Kɔl-gɨ-Ɗari gɨ Lug wal 23:26 - Gabri Maja

²⁶ Kɨɗɨn̰ ga kan tolge Jesu orɨn̰ge danayi ɨni na, kan jɨbɨn̰ge dan̰ ungo gɨ pɨna wo̰ gɨ teeyige Simo. Ban na ungo gɨ kan wooyge a cay ƴaa-di-gumu di Sirɛn dɨŋ, gɨ sayga na ƴaa di caa gɨŋ. Kan ƴomiige dan̰ dɔnɔ gɨ ban na aya sɨya-gɨ-dagɨli gɨ da Jesu kɨban̰ kardi.

Kɔl-gɨ-Ɗari gɨ Lug wal 23:26 ပူးပေါင်းရင်းမြစ်များ

Matɨyo 5:41

Hɨn̰ gɨ ungo na ɗa dɔnɔ can̰ gɨ ji na ayayi hɨnga ɨran̰ danayi hen̰, ɓala hɨn̰ kɨlomɛdɨr pɨna wo̰ na, ji ɨran̰ danayi ɗɨn̰ kɨlomɛdɨr sɔɔ coŋ.

Kɔl-gɨ-Ɗari gɨ Lug wal 14:27

Ungo gɨ na aya sɨya-gɨ-dagɨli koyi dɨgan̰ nərɨn̰ naŋ bɨ, kɨya marɨn̰ naŋ bɨ na, kɨya ɓale bɨle ba-aye-cay-tɨbanɨ naŋ.

Kɔl-gɨ-Ɗari gɨ Lug wal 23:25

Piladɨ dor ban gɨ kan dɨbiige dangay dɨŋ kɨya do̰ di ban dɨbɨ bɨ, kɨya tɨma di ban dɨɗɨ bɨ le, daa. Bɨ ban bɨge ban gɨ kan ba ɨngɨriige le. Bɨ ban dobɨ Jesu kobɨge, ɗe kan na leeyi hɨnga kage ga kuduroyge na ojɨ le.

Kɔl-gɨ-Ɗari gɨ Lug wal 9:23

Ɨni na, ban yen̰ kalaŋ nɔm ga ba tɔgɨyige le hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cay nee n̰anan̰ gusi, dan̰ wɔlɛ pɨna pɨna kɨya dogɨn̰ nerɨn̰ bɨ, kɨya marɨn̰ bɨ.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 2:10

Pɨrɨji bɨ, Pampili bɨ, Ejɨpt bɨ, kan ga saygage cay ƴaa di Sirɛn di woy a cay gɨsəŋ ga Libi gaŋ bɨ, kan ga Rɔm bɨ,

Gɨye-lɔɔ 6:6

Kan ɨrgan̰ danage tumoy ka-gɨre-gɨye. Kan olge Kumu bɨ, dɨbɨge kobɨge cayge kɨya dorge sige dan̰ cɨndɨge ojɨn̰ cay gɨye gɨ nee le bɨ.

Gɨye-lɔɔ 6:9

Ɨni na, kalaŋ ga pɨna wo̰ san̰ge danayi dan̰ kɔl. Kalaŋ ga nee le, na kalaŋ ga teege kɨɗɨn̰ dayaŋ kage naa «ƴaa-dayaŋ ga da gɔyɔŋ ga dorge guyɔŋdu cayge coŋ», kan na Jubɨ ga cay ƴaa-di-gumu di Sirɛn bɨ, di Alegjandɨri bɨ, ga cay gɨsəŋ ga Sɨlisi gaŋ bɨ, ga Aji gaŋ bɨ. Kan say man̰ge kɔl dan̰ Etɛn.