Kɔl-gɨ-Ɗari gɨ Lug wal 23:34 - Gabri Maja

³⁴ [Ɨni na, Jesu ye hɨn̰: «Banɨ, ɗa kuduron̰ jala jɔm cayge kɨya wa hɨnga ga kan lee le, kan sɨla toyge naŋ.»] Bɨ kan lobɨge badɨge kayi nɔm gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ.

Kɔl-gɨ-Ɗari gɨ Lug wal 23:34 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 11:26

Ho’o Banɨ, na ban mana hɨnga ga ji ojɨ dan̰ kuduroy geye kon̰.»

Matɨyo 5:44

Ama ɨŋ-bandi na, ɨŋ yəgɨŋ ye hɨn̰: “Geygɨŋ ka-baadɨgɨŋ bɨ, ulagɨŋ Kumu ka-cay kan ga ka-gɨlgɨŋ cɨn̰ bɨ.”

Marg 15:24

Kardi nee ɨni na, kan gagɨliige a cay sɨya-gɨ-dagɨli gɨŋ bɨ, asɨgarn̰əŋ lobge badɨge kayi gosɨnɨn̰ge gusɨge dan̰ te gɨyəŋ gɨ da jɨbe ɓɛlɛ, kɨya solɨn̰ge ungo gɨ kɨya ƴɔɔ badɨge kayi le.

Kɔl-gɨ-Ɗari gɨ Lug wal 22:42

«Banɨ, hɨn̰ gɨ kuduron̰ na gey na, jɨbɨ kobo gɨ ni soon̰ hɨnga ga ni cɨn̰-n̰age ga kɛ le sɛdɨ walaŋ coŋ. Hɨn̰ gɨ ɨrɨme hɨnge na wɨya hɨn̰ wo̰ kalɨn̰ ma, lɔɔ kuduroy geye hɨnge naŋ, ama laa na kuduroy geye kon̰.»

Kɔl-gɨ-Ɗari gɨ Ja̰ wal 17:9

«Ɨŋ olɨn̰ na kol cayge kan. Ɨŋ ulan̰ na kɨya cay kalaŋ ga cay gɨsəŋ gaŋ naŋ. Ama ɨŋ olɨn̰ na kɨya cay kan ga ji bəŋ danage: Kɨya wa kan na kan̰.

Kɔl-gɨ-Ɗari gɨ Ja̰ wal 19:11

Ɨni na, Jesu jɨga dɨbi cay nee yeyi hɨn̰: «Tumɔ, ban gɨ som daa nii le ni na bɨn̰ dɔnɔ naŋ na, ji ni kɨya ɓale lɔɔ hɨnga pɨna danaŋ naŋ. Na toy di hɨn̰ wo̰ ma, ɨsɨna gɨ da ban gɨ ba dɔbɔŋ kobɨn̰ le gumu tɔgɨ dɨn̰ kon̰ coŋ.»

Gɨye-lɔɔ 16:28

Ama Pol teeyi dan̰ tumoyi di daa pəŋ pəŋ yey hɨn̰: «Loon̰ gusɨn̰ hɨnga ga ɨsɨni naŋ! Ni woy nee nɔm kɛ ƴee.»

Gɨye-lɔɔ 3:17

«Ama haw kɛ, karmɨnɨ ga ban̰aŋ dan̰ ga kandɨ, ɨŋ sol gɨ na sɔlɛ di naŋ ma, kɨŋ-gandi bɨ, kɨrɨmbɛlɛŋ kagɨŋ bɨ, ba leen̰ hɨnga ga nee le.

Gɨye-lɔɔ 7:60

Kardi nee ɨni na, ban poy gɨbay dugo bɨ, dor noy hal daa ye hɨn̰: «Ba-gulɔŋ ɗɔɔ kol ɨsɨna gɨ kɛ le ƴɔmɛ cayge naŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Magtubu di Pol wal bɨn̰ kalaŋ ga Rɔm 12:14

Tɨragɨŋ-kɨbɨgɨŋ a cay kalaŋ ga ka-gɨlgɨŋ cɨn̰. Ho’o tɨragɨŋ-kɨbɨgɨŋ cayge wala ɓɨsgegɨŋ naŋ.

1 Korɛ̰t 2:8

Ungo pɨna wo̰ duroy kɛrɨmbɛlɛŋ ga a cay gɨsəŋ gaŋ kɛ gɨ sol cɨn̰-muɗɔlɛ di nee le unɔ. Hɨn̰ gɨ kan ni na sɨlage na, Ba-gulɔŋ gɨ gusoŋ-tɔgɛ na toy le, kan ni kɨya gagɨliige a cay sɨya-gɨ-dagɨli gɨŋ naŋ.

1 Korɛ̰t 4:12

ni lee gɨye dan̰ kobɨni koni gɨlalɨn̰ toy nee bɨ. Hɨn̰ gɨ kalaŋ na yagɨdani na, ni torna-kɨbɨni cayge. Hɨn̰ gɨ kalaŋ na gɨlni-cɨn̰ na, ni ƴom na kuduroyni osu.

1 Timote 1:13

Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.