɔl-gɨ-Ɗari gɨ Lug wal 23:5 ပူးပေါင်းရင်းမြစ်များ

Matɨyo 11:1

Jesu yen̰ ka-aye-cay-tɨbayi ga mɔjɨ-cayge-sɔɔ kɔl gɨ nee le nɔm coŋ ɨni na, ban ɗodɨ a kɨɗɨn̰ ga nee gaŋ le orɨn̰ gɨlɨn̰ kalaŋ hɨnga bɨ, teen̰ bɛrnɛ kɔl gɨ da Kumu boy cay ƴaan̰əŋ ga gɨmdəŋ ga a cay gɨsəŋ ga Galile gaŋ.

Matɨyo 2:1

Jesu le wooyge na a cay ƴaa di Bɛdɨlɛhɛm di woy a cay gɨsəŋ ga Jude gaŋ. Boy ɨlgedi gɨ nee le, na kɨlma Ɛrɔd ma na ba-dɔɔ cay ƴaa di nee le. Bɨ ga ma, ka-sɔlɛ hɨnga boy dɛsɨɗɛŋn̰əŋ gaŋ saygage te kumu ɨrgage bugoŋ a cay ƴaa-di-gumu di Jerusalɛm dɨŋ.

Matɨyo 27:24

Kɨɗɨn̰ ga Piladɨ sol gɨ kɔl koyi na andaŋ hɨnga bii naŋ, ama kalaŋ geyge dɨbe do̰ ɨni na, ban ay kaŋ bɨ pɨlɨn̰ kobi cɨn̰ dɨmdɨrdi kalaŋ bɨ, ye hɨn̰: «Kɨbardi ungo gɨ nee le gɨ bɔɔ canɨ naŋ. Na kɔl kogɨŋ kɨŋ-gandi hagɨŋ!»

Matɨyo 4:23

Jesu gor a cay gɨsəŋ ga Galile gaŋ nɔm, gɨlɨn̰ kalaŋ hɨnga a duroy ƴaa-daye-di-da-Jubɨn̰əŋ gaŋ bɨ, teen̰ bɛrnɛ Kɔl-gɨ-Ɗari gɨ ojɨ cay dɔɔ-ƴaa di daa nii bɨ, poɗɨn̰ ka-hɔmɨn̰ɛ nɔm bɨ, poɗɨn̰ ka-modoŋ nɔm duroy karɨn̰ Ɨsɨrayɛl bɨ.

Marg 1:14

Kardi nee kɨɗɨn̰ ga ƴomge Ja̰ dangay dɨŋ coŋ ɨni na, Jesu or a cay gɨsəŋ ga Galile gaŋ. Ban tee bɛrnɛ di da Kɔl-gɨ-Ɗari gɨ da Kumu ye hɨn̰:

Kɔl-gɨ-Ɗari gɨ Lug wal 11:53

Kɨɗɨn̰ ga Jesu ba de kɨɗɨn̰ andaŋ doŋ duroy ƴaa-daye gɨ da kalaŋ ga ni Parɨsɨn̰an̰əŋ le, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis le, bugoŋge cayi dan̰ kɔl gɨ ɨl pɨb ɨngɨriige kɔl gɨ ojɨ cay hɨnga pɨna pɨna nɔm,

Kɔl-gɨ-Ɗari gɨ Lug wal 23:23

Ama kan ƴomge osɨ wɨlalge yen̰ge hɨn̰: «Dɨɗiigɨŋ na dɨɗe a cay sɨya-gɨ-dagɨli gɨŋ. Noyge di ye hu hu hu jɨn̰ nee nee le, ƴee hɨnga bɨge.»

Kɔl-gɨ-Ɗari gɨ Lug wal 23:6

Kɨɗɨn̰ ga Piladɨ je kɔl gɨ nee le na, ban ɨngɨrge ye hɨn̰: «Kɛ, ungo gɨ kɛ le, na gɨ a cay gɨsəŋ ga Galile gaŋ ga?»

Kɔl-gɨ-Ɗari gɨ Ja̰ wal 1:43

Wan̰dodo dɨŋ ɨni na, Jesu ojɨ kuduroy gɨ ni ɔrɛ a cay gɨsəŋ ga Galile gaŋ. Ban wayi Pilib a te gɨyəŋ gɨŋ, bɨ ban yeyi hɨn̰: «Ɨre, kɨba karɨnɨ.»

Kɔl-gɨ-Ɗari gɨ Ja̰ wal 19:15

Ɨni na, kan ayge te dɔgɛ-sɨle yen̰ge ye hɨn̰: «Diɗii na dɨɗe, diɗii na dɨɗe! Gagɨlayigɨŋ na gagɨle a cay sɨya-gɨ-dagɨli gɨŋ.» Piladɨ jɨga ɨngɨrge hɨn̰: «Kɛ kɨŋ gey gɨ ɨŋ na gagɨla kɨlma kogɨŋ a cay sɨya-gɨ-dagɨli gɨŋ ga?» Ka-cay ka-bɔgɛ kɨbar dɨbiige cay nee yeyige hɨn̰: «Ni-gandi na, ni ɨran̰ dan̰ kɨlma gɨ ɗaŋ naŋ, na kɨlma gɨ gumu Sejar ƴɔbɨ.»

Kɔl-gɨ-Ɗari gɨ Ja̰ wal 2:11

Hɨnga ga nee le, ma na hɨnga ga ɗɨn̰ cɨn̰-kɨɗɨn̰ ga cay wase ga Jesu lee. Ban lee na a Kana a cay gɨsəŋ ga Galile gaŋ. Ban gɨl gusoŋ-tɔgɛ koyi cɨn̰ kalaŋ, lee gɨ ka-aye-cay-tɨbayi beege kuduroyge cayi.

Kɔl-gɨ-Ɗari gɨ Ja̰ wal 7:41

Ga ɗaŋ yege hɨn̰: «Kɨris ban gɨ Kumu dorii le na ban.» Ama kan ga ɗaŋ coŋ yege hɨn̰: «Kɛ Kɨris ban gɨ Kumu dorii le, kɨya sɔɔ na a Galile ga?»

Kɔl-gɨ-Ɗari gɨ Ja̰ wal 7:52

Kan dɨbiige cay nee yeyige hɨn̰: «Kɛ ji-bandi kalɨn̰ ma ji gɨ lɔɔ na ungo gɨ Galile bɨ ga?» Dɨŋdɨ kuɗa duroy Magtubu di da Kumu di kan walge dɨŋ bɨ, ji kɨya sɔlɛ gɨ ba-yɔɔ-kɔl-gɨ-Kumu-ba-yɔɔ pɨna wo̰, na sa a cay gɨsəŋ ga Galile gaŋ naŋ.

Gɨye-lɔɔ 10:37

Kɨŋ sol hɨnga ga ba lee gusɨge ƴen̰ kɨɗɨn̰ a cay gɨsəŋ ga Jude gaŋ nɔm, ayɨn̰ toy a cay gɨsəŋ ga Galile gaŋ kardi batɛm di Ja̰ ba tee bɛrnɛdo le, kuɗa.

Gɨye-lɔɔ 23:10

Kɨɗɨn̰ ga man̰e-kɔl le say ɨl tɔgɨ na, ba-cay asɨgarn̰əŋ le hɨndar gɨ kan na da dɨɗe Pol. Na toy di hɨn̰ wo̰ ma, ban ay noyi bɨn̰ asɨgarn̰əŋ gɨ kan na gɨsɨn ɨra dɨrayi duroyge coŋ bɨ, kan na jɨgan̰ danayi duroy ƴaa di da asɨgarn̰əŋ dɨŋ le.

Gɨye-lɔɔ 5:33

Kɨɗɨn̰ ga kan jege kɔl gɨ nee le ɨni na, kuduroyge homge gɨɗaŋ, lee gɨ kan gey dɨɗe ka-gɨre-gɨye le coŋ.

Gɨye-lɔɔ 7:54

Kɔl gɨ ban yege le bɨge kuduroy-hɔmɛ tɔgɨ bɨ, gɨdɨdege gasɨndɨge cay Etɛn.

Gɨye-lɔɔ 7:57

Kɨɗɨn̰ ga nee le kan dege sɨle tɔgɨ bɨ, lɨgɨdɨn̰ge sɨmayge daa bɨ. Kondɨwadi kalaŋ ga nee le, sayge dan̰ kuduroyge ga pɨna bugoŋge cayi,